الموضوع: الأهلي العالمي أسطورة حفرت أسمها بأسطر من ذهب - على هامش دورة ويمبلي الدولية بأنجلترا

المشاركة الأصلية كتبت بواسطة AshTurbo

أزاي بس مش عالمي ياراجل حرام عليك والمركز الثالث على (العالم) دة أسمه ايه وأزاي مش أسطورة هو في نادي في مصر ولا أفريقياعمل الأرقام اللي عملها النادي الأهلي دة ليه أرقام قياسية محدش عملها على مستوى العالم أقولك رقميين قياسيين عالميين على سبيل الذكر لا الحصر .

الأهلي هو النادي الوحيد على مستوى العالم اللي وصل لكأس العالم للأندية ثلاث مرات .

الأهلي النادي الوحيد على مستوى العالم الذي لم ينهزم طوال 55 مباراة .

أسطور بقى ولا مش أسطورة عالمي ولا بيلعب في عالم ثاني غير عالمنا يارجالة لو قعدنا نعد عاوزيين كثير وبصراحة مش محتاجين نعد ونبرهن أن النادي الأهلي أسطورة ذهبية بحق .

كل الانجازات "العالمية" اللي انت بتقول عليها هي في الحقيقة انجازات قارية.

هو الأهلي وصل (وخلي بالك من وصل) لكاس العالم للأندية ازاي؟ مش بالبطولات الأفريقية؟

هو لم يهزم 55 مباراة ليه؟ مش عشان بيلاعب أندية مصرية وأفريقية؟

يبقى الانجازين مش دولين.

لما يكسب كاس العالم للأندية نبقى بقول عليه عالمي.
لما يبقى بمستوى الأندية أبطال أوروبا نبقى نقول عليه عالمي.

يا راجل ده أنا كنت في الاستاد في متش برشلونة من سنتين ولعبية برشلونة كانوا بيلعبوا وهما واقفين. مش عايزين يجروا ويتعبوا نفسهم. وفي النهاية كسبونا أربعة - صفر.


لما واحد يطلع الأول على فصل كله خيبانين نقول عليه عبقري؟

الأهلي لا هو عالمي ولا هو أسطورة.

الأهلي نادي كبير وليه انجازاته الكبيرة. كبيرة مش ضحمة!

المشاركة الأصلية كتبت بواسطة shnory

هو حضرتك بتناقض نفسك ولا بتستفز الناس علشان تتشاكل
علي فكره انا ولا بحب الكوره ولا اعرف مين بيلعب في الاهلي ولا غير الاهلي
بس يا ريت نحسن اسلوبنا شويه علشان محدش يزعل مننا

احسن اسلوبى !! هو انا غلط فى حد لا سمح الله و لا قليت ادبي مثلا !!

انا بدردش مع زميل فى المنتدى اهلاوى مش اكتر و انا كمان بتكلم عن النادى بتاعى مش بتكلم على نادى تانى علشان استفز حد ..

و انا حر ممكن اشتم فريقي و النادى بتاعى كمان .. مادام مغلطتش فى حد ولا وجهت كلام لحد يبقي اللى يزعل يزعل ..

وممكن يفتكروا انك قاصد تشعل فتيل الفتنة
ويعملوا من الكلمتين دول حواديت

فتيل الفتنة أيه لأ أحنا شباب عاقل ومتفتح مفيش فتن بإذن الله هو حصل لبس في الموضوع , يا أستاذ شنوري طبعاً منور الموضوع وحبيت أقولك أن درش يقصد أخواننا الأعداء (الكتاكيت والفراخ) اللي كل ما يكسب الأهلي يقولوا الأهلي كسب برشوة الحكام على الرغم من أن الأهلي أكثر فرقة بيحصلها أصابات نتيجة العرقلة والألتحامات من الخلف (بيدخلوا على رجل اللعيبة مش الكورة) ومع ذلك الحكام بتفوت عشان محدش يقول أنهم بيجاملوا للأهلي دة قصد تريبل درش مكانش يقصد حاجة وحشة لا سمح الله أتمنى أنكم تصفوا الخلاف بينكم بعد ما عرفتم أنه سوء تفاهم وزي ما قال أشرف الخلق محمد صلى الله عليه وسلم يعرض هذا ويعرض هذا وخيرهما الذي يبدأ بالسلام .

ههههههههههههه تستاهل يا درش عشان تبقا تشجع الاهلي تاني

و بعديين ما انت مقولتش حاجة غلط هوا الاهلي بيكسب بالحكام و احنا فرحانين بيه كدة .... ;)

كل الانجازات "العالمية" اللي انت بتقول عليها هي في الحقيقة انجازات قارية.

هو الأهلي وصل (وخلي بالك من وصل) لكاس العالم للأندية ازاي؟ مش بالبطولات الأفريقية؟

هو لم يهزم 55 مباراة ليه؟ مش عشان بيلاعب أندية مصرية وأفريقية؟

يبقى الانجازين مش دولين.

لما يكسب كاس العالم للأندية نبقى بقول عليه عالمي.

يعني الكلام دة يطبق على الأهلي بس ولا على كل أندية ومنتخبات العالم...مش كل أندية ومنتخبات العالم بتفوز الأول على الأندية المحلية بعد كدة بتتأهل للبطولات العالمية ولا الأهلي عمل أيه بالظبط ولا أنا فاهم الحياة غلط مش هو بردوا منتخب مصر ولا حتى البرازيل عشان يوصل كأس العالم مش بيوصل على حساب منتخبات قارية وبعد كدة بيوصل لكأس العالم ولا في نظام جديد نزل ثم أنت بتقول لما يكسب كأس العالم للأندية نقول عليه عالمي طيب على كدة منتخب البرازيل ولا الأرجنتين لو مكسبوش كأس العالم مايبقوش عالميين ويرجعوا محليين لحد ما يكسبوا كأس العالم ولا أنا فهمتك غلط يعني أدينا بنتناقش والخلاف لايفسد للود قضية ومنور الموضوع ياباشا .