ظاهرة انتشار السيريون في شوارع القاهرة!!

**_hany_** · 15-05-2009 03:17 AM

من أسبوعين بالظبط قبل ما اشتري عربيتي السيريون، كان بيجيلي ملل من كتر البحث عن عربية سيريون ماشيه في الطريق بهدف اني أبص عليها قبل ما أشتري العربيه و أقارنها بالعربيات اللي حوليها، لدرجة اني مره فضلت باصص من شباك الشغل اللي بيطل على المحور لمدة نص ساعه عشان اقدر أشوف عربيه سيريون معديه!!.

كنت فيييين و فييييين لما ألاقي سيريون ماشيه أو راكنه، كنت بحس زي ما أكون لاقيت كنز!!

المهم بعد ما اشتريت العربيه و الأيام دي بالذات، بقيت أشوف كميات من السيريون في كل مكان، ممكن بمعدل 10 مرات أو أكثر في اليوم، ده حتى الشارع اللي ساكن فيه لاقيت فيه اتنين!!

فحسيت ان العربيه بدأت تنتشر بشكل كبير، و أعتقد عرض التقسيط الجديد من ديهاتسو بتاع ال 5000 جنية مقدم له دور كبير في ده.

حبيت أعرف اذا كان حد تاني لاحظ الموضوع ده، و كمان آراءكم و توقعاتكم لتأثير هذا الانتشار على خدمات التوكيل ووضع العربيه في السوق المصري.

**شاهين - بنز** · 15-05-2009 10:03 AM

آه فعلا من بعد نزول السريون ال 1000cc لاحظت إنتشارها الجامد وبجد هي عربية تستاهل

**aliabutaleb** · 15-05-2009 10:11 AM

بصراحة لسة مخدتش بالي من زيادة في عدد السيريون في الشوارع من ساعة نزول الـ سيريون وان
انا حتى لغاية دلوقتي مشفتش ولا عربية منها
بس اللي واخد بالي منه إنها لسة زي الفاكهة ولما رقية بنتي بتشوف عربية منها بتصرخ وتقول "زي عربيتنا أهي" :)

**_hany_** · 15-05-2009 01:01 PM

جايز في مناطق و مناطق، انا ترددي أكتر على أكتوبر و المهندسين و الهرم و بقيت أشوفها باستمرار.

**mimo9800** · 15-05-2009 02:31 PM

انا كنت مفكر ان انتشارها متوسط برده , بس كل اما انزل اسكندرية بلاقيها مغرقة الشوارع , وده حاجة بتسعدني , بس برده اكيد ارحم من انتشار الانسر

**medo_sirion** · 15-05-2009 03:27 PM

الجديد العمارة اللى ساكن فيها يوجد 3 سيريون بالوان مختلفة
والعمارة اللى جنبى يوجد 3 جراند تيريوس كلهم اللون الاسود وعليهم حبت ارقام واحدة عليها رقم 3 والتانية 18 والتالتة 1234

**medo_sirion** · 15-05-2009 11:11 PM

ياااااااااااااااااااااااا ااااااااااااااااااااااااا رب

**hhhmmmzzzz** · 16-05-2009 06:30 PM

بالرغم انى حسيت قبل ما اشتريها الاحساس ده بس بعد ما اشترتها لقيت فعلا كتير منها بس مش بدرجة انتشار اى عربية تانية ممكن تكون السيريون وان هى السبب ولو كانت هى اعتقد ان الايام الجاية مش هنلاقى عربية فى الشارع غير السيريون اما السبب التانى انه ممكن ان احنا ابتدينا ناخد بالنا منها اكتر من اى حد بعد ما اشتريناها وانا طريقى برضه مابين 6 اكتوبر والمهندسين بس بصراحة لسة بنعاكس ونكلكس لبعض لما بشوف حد راكب السيارة دى سواء راجل او امراةليس من باب المعاكسة ولكن من باب التفرد والتميز بالعربية وبلاقى استجابة لذيذة من الطرفين بتدل علي الرضاوالسعادة
واعتقد ان ده فى صالحنا حتى تكون قطع الغيار متوافرة ان شاء الله تقريبا كلنا سياراتنا جديد وقدامها 3 سنوات علي الاقل قبل ما ندخل فى قصة قطع الغيار الغير متوافرة دى وربنا يستر طريقنا جميعا وتسعدوا بسيريوناويتكم