ايه الرقم القياسي لسيارة جديده بدون خدوش في شوارع المحروسه؟

**جمال** · 15-05-2009 03:20 PM

اثناء الفحص الفنى للترخيص اول مرة !!!
من واحد بيمتحن سواقة فى المرور

**Hosam_Optrawy** · 15-05-2009 04:09 PM

المشاركة الأصلية كتبت بواسطة pro_samir

فكرتنى بالنكتة بتاع الراجل اللى كان قاعد فى الكشك

ودى بتقول ايه ؟ :D

**hossam_elwani** · 15-05-2009 05:48 PM

انا كان عندى نوبيرا زيرو 2001 اول ما جبتها كنت خايف عليها جدااااااااا جبتلها غطاء وكل شوية ابص عليها المهم فى يوم من الايام نازل رايح مشوار وجاى ارفع الغطاء والاقى الصدمة الرهيبة الزجاج الامامى مكسور كله وخدوش معموله بمسمار على الكبوت والجنب اليمين كله من الرفرف قدام الى الرفرف ورا والغريب ان الى عمل كده غطاها تانى زى ما كنت انا مغطيها تمام شفتوا الذوق

**SeiffoZ** · 15-05-2009 09:11 PM

يا إبنى ده ختم صلاحية السيارة للسير فى شوارع جمهورية مصر العربية ..
حاجة زى ختم النسر كده ..

**dode2002** · 15-05-2009 09:12 PM

5 ايام وخدت ختم الجوده المصريه

**moudy88** · 15-05-2009 09:43 PM

وسع ياعم انت وهو ...اطول رقم قياسي عندي انا ومفيش حد في المنتدى ولاحتى في مصر جابه او حتى قريب منه طبعا ..........اطول رقم قياسي كان ___________

30 دقيقه ......... ايون نص ساعه مش خطا في الكتابه ...عربيه اخويا فيرنا 2008 كان جايبها من المعرض وركنها تحت البيت وبعد لما ابن البواب غسلها من التراب اللي عليها وانا قاعد فيها وبتفرج عليها وفي عز فرحتنا بيها ........صوت خبطه رهييييييييب والعربه اترجت .....الواد ابن الجيران ابن ............* رمى من الدور العاشر حنه حديده نص متر (زي حديده المنشر ) ونزلت على العربيه من ورا عملت نقره وبينت الصاج وخدش كبير ....وقولنا الحمد لله وخدت العين ...وبعديها بكام يوم خبطت العربيه وعوجت الكبوت وحصل خرم في الاكصدام وكانت اول خبطه في حياتي ....

**نور العمر** · 15-05-2009 10:19 PM

هما خمس ايام ووأخدت ختم النسر وختم الجودة وختم لعين
ومن ساعتها ... مش بتبطل ... غلطي .. وغلط غيري
مش عارفة ممكن اغيرها إزاي وأجيب عربية أحسن أو زيرو في يوم من الايام .... متهيألي لازم الغي الفكرة دي