ايه الرقم القياسي لسيارة جديده بدون خدوش في شوارع المحروسه؟

**_hany_** · 15-05-2009 03:38 AM

طبعا الواحد لما بيكون معاه عربيه جديده و لسه بكر متخدشتش بيكون خايف عليها من الهوا الطاير. ، فما بالكم من تاكسيات و ميكروباصات و شباب مصر الروش اللي بيجري من غير ما يبص و عجل و موتسيكلات و عيال بامواس و مسامير و حراميه بيسرقو العلامات و الطاسات و ناس لازم تخبط فيك و هيا بتركن عشان تعرف انها ركنت كويس و طبعا ربنا يكفينا شر النقل و المقطورات و..و....و....و....

طبعا الموضوع ده نصيب بس حبيت أعرف ايه أطول مده حد فيكم قعدها بعربيته الجديده من غير ما تتخدش منه، سواء خطأ شخصي أو خطأ الغير.
انا شخصيا بقالي تلت أيام مع العلم اني سواقتي هاديه و بغطي العربيه باستمرار و ربنا يسترها علينا و عليكم من جنون الشارع المصري.

**akmal_hamdi** · 15-05-2009 05:43 AM

اسبوع واحد بالعافيه

**Hosam_Optrawy** · 15-05-2009 05:50 AM

حوالى 6 شهور
وطبعا اسباب الخدوش معروفه
القطط وخرابيشها - واحد حب يكتب مذكراته على عربيتك - حجر ماختش بالك منه وانت بتركن يقوم يكسرلك الاكصدام من تحت
بس اكتر غاظتنى
واقف فى البنزينه بأمون
وتاكسى عطلان فى الشارع والناس بيزقوه عشان يدخلوه البنزينه
الحماس اخدهم كلهم وهما بيزقوا يقوم هوب لابس فيا من ورا
انا كدا غلطان ؟؟؟؟؟؟؟؟ ده انا واقف بأمون !!! مش عارف المفروض الواحد يعمل ايه عشان ميتخبطش
انا مش عارف بجد اللى راكب عربيه غاليه بيستحمل يمشى بيها فى مصر ازاى

**pro_samir** · 15-05-2009 07:05 AM

المشاركة الأصلية كتبت بواسطة Hosam_Optrawy

واقف فى البنزينه بأمون
وتاكسى عطلان فى الشارع والناس بيزقوه عشان يدخلوه البنزينه
الحماس اخدهم كلهم وهما بيزقوا يقوم هوب لابس فيا من ورا
انا كدا غلطان ؟؟؟؟؟؟؟؟ ده انا واقف بأمون !!!

فكرتنى بالنكتة بتاع الراجل اللى كان قاعد فى الكشك