كيف يتم تصنيع الزيوت ..........أدخل وشوف

**samirayad** · 15-05-2009 02:47 PM

_ تستخرج زيوت التزييت من المتبقى من تقطير البترول الخام عند أعادة تقطيره تحت ضغط مخلخل (عند درجة حراره أعلى من 350 درجه مئويه ).........

-وذلك بغرض الحصول على قطفات الزيوت الأساسيه بتقسيماتها المختلفه .......

_ التقسيمات دى بتكون أما (خفيفه _ متوسطه _ ثقيله ) ويتوقف نوع الزيت وعدد القطفات التى نحصل عليها من نوع الزيت الخام ( البترول وأماكن تواجده فى الأماكن المختلفه بالكره الأرضيه )........

_ كما يتوقف نوع الزيت على أساليب التقطير وطرق التقطير والتكرير فى معامل تكرير البترول .........

_ حيث يتم معالجة هذه القطفات لتحسين خواصها ( دى حنعرفها بعدين .....وأزاى بيتم تصنيع المنتج النهائى اللى بنحطه فى عربياتنا)......

_ عملية المعالجه للقطفات (للزيت الأساسى اللى من أصل معدنى ) بتكون بهدف الحصول على نوع زيت معين ......................

....* بتختلف نوعية الزيوت الأساسبه فى خواصها الطبيعيه (لأنها جايه من أصل بترولى ) بأختلاف نوع الخام (البترول ومكان أستخراجه ).........

1-خام برافينى...........

2- خام مختلط القاعده.............

3- خام نافثينى القاعده..................

_ يلاحظ أنه يوجد أختلاف فى الخواص الطبيعيه والكيميائيه للزيوت الأساسيه المنتجه من كل نوع من أنواع الخام الثلاثه السابق ذكرها .......( يعنى الخام لما ودناه معمل التكرير جاى من أى بلد ) من السعوديه _ أمريكا - الأرجنتين _ مصر وهكذا.........وهو ده اللى بيتحكم فى جودة الزيت الأساسى

_ فمثلا زيوت التزييت المنتجه من أصل بترولى (خام ) ذو أصل برافينى تمتاز بمعمل لزوجه عالى ودرجة أنسكاب عاليه نسبيا ووزن نوعى منخفض عن تلك المنتجه من خام أو بترول ذو أصل نافثينى ...........

_ عاوزين الأول نعرف ليه الزيت مهم جدا فى المحرك ومنقدرش نستغنى عنه ..........

1- الزيت بيقوم بمنع أو تقليل الأحتكاك الصلب بين الأسطح المعدنيه المتحركه على وجه الخصوص ........

....حيث أن الأحتكاك المباشر بين الأسطح بينشأ عنه حدوث البرى أو التآكل مع أرتفاع درجه الحراره .....وبكده الأسطح ممكن تبوظ ( زى كراسى الكرنك وخلافه )...............

2- الزيت بيساعد أيضا فى رفع كفاءة تبريد المحرك مثلا .....وبكده بيساعد مع دورة التبريد بتاعة المحرك فى التخلص من الحراره الزايده الناتجه عن أحتراق مخلوط الهواء والبنزين داخل غرف المحرك ...........

3- الزيت بيساعد أيضا فى تنظيف وتشتيت الرواسب الكربونيه المختلفه الناتجه عن عملية الأحتراق (وبالذات مع هروب نواتج أحتراق بين الشنبر والشميز ) بيأخدها معاه للكرتير مع حركة شنبر الزيت ..........

4- بيساعد الزيت على حمل نواتج الأحتراق داخله وهو شغال جوه المحرك .....وبالتالى لا يظهر تأثير لها على مكونات المحرك ( طبعا مع الألتزام التام بفترات تغيير الزيت )......لأن لما بيحدث تكسير لمكونات الزيت مع تكبير الدماغ ( ممكن ده يدمر المحرك ).............

5- الزيت بيقوم بنقل الحركه كما فى الأجهزه الهيدروليكيه ( وعندنا مثال حى .....الفتيس الأوتوماتيك ودايرة الباور ).........

6_ الزيت بيساعد فى نقل الحراره ( كما فى أجهزة التجفيف والتسخين )............ومعروف موضوع سخان الزيت....أو الدفايه الزيت ( ده اللى فاكره فى النقطه دى دلوقتى )....

7- الزيت بيقوم بوقايه الأسطح من الصدأ والأكسده...........

8_ الزيت بيقوم بسد الخلوص بين الأسطح الدواره والتردديه ( عندنا كراسى الكرنك مثلا .......ووقت أستخدام زيت الشنبر لسد الخلوص الزائد بين الشمايز والشنابر ).

- دى حاجه بسيطه كده دلوقتى على مانتحدث سويا فى موضوع تانى خاص بأضافات تحسين خواص زيوت التزييت ....اللى بنستخدمها لمكنة العربيه مثلا..............
اشكركم للمرور بالموضوع الحالى لحين التكمله ..............

**evoo90** · 15-05-2009 10:59 PM

متشكرين على المعلومه

**samirayad** · 15-05-2009 10:59 PM

بعد ماعرفنا كيفية أخذ الزيت الأساسى اللى بيعتبر القاعده اللى حنصنع منها زيت التزييت للمحرك مثلا ...........
عاوزين نعرف .......مما يتكون المنتج النهائى ( اللى بنشتريه من عند بتوع الزيوت )............................................
أولا بتتكون زيوت التزييت عادة من زيوت أساسيه .....
غالبا ماتكون من أصل بترولى (اللى هى الزيت المعدنى ) لأن التخليقى أو الصناعى بنستورد قاعدته ( زيته الأساسى )........................
_الزيت الأساسى بيكون مخلوط مع بعض الأضافات الكيماويه خلطا متجانسا لتكسب زيت التزييت خواص جديده ( أحنا عاوزنها من زيت التزييت كمثال )......
وذلك بغرض رفع كفاءة الزيت أثناء عمله بالمنظومه .............

_ فيما يلى أمثله عن أهم الأضافات ووظائفها..............

1- أضافة التنظيف والتشتيت................

هذه الأضافه تعمل أولا على تنظيف الأسطح المعدنيه الداخليه للمحرك من الرواسب الناتجه من أحتراق الوقود أو أكسدة الزيوت فلا يحدث التصاق بالشنابر أو أنسداد فى مصفاة الزيت أو مجارى زيت التزييت للمحرك .........كما تعمل هذه الأضافات أيضا على عدم تجمع هذه الرواسب بل تتركها معلقه ومشتته فى الزيت حيث يمكن التخلص منها بصفه دوريه ( هو ده وقت غيار الزيت ).......وكذلك يتم تجميع بعض هذه الرواسب فى فلتر الزيت ( وهو ده سبب تغييرنا للفلتر )
2- أضافة مقاومة الأكسده .............

_ زيت التزييت عباره عن مواد هيدروكربونيه ينتج عن أتحادها بالأكسجين أكسده للزيت .....وبالتالى تتكون مركبات حمضيه تضر بالمعادن ....مثل أجزاء المحرك ......

وتواجد هذه الأضافه مع الزيت تزيد من درجة ثبات الزيت ومقاومته للأكسده فتمنع تكون المواد الضاره بالزيت مثل الأحماض العضويه والجلخ كما تكون غشاء قوى من الزيت على سطح المعدن يمنع الأحماض من آداء دورها المعروف ........

هذه الأضافات بتستعمل فى زيوت تزييت محركات الديزل والبنزين وزيوت مجموعة نواقل الحركه الهيدروليكيه ( زى الفتيس الأوتوماتيك ) ....وبعض أنواع زيوت تروس الحركه ( زي الفتيس المانيوال ).........وغيرها

3- أضافة مقاومة الصدأ ..............

_ هى أضافه تعمل على تكوين غشاء قوى لألتصاق الزيت بالأسطح المعدنيه ...لوقاية المعادن والأجزاء ( زى أجزاء المحرك ) من الصدأ وذلك بعزلها عن مسببات الصدأ الرئيسيه وهى الرطوبه والهواء ......

تستعمل هذه الأضافات فى زيوت تزييت محركات الديزل والبنزين وزيوت مجموعة نقل الحركه الهيدروليكيه .....وهكذا................

4- أضافة مقاومة الرغاوى ..................

_ تقوم هذه الأضافه بتفتيت فقاقيع الهواء التى تسبب الرغاوى عند تقليب الزيت فى المحرك وخلافه .......

حيث تعمل على تحطيم التداخل البينى بين جزيئات الهواء والزيت لمنع حدوث الرغاوى بالزيت .....فيساعد ذلك على تكوين غشاء مترابط من الزيت على سطح أجزاء المحرك ....مما يزيد من كفاءة وجودة عملية التزييت ...................

5- أضافة رفع معامل اللزوجه............

- هى أضافه خاصه عباره عن مواد متبلمره ذات وزن جزيئى عالى تعمل على تقليل معدل أنخفاض لزوجة الزيت كلما أرتفعت درجة حرارته ....ويجب أن تكون هذه الأضافات من النوع الثابت المقاوم للقص وتستعمل هذه الأضافات فى زيوت تزييت محركات الديزل والبنزين .......

وخاصة الزيوت متعددة الدرجات وأيضا فى زيوت المجموعات الهيدروليكيه وزيوت نواقل الحركه الهيدروليكيه .........................

_ على فكره .......هى دى اللى بنقول عليها زيت الشنبر وبنشتريها فى عبوات ( لما المكنه تكون عاوزه طقم شنبر )........

6- أضافة خفض درجة الأنسكاب .......

هى أضافه تؤثر على المواد الشمعيه الموجوده بالزيت وتعوق تجمدها عند تعرضها لدرجات الحراره المنخفضه حتى يظل الزيت سهل السريان فى هذه الدرجات وتستعمل هذه الأضافه عادة فى البلاد البارده جدا........

فى الحقيقه عملية تصنيع الزيوت حساسه جدا ......والموضوع فعلا كبير ...........

_ ونظرا لأن هذه الأضافات بيتم أستيرادها من الخارج بأسعار عاليه .......

فده اللى بيخللى الزيت غالى كما نرى........
وكل شركه من الشركات بتحدد نسب الخلط بين الأضافات والزيت الأساسى تحت أشراف منظمات معينه ........ومن هنا بتيجى جودة شركه عن الأخرى فى تصنيع الزيوت ......