سنتر وانذار!!

**casperinoo** · 27-09-2007 09:51 PM

عايز اركب سنتر وانذار
ممكن حد يقولي يكلفو كام
عايز حاجه متوسطه يعني مش وحشه ولا حلوه قوي

وتركيبه هل لازم في التوكيل ولا لو ركبته بره مش هيقطع في الضفيره ومش هياثر علي الضمان ولا لأ؟

وكل عام وانتم بخير

**Mina W** · 28-09-2007 02:16 PM

انا ركبت واحد اسمه سميفونى ، و ده مش وحش و مش احسن حاجة برضة زى ما بتقول متوسط، ده كان فى توكيل كلاريون، و فى برضه ماركة اسمها ولف ناس كتير بتشكر فيه بس وقتها ملاقتهوش، و الباقى كان كله صينى و بدون ضمان فركبت السميفونى و هو لحد دلوقتى كويس و شغال معقول.
ده كان انذار و ستنر مع بعض، بالنسبة للضمان فى كيا قالى ركب بره مفيش مشكلة، معرفش غبور هبعمل ايه، بس اظن ممكن تشترى من برة و تروح هما يركبوه و ده اضمن، لانهم بصراحة ممكن يتلككو فى التوكيل انا كان عندى مشكلة فى الكهربا و حجزت قبل ما اركب اى حاجة و ركبت قبل ما اروح التوكيل علشان بالمرة لو ظهرت مشكلة يبقى يعملوها فراحوا اتحججو بان اللى ركب الانذار ممكن يكون سبب المشكلة رغم انها من قبل ما اركب.
فاضمن فى التوكيل

**casperinoo** · 28-09-2007 06:02 PM

انا ركبت واحد اسمه سميفونى

شكرا لردك بس ممكن حضرتك تقولي انت اشتريتو بكام وتركيبه بكام...وهل النوع ده سمعته كويسه؟؟؟
وشكرا مقدما :mrgreen:

**Nader** · 28-09-2007 06:44 PM

في برضة الانذار ولف بريموت مفتاح بـ210 وضمان 3 سنين... ممتاز بصراحة

**محمدايهاب** · 29-09-2007 01:24 PM

أنا ركبت سيمفوني ب210 جنية و السنتر لوك ب200 و ساعتها ده كان أرخص واد لقيته في المعادي و عانيت منه مدة طويلة ( غالبا) علشان إلي ركبهولي كان حمار عانيت كتيير لغاية أما رحت عند واحد بتاع أبواب محترم ركبلي الإنذار على الكالون و من ساعتها و الوضع كويس
أنا اسمع أن والف أحسن واحد و معاه ضمان خمس سنين