أنا والحياة ... والخيانة الــــــ ؟؟؟؟

**hamdy** · 16-05-2009 10:12 AM

حسبي الله ونعم الوكيل في تقديم هذه البرامج
يا جماعة علمائنا يقولون "من استشرف الفتنة فتن"
واللي بيسمع الكلام دا بقصد و لا من دون قصد ممكن الشيطان يزين له و النفس ضعيفة
وقصة راجل او امراة خائنة مش هيفرق الجنس
لو ما اخترتش مراتك من الاول علي اساس الدين و انتي لو مخترتيش يا اختي زوجك علي دين -"ذنبنا علي جنبنا"-

**yahyanaabil** · 16-05-2009 10:34 AM

المشاركة الأصلية كتبت بواسطة memohamada

و بعدين لو الخيانة الزوجية منتشرة قوى كدة , يبقى لية عمرى ماسمعت عن حد اعرفة مراتة ظبطتة مع واحدة تانية

حصلت مع اقرب الناس ليا وكان ممسوك عليه شريط فيديو كمان بس حضرتك اللى لسه مصادفتش مواقف زى ديه

**badblood** · 16-05-2009 02:29 PM

المشاركة الأصلية كتبت بواسطة terrible_darsh

مخدرات + فراغ + احباط ( رجال ) .

مــــــــع

قلة عقل و دين + طــمــع + تدخل فى شئون الغير + التمرد و الافترا على نعمة ربنا .. ( سيدات ) .

= اسرة مصرية

.

+100000

معاك يادرش خاصة التمرد

**نور العمر** · 16-05-2009 03:00 PM

المشاركة الأصلية كتبت بواسطة aif

اختي الفاضلة نور العمر
انصحك ارجعي للكارتون .....
برامج الحوار والمكالمات دي انا مقاطعها من سنييين طويلة ... لأني ببساطة لا أثق بالاعلام عموما ... إلا فيما ندر
اسوء شيء في بلدنا الحبيب ..... الاعلام
البرامج البشعة دي مسببة مشاكل لا حصر لها عند الناس
انا ليا أقارب كتير اوي في الخارج .... لاحظت انهم لما بينزلو اجازة في مصر بيبقو خايفين من كل حاجة في مصر وعندهم كم رهيب من الاحباط والقرف من البلد واللي فيها .... وبالتدريج عرف السبب .... ببساطة هو متابعتهم للبرامج المصائبية للقنوات المصرية
لو لاحظتى ح تلاقي البرامج اليومية دي مش بتجيب غير المصايب ... مع بعض التهويل ... وبعض المبالغة ... وبعض اثارة المشاعر ....طبعا لزوم الفرقعة الاعلامية .... وكله بحسابه

تلاقي الخبر العادي بقى كارثة قومية ..... وطبعا اللي عايشين برة مصر بيستقو معلوماتهم عن بلدهم ... من العاشرة مساء ... البيت بيتك ... حالة حوار .... 9000 دقيقة ...وحسين فهمي ..... وغيرهم ... ويتفرجو ومتخيلين ان هو ده المجتمع المصري ....
.....
انا بأتفرج ع الجزيرة الوثائقية وبراعم و قنوات اطفال مع ابراهيم و بعض قنوات الاخبار غير المصرية و قنوات رياضية اوقات مسابقات العاب القوي وما شابهها
بس
ارجعي للكارتون يا نور

من غير ما تقول أخي في الله انا فعلا رجعت الكارتون
ومش حفتح حاجة تاني ... أنا بقا عندي حالة اكتئاب شديدة .. وأخدت مهدئ فعلا امبارح
المشكلة إني اشتريت الأخبار النهاردة بعد مقاطعة شهور للجرائد بردوا ... ( عشان ملحق السيارات ) مش عاوزة أقولك كم الحوادث والجرائم إللي قريتها عملت فيا إيه

أنا نفسيتي تعبت بجد ... ومش مصدقة .. ومش طايقة اسمع حاجة جديدة ...

المشكلة إني حاخد وقت كبيييير قوي ... لحد ما افوق من الاكتئاب إللي دخلت فيه

والله المستعان

**نور القمر** · 16-05-2009 03:20 PM

بس خلي بالك كمان من الكرتون علشان ولادك
لان دلوقت ممكن تلاقي قصص مدمرة اخلاقيا ومشاهد حميمية
والفاظ سوقيه
منها الدخيل علينا مدبلج ومترجم ومنها للاسف انتاج مصري

الواحد مش عارف يروح فين

**مؤمنة** · 16-05-2009 05:06 PM

الخيانه فعلا بقيت موجوده بصوره بشعه فى مجتمعنا اذا كان بعض الاعضاء بيشكوا فى صحه البرامج فايه رايكم فى بريد الجمعه الاسبوع ال فات قرات رساله لزوجه تزوجت بعد قصه حب كبيره جدا وكانت كل يوم تقبل رجل زوجها من كثره حبها له مش حطول عليكم بعد سنه من الزواج لاحظيت تغير زوجها واكتشفت علاقته بصديقه له فى العمل ومع موجهته بكى وقال لها انه مش عارف ازاى ده حصل وانه بيحبها جدا وما يقدرش يستغنى عنها لحظه واحده
هو فى ايه مراته تعملوا ايه اكتر من كده حسبى الله ونعم الوكيل فى كل زوج يخون زوجته وفى كل زوجه تفكر مجرد تفكير فى رجل اخر غير زوجها

**aif** · 16-05-2009 07:25 PM

المشاركة الأصلية كتبت بواسطة مؤمنة

الخيانه فعلا بقيت موجوده بصوره بشعه فى مجتمعنا اذا كان بعض الاعضاء بيشكوا فى صحه البرامج فايه رايكم فى بريد الجمعه الاسبوع ال فات قرات رساله لزوجه تزوجت بعد قصه حب كبيره جدا وكانت كل يوم تقبل رجل زوجها من كثره حبها له مش حطول عليكم بعد سنه من الزواج لاحظيت تغير زوجها واكتشفت علاقته بصديقه له فى العمل ومع موجهته بكى وقال لها انه مش عارف ازاى ده حصل وانه بيحبها جدا وما يقدرش يستغنى عنها لحظه واحده
هو فى ايه مراته تعملوا ايه اكتر من كده حسبى الله ونعم الوكيل فى كل زوج يخون زوجته وفى كل زوجه تفكر مجرد تفكير فى رجل اخر غير زوجها

الصحافة ليست افضل حالا من التلفزيون يا مؤمنة
في موضوع قديم هنا كانت عاملاه اختنا علا عثمان ...
عن قصة في بريد الاهرام وكانت تقطع القلب .... وكل الاعضاء تفاعلو معاها وبعد اسبوعين هي نفسها عملت موضوع وهي مش مصدقة ... ومصدومة .... وقالت ان الموضوع طلع اشتغالة وان صاحب الموضوع نفسه اعترف بكدة ... وكله فبركة ....
انا مش متذكر التفاصيل لكن فاكر الموضوع نفسه
يعني انا قصدي ان ممكن اوي اوي القصص دي تطلع من تأليف صاحبها .... واحنا يجيلنا الضغط والاكتئاب و نصدق ....
بصراحة انا كل علاقتي بالصحف اليومية اني ساعات باشوفها مع الراكب اللي جنبي ف المترو ....
انا بطلت اصدق .... وبطلت اندهش .... وبطلت استغرب ....

**fady.bekatcho** · 16-05-2009 09:10 PM

زى ما حضرتك بتقولى يا اختى الغالية

الخيانة موجودة عند الستات برضوا ومنتشرة

وانا بصادف منها امثلة كتير

يعنى واحدة جوزها مسافر بتخونة مع واحد اصغير منها وبتصرف علية

واحد طلع فى التليفزيون

سواق تاكسى على ما افتكر

واحدة ركبت معاة وحظة وقعها انها كانت قربت تخلف وكانت هتولد فى عربيتة

طلعها المستشفى وعمل الواجب فوجى ان الدكتور عايز يكتب الواد باسمة علشان هو الى جابها وقالة حلك اننا نعمل تحاليل تثبت انك مش ابوة

وفعلا وافق وعمل التحاليل ولما راح تانى يوم بيقول للدكتور صدقت انى مش ابوة قالوة فعلا التحاليل اثبتت انك ما بتخلفش اصلا

المصيبة ان الراجل دا متجوز وعندة 5 اطفال

ولما واجة مراتة اعترفت انها كانت بتخونة

-

الموضوع: أنا والحياة ... والخيانة الــــــ ؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

اتعلم ازاى تركب الــــــ rpm

لبست مخالفة اول يوم العيد الصبح بسبب السايس الــــــ---

تجربتي مع المرض .... والحياة

الكلمات الدلالية لهذا الموضوع

المفضلات

المفضلات

ضوابط المشاركة