انت هتسافر القمر بالصروخ ده :lol:
عرض للطباعة
انت هتسافر القمر بالصروخ ده :lol:
فورد على فكرة لها علاقة ب كيا برايد وانا شفت فكندا سيارة فورد نسخة من البرايد وعليها بادج فورد
دي اصلا كان اسمها ford festiva وفضلت تنتج من 1980 لحد 1990 باسم الصانع الحقيقي لها وهي فورد وبعد ماوقف انتاجها وظهرت كيا والحاجات الكوري وكده قامت اخدت التصميم بتاعها من فورد وكملت انتاجه لحد 99 وانتو عارفين الباقي بقى
وممكن تشوفو عالنت صور ليها وهي فورد موديل قديم نفس شكل البرايد بالملي دورو على ford festiva وشوفو العجب
اصل انا اصلا اول مااتعلمت السواقه كانت ب برايد وفضلت اسوقها 3 سنين يعنى عشرة عمر برضو(وحشتيني ياعصفوره :| )
احنا مستنين باقى المسلسل يلا شد حيلك
يلا شيد حيلك عايزين نعرف الصاروخ ده هيضرب فيين ؟ :D
http://www3.0zz0.com/thumbs/2007/09/30/13/17527391.jpg
اولا يا جماعة شكرا علي الردود واهتمامكو بالصناعة الايرانية الحديثة وجهودها الرامية للصمود امام القوى المبرياليه العالمية والتي ان دلت فهي تدل علي مدى تمسكوا بمبادئ جماعتنا ( الشكمان هو الحل ) والتي ستثمر خيرا ان شاء في سبيل جهادنا المقدس ضد ال ال ( اهو ضد اي حاجة وخلاص )
(( تنوية هااااااااااام ))
هذة المعلومات سرية جدا والتعليق عليها او حتي مجرد الاطلاع قد يؤدى بك الي مشاكل كبرى مع جهات استخبراتية معادية ( حد فاهم حاجة !!!)
http://www3.0zz0.com/2007/09/30/13/31180333.jpg
http://www3.0zz0.com/2007/09/30/13/76171276.jpg
ديه فاتورة الحساب طالعة من التوكيل وزي ما انتو شايفين ان الاسعار مبالغ فيها حبتين وطبعا ده الاسلوب اللي بيتبعة اي مركز صيانة في التعامل مع شركات التوكيل يضرب سعر عاااالي جدا والمهندس بتاع المعاينة يفاصل فيوصل في الاخر للسعر اللي هو عايزة ولا عزاء لصاحب السيارة
الادهي والامر هو ما يحدث في قطع الغيار يعني مثلا ممكن المركز يقنع المهندس بتاع التامين انة هيغير رفرف وبعدين ميغيروش ويسمكرة بس ( علي السخن بحموات ) وممكن يعرفك الحقيقية او لاء ولو عرفك فبيفهمك ان ده في صالحك عشان العربية تبقي كلها فابريكا واي كلام في اي كلام
الخدعة التانية الاشهر هي خدعة وش الفانوس اللي بيتغيرلك وتتحاسب عليه علي انة فانوس كامل ( طبعا مش انت اللي بتدفع شركة التامين هي اللي بتحاسب ) بس لو انت عارف اعتقد انك هتشيل الوزر كمان ده بالاضافة لانة يحاسبك علي قطع غيار اصلية ويركب مضروبة وهكذا
الكلام ده مش مقصود بيه المركز اللي اتعاملت معاه تحديدا لاكن ديه سلبيات شوفتها في مراكز تانية في رحلة البحث عن مركز جيد وكمان سمعتها من المهندس بتاع التامينات
الخدعة الكبرى
في الغالب حضرتك لو جديد في الكار 8) مش هتعرف اي حاجة عن تفاصيل المقايسة والفواتير اللي بتطلع من مركز الاصلاح وانت بتحملها دون وعي لشركة التامين لاكن لو انت برووم ( حلوة بروم ديه :lol: ) هتعرف ان المركز بتاع الاصلاح سافح الشركة بتاعة التامين وانت طيشة في النص وساعتها قدامك حل من اتنين اما تبقي راجل ولد راجل وتقف وجفة رادل
يا اما تنصص مع مركز الاصلاح وتعملوا سبوبة مع بعضيكوا :twisted:
بس خد بالك لو صاحبنا بتاع مركز الاصلاح ولع لك في العربية او دهنهالك بمونيكير اظافر بدل البوية او حطلك حبهان في الشكمان ولا هتعرف تفتح بؤئك وهتاخد عربيتك زي البوبي مكسور العين مرفوع الديل ولمواخذة
فنصيحة من اخ لاقدر الله لو عربيتك حصل فيها حاجة وهتستخدم التامين متخليش عربيتك سبب في ان حد يسرق حد حتي ولو كان هينوبك من الحب جانب
http://www3.0zz0.com/2007/09/30/13/24511176.jpg
الخطوة التانية هي تركيب الجنوط والجاوتش
مقاس الفابريكا كان 165/65/13
المقاس المفتكس هو 175/55/14 بس المقاس ده ملقيتهوش وبالعافية لقيت
185/55/14
( ليه اخترت المقاس ده )
مبدئيا انا بحب ان العربية تبقي سبورتي شوية كمان عمليا انا فعلا بجري في حتت فيها رملة او تراب او مياة وكل ده كان بيخلي العجل يفرك مع التسارع او يزحف مع الفرملة
وده لعيب في النقشة الغبية الاولي
ده غير خامة الكاوتش اللي افتدت مطاطيتها من سوء التخزين
كمان المقاس الاستوك مصمم اساسا للعربية الاصلية 1100 سي سي كاربراتير
وشهاب 3 1300 سي سي انجكشن مع نفس الوزن القديم وده بيديك احساس ان العربية ريشة في هو فكانت محتاجة حاجة تكلبشها في الارض شوية غير الاسبيويلر المهم نرجع لموضوع الكاوشت :lol:
قولت لازم اعرض الكاوتش
واغير النقشة
وشكليا لازم اكبر الجنط ل 14 بس عايز اديلو شكل 15 وفي نفس زات الوقت مأثرش علي المحيط الاجمالي للعجلة
ومن هنا جه المقاس الفتكاسي اللي انا جبتة
http://www3.0zz0.com/2007/09/30/13/43896303.jpg
تاني اهم خطوة هي تركيب الجنوط الاسبور وطبعا انتوا عارفين ان الجنوط الاسبور ليها وظيفتين الاولانية انها اخف من الحديد وبالتالي اسهل في التدوير ( يعني استفادة اكبر من عزم المحرك )
الوظيفة التانية هيا انها بتفرش الكاوتش اكتر علي الارض وده لوحدة بيعرض الكاوتش حتى لو كان نفس المقاس وبالتالي ثبات اكبر في المناورات
http://www3.0zz0.com/2007/09/30/13/32176766.jpg
خدبالك لما تيجي تغير الجنوط لاسيما باكبر اهتم ثم اهتم ثم اهتم بمسامير الجنط ويفضل انها تكون اكبر من الفابريكا بس متكونش اكبر اوي المسامير (((( واوعي تحك في ديسكات الفرامل اوعي ))))
http://www3.0zz0.com/2007/09/30/13/23570046.jpg
http://www3.0zz0.com/2007/09/30/13/74174347.jpg
http://www3.0zz0.com/2007/09/30/13/90921733.jpg
اخيرا ده الشكل بعد التعديل وديه الحاجات اللي اتعدلت
1- دهان وسمكرة الجانبين الايمن والاييسر
2- تصليح خبطات صغيرة في الاكصادمات ( امامي وخلفي ) ورشهم بلون العربية
عشان الفابريكا مش بيجيو مدهونين
3- تركيب اسبيولر برايد اصلي ( استيراد عمل 125 بدهانة عشان كان مكسور واتصلح) والجديد مش موجود
4- تركيب دواسات سبور ميتل x كاوتش واشتريت شبشب بصباع (عشان مسوقش حافي تاني ) :oops:
5- تغيير الكاوتش من 165/65/13 ال 185/55/14
6- تغيير جنوط الفابريكا 13 باخرى سبور 14 بوصة
-------------
التكاليف
1- فاتورة الاصلاح والدهان 2000 جنية فوق بس ديه المفروض اني استردها من التامين بعد ما تتشلفط شويتين
2- شوية اكراميات علي شوية اكسسوارات حسبة 200 جنية
3- اشتريت الجنوط 14 بوصة اندونيسي من اشرفكوا ب 1200 جنية
4- اشتريت الكاوتش accelera فرنسى ب 285 جنية للفردة
5- بعت الجنط القديم بالكاوتش ب 100 للفردة ( فردة الجنط والكاوتش )
الا ان القوى الشموليه المتعسفة بنت ديي ميبع هثقثقعهي ابت انها تهنيني بفرحتي فاغارت علي شهابي حبيبي في ثاني طلعاتة التجريبية مستخدمة اعتلي اسلحتها ( مقطورة بامب ) الميدانية مسلطة اقسي عتادتها ( مسامير الجنط الامامي لعجلة التريلا) لتخترق صاج شهاب 3 فتمزقة اربا من الخلف للامام وكل ده قبل ما الباش مهندز بتاع التامين ما يعاين العربية عشان يختم الفاتورة واكمل الاجرائات في سبيل استرداد مبلغ التامين ( حد فهم حاجة !!؟ )
http://www5.0zz0.com/2007/09/30/14/15127993.jpg
يعني مقدرش اعمل اخطار بالحادثة ديه عشان العربية في حكم الحادثة الاولي
ومقدرش اصرف تكاليف الاصلاح الاولي الا لما المهندس يعاين العربية وتبقي سليمة
والي لقاء في حلقات قادمة
لا حول ولا قوه الا بالله
ده انا كنت بفكر حكتب لك ايه اهنيك علي الشغل الجميل ده
قدر الله و ما شاء فعل
ولا يهمك يا ابونورا فداك كله فداك و ربنا يجعله في ميزان حسناتك
لا اله الا الله!!!
يعني كده انته هتصلح الحادثه التانيه دي على حسابك!!!؟
يا أخي دي حاجة تحزن ،،
لا حول و لا قوة إلا بالله ،،
ربنا يخلفك خير منها في الجنة
الواحد مش عارف تقريبا العربيات في مصر متستاهلش تصرف عليها ،، كفاية نلاحق عليه حوادث
اعتقد كده مالهوش لازمة الواحد يبيع الجنط القديم و الكاوتش ،، السعر غير مغري إطلاقااقتباس:
- بعت الجنط القديم بالكاوتش ب 100 للفردة ( فردة الجنط والكاوتش )
يا جماعة محدش يواسيني انا خلاص مبقيتش زعلان الحمد لله قدر الله وماشاء فعل انا عايز رائيكو في الافتكاسات الجديده وشكلها كده احسن ولا الاول احسن
-
فيه ناس فتحت موضوع اصل البرايد وده موضوع طويل اوي فاللي عايز يعرف معلومات اكتر يقرا المشاركة ديه
http://www.nilemotors.net/Forum/viewtopic.php?t=144