مشكلة مع لمبة الزيت

**samirayad** · 17-05-2009 07:02 AM

هو يقصد لمبة أنذار الهبوط فى ضغط الزيت اللى موجوده فى التابلوه ( اللى بتنور مع فتح الكونتاكت وبتطفى بعد الدواره ) وعامله شبه الجركن ونازل منها نقط الزيت

**himaa_2002** · 17-05-2009 12:33 PM

الف شكر على الاهتمام يا بشمهندس سمير
و بالنسبة لمكان لمبة الزيت في اللانوس يا acs هي حتلاقيها في العداد تحت يمين كده والمفروض تنور اول ما تشغل العربية وبعدين تطفي

**meller** · 17-05-2009 12:39 PM

والله يا رجالة الواحد بيستفيد من المناقشة الا بتحصل دية استفادة جامدة جداا لاني جديد ولسة بتعلم والبشمهندس سمير قال معلومات جميلة

**acs** · 19-05-2009 01:44 AM

مهندس : سمير عياد
شكرا يا بشمهندس على ردك وتوضيحك

**blockman** · 19-05-2009 12:12 PM

طيب يا جماعة انا عندي لمبة الزيت اول ما بطلع بالعربية بتبقي مطفية وشوية والاقيها بربش في السلانسيية يعني بتطفي وتنور بسرعة في السلانسية بردو ومش عارف دة ساعة الزيت ولا اية واخاف اغيرها تطلع مش هي وغيرت الزيت وفلتر الزيت ومفيش فايدة

**MMamdouh** · 19-05-2009 12:14 PM

مهى يا ساعة الزيت يا طلمبة زيت يا سبايك الكرنك... شوف الارخص ايه و غيرة الاول

MMamdouh

**samirayad** · 19-05-2009 02:51 PM

المشاركة الأصلية كتبت بواسطة acs

مهندس : سمير عياد
شكرا يا بشمهندس على ردك وتوضيحك

ياباشا أحنا أخواتك وتحت أمرك......

المشاركة الأصلية كتبت بواسطة meller

والله يا رجالة الواحد بيستفيد من المناقشة الا بتحصل دية استفادة جامدة جداا لاني جديد ولسة بتعلم والبشمهندس سمير قال معلومات جميلة

الله يخليك يا أخى وشكرا لزوقك.............

**samirayad** · 19-05-2009 02:57 PM

المشاركة الأصلية كتبت بواسطة blockman

طيب يا جماعة انا عندي لمبة الزيت اول ما بطلع بالعربية بتبقي مطفية وشوية والاقيها بربش في السلانسيية يعني بتطفي وتنور بسرعة في السلانسية بردو ومش عارف دة ساعة الزيت ولا اية واخاف اغيرها تطلع مش هي وغيرت الزيت وفلتر الزيت ومفيش فايدة

ياريت برضه تقولنا على بيانات المحرك أن أمكن ......وبرضه وارد تكون مصفة الزيت اللى تحت طلمبة الزيت فى الكرتير مسدوده شويه ( بسبب رواسب الزيت من المرا ت بتاعة الغيار اللى قبل كده )......................[gdwl]طبعا بالأضافه الى الملاحظات اللى قالها أخونا : محمد ممدوح....[/gdwl]...................وعلشان متحلش الكرتير على طول ( أستغنى عن ثمن ساعه الأول وغيرها ).......وشوف الوضع .......ثم الكشف على المصفه بعد أنزال الكرتير .........وحاول برضه تقولنا على جميع البيانات فى الموضوع المثبت أعلاه عشان تدينا بيانات أكتر .....وبالذات البند الخاص بالأصوات ( تقريبا رقم 13 )........................