الموضوع: عاجل جدا هل الزجاج في الضمان

المشاركة الأصلية كتبت بواسطة Ayman_52

الف حمد لله على سلامة ابن حضرتك

مش هقدر افيدك كتير

بس دا رقم الدعم الفنى ...حضرتك تكلمه الصبح وتساله

0117872000

والف حمد لله عالسلامه

اشكرك يا استاذ ايمن كنت متوقع انك هترد بسرعه لانك دايما بتحاول تساعد الاخريين ربنا يعوضك خير واكرر شكري لك

الف سلامه على حضرتك وعلى ابن حضرتك
واعتقد انه لو سرطان بيبقى باين وطبعا ان شاء الله داخل الضمان

ياجماعه ... الازاز مش فى الضمان .... لان سرطان الازاز .... مش شرط يكون بسبب عيب صناعه , و بالتأكيد التوكيل حرفض التغير ... ديه حاجه مفهاش نقاش .
عموما قدر الله و ماشاء فعل ... حضرتك حاول تسأل عليه عند دكتور جريش و تعرف بكام .. و اسأل فى التوكيل و شوفه سعره كام برده .و الاهم متوافر ولا لا العاده .

المشاركة الأصلية كتبت بواسطة MohabSaeed

ياجماعه ... الازاز مش فى الضمان .... لان سرطان الازاز .... مش شرط يكون بسبب عيب صناعه , و بالتأكيد التوكيل حرفض التغير ... ديه حاجه مفهاش نقاش .
عموما قدر الله و ماشاء فعل ... حضرتك حاول تسأل عليه عند دكتور جريش و تعرف بكام .. و اسأل فى التوكيل و شوفه سعره كام برده .و الاهم متوافر ولا لا العاده .

اشكركم جميعا وشكر خاص لكل من شارك بالرد
وللعلم ذهبت اليوم الي التوكيل في الصحرواي بعد مكالمات متعدده معهم صباحا وعرفت منهم تليفونيا قبل الذهاب لهم ان الزجاج اي كان وتحت ائ ظرف لايخضع للضمان ( ملحوظه ورق الضمان الذي ياتي مع السياره لاينص علي ان الزجاج خارج الضمان) ولكن ما باليد حيله هما قالوا خارج الضمان واعتقد انه مافيش وسيله تلزمهم الا بما يقررونه هم
المهم لما وصلت برضه مهندس/ امر قال ان الزجاج غير خاضع للضمان وان العربيه مش هتخلص النهارده ولازم تبات لبكره فقلت لهم علي باقي المشاكل اللي في العربيه من وقت استلامها واللي سبق ان ذكرت تفاصيلها هناواللي ملخصها الاتي:
1 -شكل العتب في السياره من الجهتين مختلف عن بعضه
2-الكنصول عايز تثبيت بيتهز
3-احد المفتاحين معووج وصعب دخوله وخروجه في الكونتاكت
4- كاوتش الباب الشمال الامامي سايب وعايز يتثبت
5-اللمبه اللي حوالين الكونتاكت التي يجب ان تنور عند فتح الباب لا تعمل
6-السنتر لوك للباب الخلفي يمين لا يعمل (فاصل) ودة مشكله ظهرت بعد الاستعمال
وتحدد غدا اخر النهار للاستلام
وللعلم سعر الزجاج بدون الضريبه او مصنعيه التركيب 250 جنيه وانشالله بعد الاستلام اذا كان هناك اي جديد هوضحه لكم
معلومه لمن يحتاجها سالتهم عن تركيب وحده رفع زجاج قالوا ان ممكن نشتريها من بره وتركب عندهم وتكلفه التركيب فقط هتكون في حدود 200 جنيه (رقم مبالغ فيه) ولما قلت لو ركبت بره التوكيل قالوا انهم يلغوا ضمان المفاتيح الخاصه بالزجاج والدائره الكهربائيه بتاعتها