استشاره في سعر فيرنا 1500 موديل 2006

**sammor_28** · 16-05-2009 02:00 AM

ازيكم ياشباب....
في وحد صاحبي معروض عليه عربيه فيرنا موديل 2006 و 1500 سي سي تكييف ويور بس وهي فبريكه بره وجوه وفيها رخصه 8 شهور وثاني يد...
ياتري ياخبراء الهيونداي دي سعرها المناسب يبقى كام بما يرضي الله عشان ماظلمش صاحبها ولا اظلم صاحبي ياريت تفيدوني...
حاجه كمان هي الفيرنا 1500 حلوه ولا يجيب 1600 احسن .... وياريت تنبهوني ايه اكتر الحاجات اللي ممكن اركز عليها في العربيه لما ننوي نشتري باذن الله...والفيرنا 1500 ليها عيوب او اي حاجه ياريت تفيدوني وتطمنوني...
اسف على الأطاله بس انا وعدت صاحبى اني هجبله الخلاصه من نايل موتورز ..وشكرا ليكم ياشباب

**sammor_28** · 16-05-2009 08:39 AM

صحيح العربيه ماشيه 59 الف كيلو متر

**Moh.Abdelbaset** · 16-05-2009 10:24 AM

عربيتنا نفس المواصفات وماشية حوالي 51000 كم
وتجيب حوالي 48000 جنيه

**sammor_28** · 16-05-2009 07:10 PM

شكرا ليك يا استاذ محمد على ردك واهتمامك...ومستني باقى الأعضاء

**أشرف فتحى** · 16-05-2009 08:06 PM

حضرتك لازم تاخد بالك من حاجه !

العربيه عامله حوالى 60 الف يعنى حضرتك لازم تشوف محتاجه أيه؟
بمعنى لو حضرتك العربيه على حالتها من الزيرو يبقى حضرتك هتغير طقم سيرفيس:-
سير وبليه شداد كاتينه+سير باور+سير تكييف+سير دينامو +طقم بوجيهات.
محتاج تغير كاوتش
محتاج تربط عفشه وتظبط زوايا

الحاجات اللى فاتت مش رخيصه الى جانب ان الرخصه بعد 8 شهور هتحتاج تنقل ملكيه وتسجل!

أعمل حسابك على المصاريف دى وشوف السعر المطلوب فيها كام وكل ده على اعتبار ان العربيه مش محتاجه غير الصيانه الدوريه فقط!!

او قلنا السعر المطلوب فيها كام وتفاصيل اكتر عن حالتها وإن شاء الله نفيدك!

**sammor_28** · 17-05-2009 01:41 AM

ربنا يكرمك يااستاذ اشرف وهو صاحب العربيه طالب فيها 49 الف جنيه وهي العامه مبدئيا من خلال نظره مبدئيه كويسه جدا وشكلها جديد ومتحافظ عليها وربنا يسترها ان شاء الله....
وياريت حضرتك تقولي طقم السيرفيس بيتكلف كام....وموتور 1500 كويس ولا فيه عيوب....وشكرا ليكم ومستني الرد لأننا هنقابل صاحب العربيه بكره ان شاء الله وياريت تقولولي اكشف عليها فين اكون شاكر ليكم جدا ....
اسف على الأطاله وكثره الأسئله بس دي تحويشه العمر لصديق عمري...

**midoonesaid** · 17-05-2009 06:22 PM

بص ياباشا
انا من 3شهور تقريبا اشتريت عربيتي بـ 45 الف
بالنسبة لمواصفاتها
العربية بصراحة نضيفة وصاحبها كان بيصرف عليها (جنوط سبور ـ فرش جلد ـ فوجات) وصيانة في التوكيل
وباقي المواصفات نفس بتاعتك بالظبط هي 1500 مو 2005 بس ماكنش مزعلني منها غير انها ماشية 120 الف بس اما كشفت عليها المتور والعفشة تمام
وبالنسبة للسعر انا شايف انو ممكن ينزل حبتين على اساس الزيرو بتاعها نزل وطبعا لظروف السوق