انا خلاص زهقت من اخطاء وغباء الاخرين :(((((
بيتهيألى انا اكتر واحد عربيته بتتخبط من غير ما اكون انا الغلطان
بسبب الهمجيه والغباء وعدم مراعاة الغير اللى موجوده فى الشوارع
النهارده بالليل وانا فى مكان هادئ وراكن عربيتى عمودى على الرصيف
المهم ركبت عربيتى وعايز ارجع بضهرى عشان اتكل على الله واروح
بصيت ورايا لقيت عربيه فيات او لادا قديمه ماشيه ومش منور انوار
وده رسم بيانى يوضح الموقف
المهم استنيت لحد ماعدى وبارجع واحده واحده
قام البيه اخد باله ان فى ركنه فاتته وعايز يرجع بضهره يركن
قام واخد القرار وراجع بالفعل من غير مايبص
قام واخدلى الاكصدام الورانى بالعرض بالاكطدام بتاعه الحديد اللى طالع منه شفره طولها ربع متر تقطع الخشب
نزلت لقيت راجل عنده بتاع 40 سنه وقاعد جنبه مراته وعياله
وانا اصلا بطبعى مبتعصبش ولا بتخانق ولا باخد عوض
المهم الحوار اللى دار
هو : السلام عليكم
انا : وعليكم السلام
هو : معلش انا مشوفتكش وانا بارجع
انا : ازاى مشوفتنيش ده انت اكيد مبصتش وراك اصلا
هو : لأ اصلك انت مكنتش منور النور
انا : ازاى يعنى ده احنا بالليل واكيد انا منور النور
هو : لأ اصلك مكنتش منوره وانت راجع
( شايفين حرقة الدم عمال يقاوح بدل ما يعتذر يعنى مش عاجبه نور الفوانيس ونور الستوب والنور الابيض بتاع المارش )
المهم عشان متخنقش ومتهورش عليه وكمان معاه مراته وعياله
قولتله حصل خير وسيبته مشيت
وادى الاكصدام