صيانة أول ألف كيلو لازم غبور؟؟؟؟

**amrtalaat** · 28-09-2007 02:01 AM

هو صيانة أول ألف كيلو لازم غبور؟؟؟؟ ولا ممكن كار نك؟؟؟
معلش السؤال دة أصل عرفت ان الضمان مش هخدة الا فى غبور .....
الكلام دة صح ؟؟؟
ولو لازم غبور إيه نصائح الحجز للصيانة ؟؟؟؟؟ وهل ممكن بالتليفون؟؟؟والصبح احسن ولا باليل؟؟؟ :?: :?:

**abdofawzy** · 30-09-2007 09:42 AM

روح ابو رواش و اطلع للطابق الثاني و اسأل على قسم الضمان
قلهم انا عايز شهادة الضمان بتاعتي اذا سألك ليه ممكن تقوله انا شغال في العبور و عايز اعمل صيانتي في كارتك
ان شاء الله هيدوهالك ماتنساش تاخد رخصة العربيه
اول مكتب على اليمين في قسم الضمان واحد اسمه المهندس عصام لو لقيته روح عليه هوه راجل محترم
بس عايز اقول حاجه
كارتك الفرق بينها و بين غبور (ده رأي شخصي) مجرد استقبال كويس و ناس محترمه و ابتسامات و طبعا وقت اقل
لكن غير كده مافيش
والله المستعان

**amrtalaat** · 30-09-2007 02:07 PM

قصدك مفيش خدمة محترمة زى غبور؟؟؟؟
ولا قصدك الإثنين أسوأمن بعض؟؟؟
وشكرا على ردك :)

**Ahmed Anwer** · 02-10-2007 03:36 AM

لأ كارتك كان كويس بس دلوقتي بقه زحمة ،، و لو جاتلهم عشر عربيات مع بعض بيلوصوا
أنا فعلآ بحس إنهم مش محترفين
في غيرهم مودرن سيرفيس في النزهة الجديدة و أوتو ماجد في جسر السويس ورا حديقة بدر
عموما رأي ،، خللي غبور للمشاكل الجامدة بس عشان مملين بطريقة فظيعة ،،
وتاخد وقت طويلللل و المهندسين مش مركزين
غير كده الصيانة العادية اعملها في أي مركز صيانة معتمد ،، اه المهم تختم الضمان و خلاص
و لو مشكلة متحلتش في مراكز الصيانة المعتمدة ،،ابقي احجز في غبور و اقف في الطابور و عاني