هل هناك طريقه لتخفيف ثقل الدبرياج

انا عربيتي سريون 2007 من ساعت ما جبتها والدبرياج بتاعها تقيل جدا لانو سلك وده مش عيب عندي لاني شوفت كذا عربيه في نفس الموديل لقيت برضو ان الدبرياج بتاعها تقيل
ولما قولتلهم في التوكيل كل الي عملوه انهم قللو المشوار بتاعو بس لسه تقيل زي ما هوا وقالولي هوا اخرو كده لان الدبرياج سلك مش هيدرولك
ياترى في حاجه ممكن اعملها في الدبرياج تخليه يخف شويه لانو بصراحه مضايقني جدا
ياريت لو حد يعرف اي طريقه يقولهالي مع العلم ان في حاجه غريبه سعات لوحدو كده بحس انو خفيف وسعات بيتقل ومش عارف احدد ايه السبب الي بيخليه يتقل ولا يخف يعني ايام القيه خفيف وزي الفل وايام القيه تقيل مش عارف هوا ليه بحالات كده ولا دي حاله نفسيه عندي ولا ايه الله اعلم

عملت إيه يا أستاذ عشان انا دايخ بنفس المشكلة

ممكن تزيت الواير بهدف تسهيل حركته داخل الجراب بتاعه

أنا كان عندي أوبل فيكترا
وكانت نفس المشكلة علشان سلك
وبعدين دورة لقيت في سوستة بترفع الدبرياج فوق الدواسه
شيلتها لقيتها بقت خفيفة بس مش بترجع كويس فاجبت سوستة اخف
ممكن تبص كده لو لقيتها زيها جرب

مش عارف موضوع السوسته ده موجود فى الدوجان ولالا

السلام عليكم
اولا المشكلة ديه واجهتني
الحلول اولا
السلك اللي راكب ممكن ميكونش الاصلي
الثاني : ممكن يكون السلك معصور في حتة وهنا تحاول ربط السلك بشكل يمنع العصره
الثالث : ممكن يكون السلك بايظ وقافش وينسح بتنظيفة وغسلة بجاز ثم إعادة تركيبة
الرابع : ممكن الديسك يكون اصلا تقيل وفي الحالة ديه ممكن تركب سوستة شد تساعد مع رجلك بس عايزة حرفة من اللي هيركبها بمعني سوستة شد تتركب مع الدراع بتاع الدبرياج في الفتيس تحت عند المكان اللي السلك بيشده ثم تثبتها في مكان تاني مع الدراع فتساعد معاك لكن خلي بالك ان الدراع اللي السلك بيشدة لازم يرجع للاخر والسوستة ممكن تخليها مربوطو بكولية تتحكم منها في شدة شد السوستة
الخامس : ممكن تغير النظام لدبرياج هيدروليك علي مساتر
والله أعلم
دعائك فقط