أيوه يا مان غير الصوت الأساسى بس ساعات بيحصل و ساعات لأ
عرض للطباعة
الهوندا لاتزال حلم عمرى
كيمو
مش حاسس ان العربية بتزيد نعومه و استابليتى مع الوقت؟
انا عربيتى داخله على ال 30000كم و بدأت احس ان العجل الخلفى بدأ يفرش على الأرض بدرجه بسيطه اوى و حاسس ان الثبات زاد فى الملفات و الجرى عمتأً
ما شاء الله ربنا يباركلك فيها ويديك خيرها و يكفيك شرها, بس احساس حضرتك ده بنسبة كبيرة سببه انك حفظت العربية و خدت عليها اوى, حصل تناغم بينكم يعنى, وده شىء كويس ما شاء الله
مشكور يا باشا على المعلومات دى كلها
بس انا كان عندى سؤال غير متوافق مع الموضوع شوية ههههههه
هوا فى الوان محدده للفرش بتاع العربيات
يعنى انا عاوز اشترى هوندا لونها سليفر وفرشها يكون بيج ؟ هل دا موجود ولا انا كده بستعبط !!
الف مبروك على التثبيت ياكيمو
سؤال سريع أنا عارف إنه مالوش علاقة بالموضوع و لكن ضرورى ألاقيله إجابة
بالنسبة للشباب إللى مركبين الفانوس إللى فيه رينجات و عدسات... هل فرشة النور على الطريق زى الفانوس الفابريكة؟ أحسن؟ أوحش؟ و هل شدة الإضاءة أفضل؟ (بما إن العدسات بتركز الإضائة أحسن من الفانوس العادى)
أنا قابلت واحد إشترى الفانوس من بورسعيد ب 1100 ج تقريبا و بيقول إن التاجر ركبله موتور التحكم علي العدسة عشان يعلى و يوطى النور!! هل ده ممكن؟
و فين أحسن مكان أجيب منه الفانوس؟ سألت عند "جو" و كان ب 1200 ج أو 1100 ج بالتركيب
بص ياسيدي الفاضل !! صاحبي ركب الفانوس ده ولما ركبت عربيتة شفت الاتي !
الفانوس ابو رينجات لو مش هتركب زينون ما انصحكش بيه لان فرشه في النور العادي وحش
اما بالنسبة لو هتركب زينون فهيكون كويس معاك جدا ...
بالنسبة لموضوع الموتور ده انا معرفش اذا كان ينفع ولا لأ بس ما اعتقدش انه ينفع !!! ولكن ده ما يمنعش انك تشوف مين اللي عمل كده وتساله او تشوف عربيته
بجد بجد ... احلى كلام اتقال عن الهوندا سيفيك.
بمزاياها و عيوبها . و موضوع الكيك داون مظبوط جدا.
بس عندي سؤال زغنون ... انا بقالي فترة باركب سيفيك 2008 .. اوتوماتيك .. 1800 cc .
اداءها ممتاز و عاجباني و حابب اركب سيفيك في مصر ان شاء الله ... لو ربنا اكرمني .
السؤال بيقول .. علل .. او افطن .. هل اداء السيفيك الـ 1600 cc هايفرق كتير عن الـ 1800 cc ولا لن يلاحظ ؟؟ :shyy:
و شكرا مقدما على الرد
شكرا للإجابة السريعة
وأرجو إن حد من الشباب إللى مركبينه فى عربياتهم يجاوبنى على سؤالى بمنتهى الصراحة
أنا أساسا مركب زينون على الفانوس الفابريكة و فرشة النور تحفة زى ما كلنا عارفين
هل لو ركبت الفانو إللى فيه عدسة حيدينى أداء أحسن ولا أقل ولا مساوى للفابريكة؟
و هل الفانوس ده فى منه أنواع؟ و فين أحسن نوع؟ و بكام؟
ربنا يخليك ومتشكر جدا :shyy:
على فكرة انا سوقت ال 1800 مانيوال واتوتوماتيك
الفرق موجود طبعا بس مش كبير جدا بالنسبة للاوتوماتيك
يعني 0-100 في ال 1600 بالضبط في 10 ثواني
انما في ال 1800 تقريبا في 8.5 ثانية
وطبعا في فرق في الكيك داون لان تجميع ال 1800 اسرع من ال1600
ولكن برضه ال 1600 هتعجبك
المانيوال بقى دي حكاية !! لان لما كنت راكب مع صاحبها طلع بيها من الكامري والالتيما و أكورد 2006
بص يا باشا انا صاحبي وجاري مركبه زي ما قولت لك فرشه في الزينون ممتاز
thanksssssssssss
سوري اني أتأخرت في الرد بس أنا فعلا سواقتي رياضية و الصفيحة بتعمل معابا 180 كيلو جوه البلد بس أنا سافرت اسكندرية قريب وكنت مثبت سرعةعلى 100 عشان الرادار الصفيحة ساعتها عملت حوالي 270 كيلو.............بس يا ترى لو غيرت سلوب سواقتي هتفرق معايا كتير جوة البلد؟؟؟؟؟
طبعا ... جرب طريقتي هي طريق سلاحف اي نعم بس هو ده اللي يبنفع في طريقي اليومي (أكتوبر- بنها ) أو (المعادي - بنها ) أو (المعادي - أكتوبر)
المهم انت تبقى حساس شوية في دوستك على دواسة البنزين وتخلي العربية تنقل على 2000 لفة
هو التجميع لحد 60 هيكون تعبان س بعد كده والله بتجمع حلو جدا
وانا دي طريقة سواقتي
اما في السفر ... انا سافرت مطروح وكنت ممون من امارات مصر والعربية كانت Full
وصلت مطروح حطيت 28.6 لتر بالضبط والعربية اتفولت وطول الطريق كنت ماشي 160/180 بس بدون حرق يعني العربية بتجمع لوحدها وكبست فيها مرتين أو ثلاثة وكان مسافر معايا افيو5 سبورت اللي هي الهاتشباك وده بقى راح بتفويلة ونص او اقل شوية
جرب كده
وكمان مرة كنت مسافر راس سدر(746 كيلو ) رحت وجيت بـ ـــ 51 لتر وكان طول الطريق حرق وكبس لان العربية كانت جديدة وكنت بجرب
وخليك متابع معانا عشان قريب هنعمل مقابلة لكل ملاك السيفيك والهونداوية :B4_048:
موضوع المقابلة ده حيكون ممتاز جدا
نستفيد من خبرات كل الناس
كيمو
ممكن معلش تسأل جارك اللى مركب الفوانيس العدسات إحساسه هو إيه بالأداء بتاعهم؟ من غير ما يكون منور الشبورة
ربنا يباركللك فيها والف شكر على التقييم
مبروك يا كيمو عقبال 200 الف كيلو وربنا يباركلك فيها ويكفيك شرها
بس نفسى اعرف انتم بتجيبوا 226 كم و 230 بالسيفيك ازاى مع انها 1600 سى سى
انا اعرف واحد معاه سيفيك 1800بالسعوديه وبيقول انها مش بتعدى 215 وانا بصراحه قعدت اقوله ازاى 215 بس وموتورها 1800 امال انا بسمع ارقام عجيبه فى مصر بالنسبه لل 1600 قالى غالبا ممكن الاتنين يكون اخرهم 215 بس 1800 تجميعها اسرع
مع انى كنت مع سيفيك والعربيه ما جبتش قدام عينى اكثر من 210 ما اعرفش فين 230 دى ساعتها
تحياتى
حمد الله على السلامه الاول ....... المهم
انا جربت ال 1800 وكان اخرها 227 في طريق المدينة جده بس تجميعها رهيييب
عندنا هنا انا عربيتي كانت بتجيب 217 المهم فضلت وراها لحد 226 - كانت في منزل - وراح الار بي ام رجع لوحدة وكانك رفعت رجلك من على الدواسة والعربية ما تستجيبش معاك لاي ضغط على الدواسة على البنزين
وده فيديو لعضو معانا هنا اسمه رامز( mussolini) بعربيته 2009 ستوك وجاب 223
http://www.youtube.com/watch?v=8PZ8Y...layer_embedded
سؤال بقى ... انا بشوف كورولا كتير ملزوق عليه ستيكر
abo samra تقريبا .... انت ليك علاقة بيهم
الله يسلمك ياباشا وانت اخبارك ايه
بقا ينفع كدا يا كيمو تتكلم عن السرعه الفصوى فى منزل ؟؟؟؟؟
على فكره انا جبت بعربيتى 225 فى منزل ومصورها فيديو كمان بس مش بعتبرها دى اقصى سرعه لان الطريق مش مستوى وكان فيه ميلان شديد
انا بتكلم لو ماشى فى طريق مستقيم مش منزل فاهمنى:rfds:
انا بحب الكورولا قوى علشان كدا كل ما اشوف كورولا اوقف صاحبها والزق عليها استيكر عليها اسمى(ابو سمره):36_1_1[1]:
ههههههههههه
ابو سمره ده موزع معتمد كبير للتويوتا فى المهندسين علشان كدا انت بتشوف الاستيكر كثير (انت ساكن فى المهندسين؟؟؟؟)
على فكره انا شوفت الفيديو
ده واضح جدا انه فى منزل شوف كدا تجميع العربيه لل 223 كم فى ثوانى مع ان اى عربيه بتاخد حوالى دقيقه كامله علشان توصل اخرها
لا- في المعادي- بس شفت عربيات كتير جدا هليها الاستيكر فانت جيت في بالي لدرجة ان اول عربية شفتها قولت ده انت وكنت عاوز اوقف صاحبها بس طلعت واحدة ست :E_braces[1]: بعد كده شفت عربيات كتير كده فقولت انك موزع او عندك معرض :B4_033:
كلامك مضبوط يا احمد باشا وفعلا السيفيك بتفصل عند 215-217 في طريق مستقيم وانا جربتها اكتر من مرة
تقييم متميز و رائع
ربنا يباركلك في عربيتك و يديك خيرها و يكفيك شرها
و الف مبروك علي اختيار الموضوع كأفضل موضوع لشهر مايو
أنا جبت بعربيتى (سيفيك 2008) 198 كم/ساعة على طريق وادى النطرون
العربية جمعت السرعة فى منتهى السهولة ما شاء الله لا قوة إلا بالله
و أنا راجع كنت ماشى على 182 كم والآر بى إم على 4000!!!!
سلملى بقى على التويوتا
أعتقد إن العربية لما بتفصل عند السرعة فوق ال200 كم بيكون بسبب ال Speed Limiter على الكمبيوتر بتاعها و الله أعلم
طريق وداي النطرون - العلمين .... انا جبت فيه 210
الـ Rpm بيكون 3 عند 150 و 3200 عند 160 لو انت سايب العربية تجمع براحتها
ال 180 هتكون قبل ال 4 بشوية
موضوع فصل السرعة هو بالفعل بسبب ال speed limiter
مالهاش .... عربية كويسة والراجل عاوز يسلم عليها :colsmil:
عربية حلوة طبعا"""
انا عند 150 ال RPM بيقى على 4400 لفه
عند 160 بيقى 4600 لفه
180 بتبقى على 5200 لفه !!!!!!!!!!!!!
عاليه صح علشان الفتيس MMT مبنى على جيربوكس مانيوال والجيربوكسات دى بيكون ال RPM عالى على السرعات العاليه وبتجيب اعلى سرعه للعربيه قبل الاحمر مباشرة غير الاوتوماتيك ممكن يكون اقصى سرعه للسياره عند 5500 لفه مثلا
علشان كدا بعد 100 فى الكورولا من خلال دوسه بسيطه على البنزين بتلاقى العربيه عاوزه تطير
عموما هو الراجل بيسلم على التويوتا ليه !!!!!!!! هى لحقت توحشه:colsmil:
غالبا عندك ال RPM بيكون عالي عشان الفتيس (مش عيب ولا حاجة:fdsa:)
بس موضوع مانيوال ولا اوتو السيفيك المانيوال نفس الاوتوماتيك في موضوع ال RPM والسرعات
على فكرة انا لو خرجت وماقابلتش كورولا في الشارع معرفش ببقى متضايق ههه والله مابهزرش بحس انها حاجة اساسية في الشارع
يا جماعة صلوا على النبى
أنا مش بعيب فى التويوتا ولا حاجة
و يا ريت الأخ صاحب التويوتا ما يزعلش منى
بس ما ينفعش نقارن الكورولا بالسيفيك!!!!
مافيش مجال للمقارنة أساسا
ولا إيه؟
موضوع رائع, و عربية عظيمة, و أنا لو معايا 150-180 الف أجيب سيفيك.
و شكرا لك علي الموضوع.