[frame="7 80"]تم اختيار هذا الموضوع كافضل موضوع لشهر مايو 2009 [/frame]


السلام عليكم
أولا الحمد لله ان ربنا أكرمني واشتريت العربية دي بعد مقارنة بين فئاتها لمده كبيرة ولكن الاختيار وقع عليها والحمد لله
Nile Motors
اولا العربية : CIVIC 08 LXI
كان تمنها : 143000 جنيه
المسافة المقطوعة : 20300 كم في 8 شهور
Nile Motors

Nile Motors
بداية التقييم هيكون لكل حاجة في العربية مفصلا و منتظر تعليقاتكم واسئلتكم على اي حاجة في العربية لان الحمد لله معلوماتي قد تكون شملت معظم العربية دي
Nile Motors
التصميم :-
التصميم الخارجي :
Nile Motors
تصميم رياضي ورائع و جذاب في نظري فيها شبه كبير من الجيل السابق للاكورد ولكن بتطوير واضافة لمسات على التصميم وكعادة هوندا لم تجازف باضافة خطوط ثورية على التصميم كما تفعل شركات مشهورة . المهم اجمالا ان التصميم الخارجي منسجم جدا جدا بسبب انخفاض السيارة وانخفاض سقفها .
من وجهة نظري ان جوانب السيارة ومقدمتها هم الافضل على عكس المؤخرة (الخلفية) وهو عيب من عيوب هوندا في التصميم دائما ولكن برضه ليست بالقبيحة ولكن جيدة
Nile Motors
التصميم الداخلي :
Nile Motors
بدون شك وكالعادة فان دايما هوندا تستخدم أرقى وافضل الخامات الموجودة لتصميم وصناعة ال interiors وبالفعل الكلام ده واضح جدا جدا في السيفيك مقارنة بنظيراتها في نفس الفئة
Nile Motors
أكثر ما يميز السيفيك هو العدادات (الفضائية) التب تنقسم الى قسمين في الاعلى العداد الاكثر استعمالا وهو عداد السرعة بجانبه مؤشر الحرارة والبنزين وفي الاسفل عداد ال RPM (عدد لفات الموتور) والاضواء التحذيرية وطبعا لم يتم تصميم العداداتا دي بطريقة عشوائية لكن لان عداد السرعة هو الاكثر استعمالا فقد تم وضعه على مستوى نظر السائق كي يستطيع النظر اليه دون تشتيت تركيزه من على الطريق

Nile Motors
التابلوة الممتاز مع ان انا معترض على الكاسيت القديم وعاجبني جدا جدا كاسيت ال 2009 وان شاء الله ناوي اغير الكاسيت بتاعي واشتري بتاع ال2009 بس اجمالا التابلوة رااااااائع وبسيط ايضا ازرار التحكم كلها في متناول السائق ويستطيع الوصول اليها بسهولة
Nile Motors
الكابينة - الصالون - مقصورة الركاب :
Nile Motors

Nile Motors
أولا مستوى وضعية الجلوس منخفض تمااااما في الامام والخلف عن منافسات السيفيك وده من وجهة نظري ناتج من انخفاض مستوى سقف العربية بالطبيعي الكل هيتوقع رؤية غير واضحة للطريق ولكن هوندا عوضت الكلام ده بزجاج امامي كبيير . اما عن راحة الركاب في الخلف فبصراحة ده من عيوب السيفيك اذا كان السائق او الراكب الامامي من الناس الطويلة او البدينة فبالتالي هيضطر يرجع الكرسي وده هيأثر على راحة الركاب الخلفيين بالرغم من ان قاعدة العجلات زاد طولها الا ان هوندا فعلا لم تنجح في الاستفادة منها . برضه موضوع ان وضعية الجلوس منخفضة بيمنع الراكب الخلفي من وضع رجلة اسفل كرسي السائق او الراكب الامامي وكمان السائق لو رفع مستوى الكرسي هيحس ان
راسه هتخبط في السقف .
Nile Motors

أما عن الشنطة وبعد ما كنت فاكر انها كبيرة 340 لتر الا ان اختها الصغيرة (سيتي الجديدة ) تملك شنطة اكبر منها 500 لتر عامة الموضوع ده مش مضايقني لاني استخدامي للشنطة قليل .
موضوع المساحات ده انا بعتبرة من ابرز العيوب في العربية واللي هي للامانة قليلة جدا جدا .
Nile Motors
الاداء : (أهم جزء في التقييم)
Nile Motors
المحرك (الموتور) :
Nile Motors

Nile Motors
محرك نشيط جدا بينتج اداء رائع مقارنة بنفس الفئة وهو محرك مكون من 4 اسطوانات بسعة 1.6 لتر كامة واحدة SOHC يبنتج قدرة إجمالية ( 140) حصان و قدرة صافية (125) حصان عند 6300 لفة ..... يعني من الاخر الموتور 125 حصان بتقنية ال I-VTEC
Nile Motors
يحقق تسارع من الثبات الى سرعة 100 كم/ ساعة في زمن قدرة 10 ثواني
VTEC (Variable valve Timing and Electronic lift Control)
هو نظام مطور بواسطة هوندا لتحسين عملية الاحتراق الداخلي للمحرك استناداً إلى عدد دورات المحرك. الجدير بالذكر أن هذا كان أول نظام من نوعه وبالتالي قاد إلى مجموعة مختلفة من الأنظمة المبنية على نمطه من قبل المصنعين الآخرين. وبدمجه مع تقنية VTC (continual variable valve timing control mechanism) فإن الناتج هو محرك i-VTEC (intelligent-VTEC) الشهير.
Nile Motors

من أبرز مميزات النظام ده :
Nile Motors

  • التحكم بالصمامات يحسن من أداء المحرك
  • تحكم متواصل بتوقيت الصمامات
  • نظام ذكي لتحسين الأداء في كل الظروف
  • قليل الانبعاثات

Nile Motors
الجير بوكس - ناقل الحركة - الفتيس : -
Nile Motors

الجير أوتوماتيكي ذو خمس سرعات ناعم سلس وسريع الاستجابة بفضل نظامه الإلكتروني، كما يستخدم عدداً من المعلومات مثل عزم السيارة وسرعتها لينتج أفضل مزيج من توفير الوقود ونعومة الانطلاق وجاء الجير بوكس ب 5 سرعات لتقليل استخدام الوقود و هدوء صوت المحرك على السرعات العالية .
Nile Motors
العفشة - نظام التعليق والتحكم :
Nile Motors

Nile Motors
من الامام : دعامة ماكفيرسون مستقلة
ومن الخلف : زي ما بيسموها Multi-link Double Wishbone Suspension
نطام التحكم : (الدركسيون) : كهربي يعمل بنطام ال Pinion and Rack
تقييمي ليها كعفشة فهي ممتاااااااااااااااازة - ناشفة جدا - في المقابل ثبات خرافي- العربية ماشاء الله عليها مكلبشة في الارض - في المدن بحس انها متعبة وغير مريحة ولكن في طرق السفر وعلى رأي واحد صاحبي
CIVIC ... Floor the throttle and go
بصراحة العربية ماشاء الله وربنا يباركلنا فيها عمرها ماخذلتني كنت واخد ملفات على 190 كم والحمد لله بس برضه لا امان لل FWD في الملفات مهما عملوا
Nile Motors
في المناورات .. بصراحة انا ماليش فيها قوي بس العربية رائعة وكمان و بشهادة أصحابي ان العربية ممتازة في المناورات والغرز والكلام ده كله
Nile Motors

التجهيزات والكماليات : -
Nile Motors
وقت لما اشتريت العربية كانت بتنزل فئة واحد بس وهي اقل فئة LXI وطبعا كانت فقيرة جدا في الكماليات
- فرامل ABS و EBD
- زجاج كهرباء
- مثبت سرعة
- نظام صوت مكون من سماعتين في الامام فقط وكاسيت وسي دي اوديو يسع لاسطوانة واحدة
- 2 ايرباج في الامام
- تكييف
Nile Motors
السلامه والامان : -
من زمان وشركة هوندا معروفه في المجال وبطبيعة الحال فان العربية واخدة 4 نجوم في اختبار ال Euroncap
Nile Motors
عن تجربتي انا الحمد لله العربية ماخذلتنيش ولا مرة في موضوع الفرامل كنت ماشي مرة 197 ومرة واحدة عربية نقل دخلت في الحارة اللي انا كنت ماشي فيها قدامي والحمد لله نجحت العربية بفضل ربنا في تهدئة السرعة والحمد لله ربنا ستر
Nile Motors
الجودة والاعتمادية : -
Nile Motors
هوندا لاغبار عليها في موضوع الجودة و شركة هوندا حصلت على 5 نجوم في جودة التصنيع من JDPOWER أشهر منظمات العالم في دراسة الجودة والاعتمادية
Nile Motors
مصاريف التشغيل أو Running Cost : -
من زمان وكل لما تسأل واحد يقول لك .. لا هوندا قطع غيارها نااااااار ابعد عنها وحتى الان الكلمة دي منتشرة انا معاكم ان قطع غيارها غالية ولكن حد فيكم بص على قطع غيار المنافسين ؟؟؟
من جانبي انا احب اقول حتى لو ان قطع هوندا غاليه بس الغالي تمنه فيه وبالمقابل قطع غيار هوندا داااااااااااااااايما معمرة والعربية ذات نفسها قليلة الاعطال .
Nile Motors
التوكيل والصيانة :


Nile Motors
التوكيل كباقي توكيلات مصر في التعامل ولكن اعتبرة من افضلهم واسرعهم اصلاحا للعيوب ويمتاز بالنظافة .
Nile Motors
في النهاية لازم أقول ان فعلا ان سيفيك من زمان حتى الان لها اسمها - قلة عيوبها شهادة لها بصراحة ولكن الجيل ده فاق التوقعات مع ان فيه ناس مش عاجباها العربية ولكن كل واحد وذوقه .. ولكن في معظم التقييمات والاختبارات فقد تفوقت على منافسيها بس برضه لا يقلل من شأن منافسيها
Nile Motors
العيوب :
1- الشنطة ومساحة الركاب الخلفيين صغيرة وضيقة
2- محور العجل صغير يعني لو عاوز تلف العربية هتكون عاوز طريق عريض شوية
3- الدهااااااااااااان ضعيف وخاصة دهان الاكصدامات
4- شكل الكاسيت غير متناسق مع التابلوة حاسه شاذ شوية
5- صعوبة تحديد اخر واول العربية لانك مش هتشوف ولا كبوت ولا شنطة
6- لايوجد زرار لقفل اللوك مع ازرار الزجاج في باب السائق (ليه مش عارف ؟؟)
7- موضوع حكاية ال Drive By wire - اللي بتسبب تأخر في استجابة العربية عند الضغط على دواسة البنزين وجربها وانت ماشي واعمل كيك داون هتلاقي ال RPM زاد وبعدين العربية تروح متحركة ..0 الموضوع ده في عربيات تانية زي الاودي والبي ام والفولكس وغيرها
Nile Motors

المميزات :
1- موتور ممتاز وشكل رياضي ايروديناميكي
2- جودة واعتمادية عالية جدا
3- صالون رااااقي جدا و خامات أكثر من الممتازة واماكن تخزين كثيرة
4- ثبات أكثر من رائع وتماسك على الطريق والملفات
5- استهلاك بنزين ممتاز
متوسط 8-10 لتر لكل 100 كم داخل المدينة
متوسط 6.7 لكل 100 كم على الطريق السريع
متوسط 12-15 بتر لكل 100كم بالتكييف داخل المدينة
الاستهلاك بيختلف على حسب السواق انا رحت مطروح ب 28 لتر فقط بالتكييف وطول الطريق 160-180 كم /ساعة
6- مستوى امان عالي
7- شكل رياضي
8- عزل ممتاز على السرعات العالية
9- صوت الموتور هادئ وناعم !!
10 - بدون مشاكل ميكانيكية لمدة 20 الف كم (باستثناء تغيير البطاحات)
Nile Motors

-*- أقصى سرعة حتى الان 226 كم / ساعة والعربية STOCK
-*- افضل مرة في استهلاك البنزين 200 كم / 10 لتر
-*- بنزين 95 بيهدي صوت الموتور والسحب بيتحسن شوية
Nile Motors
ده تقييمي عن العربية للمدة اللي استخدمتها فيها واي استفسار تحت أمركم