من المنصورة الي مطروح....استفسارات!!
الاخوة الاعزاء اعضاء المنتدي الكرام....
ناوي إن شاء الرحمن .....اطلع رحلة صغيرة مع الاسرة الصغيرة ...الي مطروح حيث اني لم ازورها من قبل في حياتي ....واسمع الكثير عنها وعن جمال الطبيعه بها.....
دة غير اهم شيء بالنسبة لي.....وهو الهدوء....وانا من عشاقة....
المهم انا عندي كام استفتسار ....وارجو من الاخوة ايلي عندهم معلومات يسرعوا بالرد عليا ...علشان الحق اطلع الرحلة دي قبل الامتحانات ما تنتهي ....واستمتع فعلا بالهدوء....
1-الطريق....
انا عارف الطريق من المنصورة للاسكندرية ....وطبعا الزراعي....بس لمطروح مش عارف...هل لازم ادخل اسكندرية ...هل في طرق غير الزراعي....هل الدولي الساحلي شغال لحد مطروح.....وهايبقي امان بالنسبة لاسرة .....؟؟؟
2-الاقامة في مطروح...
ناس قالتلي ....اجر شقة احسن ...وهاتلاقي كتير وارخص من الفنادق والقري السياحية.....
وناس تانية قالتي بلا وجع دماغ وقلبة مخ مع السماسرة ....وتاجير الشماسي والقرف اياة....عليك وعلي قرية سياحية وريح دماغك...حتي لو هاتقلل عدد الايام....وناس رشحت قرية اندلسية ....
واية رينجات الاسعار....علشان انتوا عارفين ....الغريب اعمي ولو بصير.....وولاد الحلال ...ما سابوش لولاد الحلال التانيين حاجة....
ياريت ايلي عندة اي معلومات.....يفيدني.....وهل يستحسن احجز الاول ...ولا اروح وانا الظروف....
3-امكان الترفيه..والاكل....
ياريت لستة بالاماكن ايلي ممكن ياكل فيها من غير ما يحصلة مغص....او يكتشف ان اتعشي بحمارين ....
4- افضل محطات خدمة السيارت والبنزين.....والمستشفيات وخصوصا الاطفال...
وشاكر طبعا لا ي اضافة او معلومة تفيد في الرحلة دي...
تم النقل لدليل الطرق والسفريات بواسطتي
مشرف القسم 3