بسم الله الرحمن الرحيم
يشرفنى انى أرد على حضرنك
أولا مقدما رحلة سعيدة بص يا سيدى الفاضل اانا روحت مرسى مطروح من على اسكندرية الزراعى ومن على الدولى وطبعا الاحسن الدولى الطريق لبوابة جمصة أكيد حضرتك عارفة ومش محتاج شرح وبعدين تمون من البنزينة اللى امام جمصة وتتاكل على الله من جمصة لبلطيم حوالى 3/4ساعة ومن بلطيم للاسكندرية 1 ساعة ومن اسكندرية لمطروح حوالى 1.5 ساعة بس فى حاجة علشان تطلع دولى يبقى تتحرك من المنصورة 7 صباحا علشان الطريق من جمصة لقبل بلطيم فى اجزاء تحت الاصلاح وخلى بالك فى رادار قبل اسكندرية وبلاش فى الغالب تجرى وراء الاتوبيسات والميكروباص لانهم متفقين مع الرادار نيجى بقى للاهم مرسى مطروح من اجمل واهدى وأحلى المصايف المعيشة هناك حلوة والافضل تنزل فى شقة لانها هتبقى واسعة وحلوة ومريحة وخصوصا لو معاك اطفال وبعدين الفسح هناك يا سلام عليه الكورنيش بالليل حاجة تفرح ومتنساش تزور سوق ليبيا وتشترى لب أبيض حاجة تفرح واجمل الاماكن شاطى عجيبة وشاطى الغرام بتاع ليلى مراد وبعدين عندك روميل بص نصيحة اركن العربية واتمشى بالليل المشى هناك متعة وفى هناك مستشفيات متخافش هى بلد حلوة وناسها طيبيبن ووانت فى الطريق ممكن تزور مقابر العلمين وانت رايح أو وانت راجع وعموما اجازة سعيدة وياريت تبقى تقولنا عملت اية
اى سؤال انا فى الخدمة
المفضلات