و الارخص غالبا بيبقى كلورايد
عرض للطباعة
اخر واحده معايا حاليا هيه النسر فارتا 70 امبير ومع انها لسه مش كملت سنه الا انها كانت السبب فى عمل الموضوع ده للمشكله اللى حصلت فيها
بعد السلام عليكم ورحمة الله وبركاته
اعتقد انى انا اكتر واحد طلع عين اللى جابوه من موضوع البطاريات ده وبعد مشقة وطول عذاب احب اقولك لكم عن تجارب ما يلى
ممكن العيب يكون تسريب فى الكهرباء وده علاجه او بمعنى اصح للتأكد منه افصل كابل البطارية بعد ما تيجى من مشوار سخن وركبه تانى يوم وانت خارج الصبح لو اشتغلت تمام يبقى اكيد فى تسريب فى الكهرباء
ممكن العيب يكون فى القواطيش وعلاجها بحلها وصنفرتها بالراحة كده وغسلها بالماء الساخن ثم تركيبها مرة اخرى ولو دارات بعد كده يبقى العيب منها
ممكن العيب يكون من شحن الدينامو لان لو الشحن واطى ومشيت مشوار جامد هيفضى شحن البطارية وممكن تعطل العربية معاك لو كان المشوار طويل سفر مثلا ولو كان الشحن عالى هيفضى مية البطارية وبالتالى هيفضى الشحن ايضا وفى كلتا الحالتين سوف تحتاج لضبط شحن الدينامو عن طريق كهربائى
ممكن العيب يكون فى المارش عاوز جلب ولا حاجة وبالتالى لما تيجى تدور عدة مرات ولا تدور العربية يكون المارش سحب قوة البطارية
ممكن العيب يكون فى الموتور عاوز ضبط كهرباء من الاسبراتير مثلا او عاوز يتغيير له طقم كهرباء ابلاتين وكوندنسر وبوجيهات
ممكن العيب يكون من زيادة الاحمال عليها الانوار والكشافات والكاسيت .... الخ
ممكن العيب من الكهربائى اللى بتروح عنده يكون على قده شويه ويختبر البطارية عن طريق عمل قفلة عليها وذلك بتوصيل السالب بالموجب لانه فى الحالة دى لو قوة البطارية 70 % والامور ماشية هيقطع نفسها ويجيب فيها ربع
واسف على الاطالة ولكن احببت المشاركة بمعلوماتى البسيطة فى هذا المنتدى الرائع
يا جماعه ينفع اشحن البطارية عندى فى البيت والطريقة ايه وازاى اعمل تونجر زى اللى عند الكهربائى
كل الكهربائية اللى اعرفهم هنا بيحطوا البطاريات ساعه او اتنين على الشاحن وخلاص مهما وصيت ومهما دفعت مفيش حد بيكمل مده الشحن ال 15 ساعه ليها
اقتباس:
ممكن نعرف الطريق اللى شيكت بيها واللى انت شكك فيها
هو اختبار بالبلدي كده. بتلمس طرفين البطاريه الموجب والسلاب مع بعض.. وتبص في احواض البطاريه...
الحوض اللي تلاقيع بيغرغر يعني بيطلع منه فقاقيه يبقي ضارب...
بس ده طبعآ بيتعمل والبطاريه تقريبآ مفضيه شحن. لكن لو مشحونه فانت بكده بتجيب آخرها.
وفعلا كان في حوضين ضاربين. ولما روحت اقيس البطاريه بالجهاز لاقيت في اوبشن في الجهاز بيعمل نفس الموضوع ده ولكن مع وجود مقاومه علي التوالي.
مفتاح بيضغط عليه بيوصل الموجب بالسالب مع حمل بتشوميتر علي التوالي (تقريبآ) داخل الجهاز...
وبالاختبار بالجهاز اتضح فعلا انه في حوضين ضاربين.
طب يا جماعه معرفش اللى هقولة ده صح ولا غلط
ينفع اشحن البطارية عن طريق انى اوصلها بكهربه البيت بواسطه شاحن زى اللى بيشغل الكاسيت او الراديو ب 12 فولت
هل الطريقة دى تنفع ولا هتولع فى البيت لان بتوع الشحن كله بينفض و بيشحن البطارية ساعه او اتنين بالكتير ولما تيجى تحاسبة بيقول لك انه مبيتها على التونجر من امبارح بليل
انت تشتري تونجر وتريح دماغك ,لو ناوي تجيب بطارية هات الفارتا الالماني الصنع الزرقاء وبس
هوا ايه المقصود بالتونجر هنا هل هو الجهاز اللى بيقوم البطارية لو البطارية نايمه ولا الجهاز اللى بيشحن البطارية لو شحنتها قلت وكانت محتاجه اعاده شحن
وجهاز اعاده الشحن ثمنه كام وبيتباع فين