نوبيرا ....... بعد 5 سنين من النهاردة ؟؟؟

في ملحق الأهرام الأسبوع ده كان فيه حوار مع غادة أبو الفتوح و كان فيه سؤال عن تجميع النوبيرا و من الرد بتاعها شكلهم كده هينفضوا للدايو تماما و صفحة و اتقفلت في حياة أبوالفتوح ...............
أنا بفكر جديا إني أشتري نوبيرا اليومين دول لأنها أفضل قيمة بالنسبة للسعر و مناسبة ماديا بالنسبة لي ...
بس المشكلة لو إشتريتها اليومين دول و استعملتها 5 سنين و جيت أبيعها تفتكرا ايه السيناريو اللي هيحصل ؟

ظني الشخصي : مفيش شركة أم ( دايو قفلت من 5 أو 6 سنين )

مفيش وكيل للسيارة ( أبوالفتوح خلص خلاص و مركز مع الصيني )

مفيش قطع غيار جديدة ( محدش هيصنعها تاني أو محدش هيستوردها بس هيكون فيه استعمال خارج )

سعر العربية هيكون في الأرض


و لا أنا نظرتي سودة لمستقبل العربية ؟

هو يعنى ابو الفتوح بيعمل ايه للعربية هو مهمته انتهت بتجميع العربية يعنى مش هو الوحيد الىبيجيب قطع غيارها
1- شركة دايو فلست من زمان وانتقلت لجنرال موتور وهى الى بتصنع قطع غيار العربيتين لانوس ونوبيرا ده بجانب شركات تانية
2- مواتير العربيات دى مشتركة مع عربيات تانية ذى الأوبل مثلا
3- الشركات المستوردة او المصنعه لقطع الغيار مش هتبطل تصنع او تستورد لآن دى كعكة كبيرة بالنسبة لها بسبب انتشار العربية
4- اسعار العربيات فى مصر مهياش مقياس لاى شى طيب مانت عندك الشاهين بطلوا يصنعوها سوقها ولا سعرها نزل ولا الناس بطلت تشتريها والأكسنت الشركة موجودة بس الموديل ده انتهى من زمان

أفضل ما تشتريه بهذا السعر

اقتباس:

---

المشاركة الأصلية كتبت بواسطة ahmedsrs

هو يعنى ابو الفتوح بيعمل ايه للعربية هو مهمته انتهت بتجميع العربية يعنى مش هو الوحيد الىبيجيب قطع غيارها
1- شركة دايو فلست من زمان وانتقلت لجنرال موتور وهى الى بتصنع قطع غيار العربيتين لانوس ونوبيرا ده بجانب شركات تانية
2- مواتير العربيات دى مشتركة مع عربيات تانية ذى الأوبل مثلا
3- الشركات المستوردة او المصنعه لقطع الغيار مش هتبطل تصنع او تستورد لآن دى كعكة كبيرة بالنسبة لها بسبب انتشار العربية
4- اسعار العربيات فى مصر مهياش مقياس لاى شى طيب مانت عندك الشاهين بطلوا يصنعوها سوقها ولا سعرها نزل ولا الناس بطلت تشتريها والأكسنت الشركة موجودة بس الموديل ده انتهى من زمان

---

بس الشاهين لسه بتتصنع في مصر , لكن النوبيرا دي اخر مجموعة بتتصنع منها و كمان دي موديل كان من 2000 ل 2004 تقريبا مش عارف بس الاوبترا نزلت بعدها و خلاص دي كمان هتنزل الشهر اللي جاي كروز
يعني كمان حتى الموديل اللي بعدها ( اوبترا ) اللي مفروض يكون مشترك معاها في حاجات كتير هيتغير و ينزل موديل جديد تماما مخلتف في كل شيء عن الاتنين
الاكسنت ماتنفعش تتقارن بيها خالص دي تعبانة جدا حتى الجديدة كمان

عذرا انا معرفش ان الشاهين لسة بتنتج انا كنت قريت فى الجرايد ان اخر انتاج لها فى 10 \2008 وعموما مش ده الموضوع
بس احب احط رد المهندس سبعاوى لما اتسال عن الموضوع ده

الخلاصة: دايو مفلستش النهاردة، دايو فلست واتباعت من 5 سنوات ومع كدة قطع غياره النهاردة ارخص بكتيييييييييير من قطع غيارها من 5 سنوات فاتت، لأن مش دايو ولا جنرال متورز هى الى بتعمل قطع الغيار ولكن آلاف الشركات المتخصصة فى قطع الغيار، ويكفى انك تعرف ان عربية زى السيات 133 والتى خرجت من على خطوط الانتاج من 26 سنة فاتت، والشركة الى كانت بتنتجها اتباعت لفولكس فاجن ولم يعد لها اى علاقة بهذة العربية المنقرضة اللى مش موجودة فى العالم كله غير فى مصر فقط طبقا لما هو مذكور فى الويكيبيديا، هذة السيارة لحد النهاردة لها قطع غيار بتيجى من عديد من شركات قطع الغيار فى اسبانيا والبرازيل وتايلاند والصين وتركيا ومصر ودول كتير تانية،

لذلك حط فى بطنك بطيخة صيفى، طول ما العربية فيه منها كتير ماشى فى الشارع طول ما هتلاقيلها قطع غيار بسهولة

اقتباس:

---

المشاركة الأصلية كتبت بواسطة ahmedsrs

لذلك حط فى بطنك بطيخة صيفى، طول ما العربية فيه منها كتير ماشى فى الشارع طول ما هتلاقيلها قطع غيار بسهولة

---

ده كلام يطمن شوية

اقتباس:

---

المشاركة الأصلية كتبت بواسطة ahmedsrs

عذرا انا معرفش ان الشاهين لسة بتنتج انا كنت قريت فى الجرايد ان اخر انتاج لها فى 10 \2008 وعموما مش ده الموضوع
بس احب احط رد المهندس سبعاوى لما اتسال عن الموضوع ده

الخلاصة: دايو مفلستش النهاردة، دايو فلست واتباعت من 5 سنوات ومع كدة قطع غياره النهاردة ارخص بكتيييييييييير من قطع غيارها من 5 سنوات فاتت، لأن مش دايو ولا جنرال متورز هى الى بتعمل قطع الغيار ولكن آلاف الشركات المتخصصة فى قطع الغيار، ويكفى انك تعرف ان عربية زى السيات 133 والتى خرجت من على خطوط الانتاج من 26 سنة فاتت، والشركة الى كانت بتنتجها اتباعت لفولكس فاجن ولم يعد لها اى علاقة بهذة العربية المنقرضة اللى مش موجودة فى العالم كله غير فى مصر فقط طبقا لما هو مذكور فى الويكيبيديا، هذة السيارة لحد النهاردة لها قطع غيار بتيجى من عديد من شركات قطع الغيار فى اسبانيا والبرازيل وتايلاند والصين وتركيا ومصر ودول كتير تانية،

لذلك حط فى بطنك بطيخة صيفى، طول ما العربية فيه منها كتير ماشى فى الشارع طول ما هتلاقيلها قطع غيار بسهولة

---

رأى سليم 100%

الموضوع دا قتل بحث 100 مرة قبل كدة
و الخلاصة
توقف انتاج ال 128 هل فى مشاكل فى الصيانة و قطع الغيار؟
البيجو 504
131
132
....الخ

مفيش حد يضحى بمكسب قطع غيار سيارة من اكثر السيارات شعبية فى البلد

ده مفيش اكتر من قطع غيار الدايو فى السوق
اذا كان جديد ولا استعمال


يا نهار ابيض دى فى شركات قطع غيار متخصصة دايو بس

وبورسعيد والحرفين فيها كمية مواتير استيراد تزيد عن المواتير اللى ماشية فى الشوارع اصلا


كلام حضرتك حيحصل فعلا بس مش كمان 5 سنين
كمان 50 سنة فعلا كل حرف قولته حيحصل :k49:


الدايو فيات الحاضر والمستقبل لمصر

كده يا جماعة رأيكم إني أتوكل على الله و أشتريها ؟

أنا محتار جدا و عايز أكبر كم ممكن من اراء الناس اللي عندها العربية دي

يبقي حظك كويس لو عرفت تجيب واحده زيرو قبل مايبطلوا يعملوها

عربية ممتازة فى قطع الغيار"

انت مخك راح لبعيد جدا لو فرضنا جدلا ان قطع الغيار ستنتهي من العالم وهو فرض لا يمكن حدوثه

الناس اللي معاها نوبيرا هايعملوا ايه ؟

انا كان معايا فيات 132 موديل 73 حرب اكتوبر المجيده

وكانت وما ذالت قطع الغيار متوفرة وفي كل مكان وجديده واستعمال

يبقي عربية موديل 2008 او 2009 وقطع غيارها تنتهي عام 2013 ؟

توكل علي الله ويمكن بعد 3 سنين تغيرها وتجيب افضل

ياراجل ما العربية ال 128 لسة ماشية لحد دلوقتي وشوف من امتي وفية قطع غيار والعربية زي الفل يعني ما تخفش واتوكل علي الله

اقتباس:

---

المشاركة الأصلية كتبت بواسطة ahmedfawzy14

الدايو فيات الحاضر والمستقبل لمصر

---

هوا دا الكلام

اقتباس:

---

المشاركة الأصلية كتبت بواسطة hisham343

يبقي حظك كويس لو عرفت تجيب واحده زيرو قبل مايبطلوا يعملوها

---

:satelite: