الخطوات :
1- شاهد
2- إرجع هنا
3- ناقش بقي
المشاهدة هنا
http://www.youtube.com/watch?v=D6wu8VE2UZs
عرض للطباعة
الخطوات :
1- شاهد
2- إرجع هنا
3- ناقش بقي
المشاهدة هنا
http://www.youtube.com/watch?v=D6wu8VE2UZs
إيه ده .. ده ما شاء الله الواحد بقي ممكن يشاهد هنا !!!!
هو انا بقالي كتير كدة مدخلتش .. شكراَ للإدارة .
ههههه، زحمة يا دنيا زحمة.
الجزء التمثيلي انا مليت منه شويه الصراحه، بس أفكاره حلوه.
عموما العمل جميل جدا، و هو عمل اعلامي على اعلى مستوى. و بالتوفيق دائما.
لاء مش كتير قوي
بس هو امبارح بس
بجد احييك على الموضوع
بس تعرف يا محمود حل المرور في البلد دي ايه
كلمة سحرية بدون كلام انشا
[gdwl]
مترو الانفاق[/gdwl]
لندن اصغر من القاهرة
وعربياتها اكتر من القاهرة
ومفيهاش الزحام ده
عشان فيها متترو انفاق مغطى المدينة كلها
بعد كدة تيجي الحلول التاني
الا مركزية
ونقل المصالح خارج القاهرة
والتوسع والجراجات
وفصل المرور عن الداخلية
الخ......
لكن تجربة دبي الرائدة اللي شوارعها منظمة بجد
وانتبهو لمترو الانفاق
وعملو المونوريل من دلوقتي عشان عارفين قيمته
احييك على الموضوع
خلاص الواحد من كتر الخنقة من الزحمة وصل لدرجة انه بقي عادي ويضايق لو الطريق سالك كده
انا شايف ان اليوم دا عمره ما هيجي علشان من قبليه بكتير هتكون الناس طفشت من البلد
اية الجمال دة يا ريس
اكيد لو فى وسائل مواصلات أدمية و مريحة كتير جدا من الناس هتستغنى عن العربيات الملاكى
بالأضافة لأنهم ممكن يعملو تخصيص لبعض الحارات او الشوارع سواء للملاكى او الأتوبيس
يعنى لما حضرتك تبقى واقف فى الشارع وتلاقى الأتوبيس جنبك ماشى فى الحارة بتاعتة وطريقة سالك هتسيب العربية وتركيب الأتوبيس (لو كان أدمى طبعا برضو)
كمان لو فى رسوم على دخول العربيات للقاهرة دة هيحد كتير جداااا من الزحمة ، بس حاجة زى دى برضو مستحيل تطبيقها الا مع توفير المواصلات العامة الكويسة
الفيلم جميل...... مجهود جيد جدا..... لكن عندى ملاحظتين صغيرتين:
- قطعة الموسيقى التصويرية للبداية هى نفس موسيقى برنامج اعلامى هو الظل الاحمر على ما اعتقد..... انا معرفش ده كويس ولا وحش ان شئ فى الفيلم يفكرنى بشئ اخر من نفس النوع لكنها مجرد ملاحظة......
- الراوى فى الفيلم قال معلومة اعتقد انها كان يجب ان تكون موثقة، وهى عن الدراسة التى قام بها اليابانيون عن انه "يوما ما" ستتساوى المساحة التى تشغلها السيارات مع مساحة الشوارع، و بالتالى ستتحول القاهرة الى جراج كبير..... رأيى انه كان يجب ذكر معلومة فى اى عام سيحدث ذلك، كنوع من التوثيق للمعلومة خاصة انها مبنية على دراسة مش مجرد معلومة مرسلة او اعتقاد شخصى.....
جميل جدا ً يا محمود ، مجهود رائع.
مجهود رائع يا محمود
تسلم ايدك
الحل في الضميييييييييييييير
ما فيش ضمييييييييييييييير
مترو انفاق ويبقى ادامى ومريح ومكيف ومتصل بالقاهره الكبرى كلها
والتوسع العمرانى فى الصحراء
هما دول اقرب واسرع حلين للمشكله اللى احنا فيها دى
[marq="3;right;3;scroll"]
تقرير روعة
[/marq]
انتاج واعداد جميل رايق :biggrin: وراقي :Ta_clap[1]: :vctry:
مجهود رائع وتقرير ممتاز ومشكلة حقيقية ستحدث إذا استمر الحال على ماهوعليه
مافيش غير حل واحد وهو وجود نظام نقل عام محترم مترو، أتوبيس، تاكسي وبعد كده ارفع بقى ضرائب السيارات الملاكي بما يجبر الناس على استخدام وسائل النقل العام "المحترمة" غير كده يبقى هانوصل للسرعة القصوى صفر
ده طبعاً غير مشكلتنا الأزلية اننا سايبين الشقة كلها وقاعدين في أوضة واحدة!!
الاغنيتين زحمة و طراطير حلوين جدا
لقطة الولد اللى لابس بنفسجى و عامل دور كوبرى بين الاتنين اللى بيعاكسو بعض حلوة جدا
كرومبو كان فكرة حلوة
الممثلين كانو ممثلين زيادة عن اللزوم يعنى بيقولولك احنا بنمثل -ما عندهمش مصداقية مع انا الكلام اللى بيقولوه صح
الكلاكسات مزعجة جدا جدا جدا اكتر من اللازم و ملهاش اى معنى لانهم واقفين اصلا
اللذيذ اللى هيبيع ركنه عالنيل مش لذيذ زى ما هو فاكر
نهاية الفكرة احلى من التنفيذ بمراحل
و مبروك عالتخرج مقدما
بص كده عالفيديو ده
http://www.facebook.com/video/video....8935490&ref=mf
ايه الحلاوه دى
خطوبه تمت فى الاشاره
وحمام فى العربيه
ولسه
مجهود رائع يا محمود
ربنا يوفقك كمان وكمان
بس استبشر خير
شكرا يا محمود على المجهود الرائع .
بس58% من عربيات مصر فى القاهرة يالهوووووووووووى :majd(4):
تقرير جميل جدا جدا جدا
بس ناقصه فكرة الحل
فكرة التقرير هايله اوي وبالذات التفكير انو بعد فتره معينه من الزمن هيكون السرعه صفر
والاداء التمثيلي ممتازينقصه المصداقيه لكن شغال ( اني اصدق ان ده هيحصل بجد )
ملحوظه : مكانش لازم كورومبو يجي في الاخر
الكلاكسات صوتها عالي اوي يعني لو كان الصوت واطي عن كدا هيكون احلى بكتير
أفكار لحل الازمه المروريه
شكرا ليك وتقبل ملاحظاتي:w6266d
ما شاء الله كليب جميل و مجهود رائع
و يلاحظ ان:
و إلى الامام دائما :b4_388:
- الاغنيتين زحمة و طراطير حلوين جدا
- كرومبو فكرة حلوة
- الممثلين كانو ممثلين زيادة عن اللزوم يعنى بيقولولك احنا بنمثل -ما عندهمش مصداقية مع انا الكلام اللى بيقولوه صح
- الكلاكسات مزعجة جدا جدا جدا جدا جدا جدا اكتر من اللازم وعبارة عن مقطع و متكرر ففقد مصدقيته
- مشهد الزحمة الاخير احلى و انضف بكتير من الواقع المرير
- افكار الحمام و النوم فوق العربية و الصلاة حلوين
الحمد لله علي نعمة الإسكندرية بس في الشتاء بس :)
ربنا يستر
هم يضحك و هم يبكي
مترو الانفاق فعلا راح يكون حل سحري شرط انه يغطي القاهره كلها.
بس تبقي مصيبه لو حصل في يوم من الايام و فعلا مساحه شوارع القاهره اتغطت بالعربيات
انا اشك في الموضوع هاد لسبب واحد
انه البلد كل مدي حالتها الاقتصاديه بتسوء
و متل ما اليابانيين عملوا الدراسة دي
في دراسات تانية بتقول ان البلد في خلال فترة زمنية معينة هيكون اكتر من نص المواطنين فيها تحت خط الفقر.
يبقي كيف راح تكتر العربيات و راح تزيد لتوقف الشوارع؟
من وين راح يكون معم فلوس ليشتروا بيها العربيات يالي راح تزحم البلد؟
عموما كل اشي جايز
و ميرسي كتير لالك محمود علي الفيديو
ما فى خط تالت مترو انفاق بيتعمل اهه و هيخلصوه على 2010 او 2011 على ما اعتقد .
و شوارع كتيرة بيتم توسيعها . زى شارع جامعة عين شمس ( العن شوارع القاهرة ظهرا ) .
و من كوبرى الهايكستب الى موقف العاشر يتم توسيعه .
و اجزاء معينة من طريق مصر / اسماعيلية يتم ايضا توسيعها .
و فى اعلانات فى التليفزيون ( احسبها صح ) لما كل شباب يركبوا مع بعض و يوفروا بنزين و تلوث اقل و يخففوا الازدحام شوية ..
لكن احنا كشعب متعودناش من الحكومة على التقدم الفكرى و الشغل بزمة و ضمير علشان كدا مبقناش نصدقهم فى اى حاجة .
و على سبيل المثال . فى 8 من اصدقائي هنا فى المنطقة معايا فى الجامعة و كلنا ساكنين جمب بعضنا . ومع ذلك كل واحد بيروح بعربيته و للاسف لو قلت لحد على فكرة ( احسبها صح ) هتسمع منه كلام زى الفـــــــــــل ..
الحكومة لما عملت الجمارك و خلت اسعار العربيات خيالية .. الناس اصابها كبت المواصلات و ترسخ عندها فكرة الانتقام بمعنى ( لما اجيب عربية شوفوا هعمل ايه ) ..
البلد دى عاوزة ويندوز جديد اصلا .
جميلة .
و مستقبل باهر ان شاء الله.
العمل جميل جدا
و بالتوفيق دائما.
شكرا جدا MoToRiZeR على الفيديو الجميل أوي ده
تعليقاتي انه ممتاز التصوير والتعليق متازين
الأغاني المستخدمة وفكرة كرومبو حلوين جدا برضه
الأداء التمثيلي رائع ف حتت وضعيف ف حتت..يعني اللي بيصلي ف الشارع واللي بيشرب شيشة واللي بيظبط وكمان اللي عامل تواليت ف العربية أفكار تموت من الضحك..بس كلام الناس اللي ف العربيات عادي شوية وصوت الكلاكسات عايز يوطى شوية.
الجملة دي أنا دايما بقولها..ساعات ف مرحلة من الدمار والبوظان مينفعش فيها غير انك تشيل كل حاجة وتبتدي من جديد على نضيف
نظرة تشاؤمية بس للأسف هو ده الواقع..
ايه ولا ايه محتاج تصليح..الحكومة..المرافق والخدمات..الناس وسلوكياتهم وما أدراك من الآخرانية دي
ربنا يصلح الحال.
و قال عايزين الجمارك تتشال قال....
لو حصل و إتشالت يبقى سيبوا عربياتكم احسن
بص يا محمود ...الموضوع و المقابلات تحححفففففففففففة بس اختيار الممثلين طلع اوت ...ضايعييين و خصوصا الجوز اللي في السيريون .
لو تم اختزال المشاهد التمثيلية (بغض النظر عن جودتها من عدمها) كان هايحافظ على المضمون أكتر و كان ممكن تستعين باحصاءات اميك او الادارة العامة للمرور في صورة حقائق ....
بجد بجد
انا سعيد جدا ان صاحبي هو اللي عامل الحاجات الحلوة دي و حفظتها عى جهازي و بوريها لأي حد
و اسمي طالع في الكاست كمان هههههههه
ألف ألف شكر لكل اللي مر و شاف الفيديو و قال رأيي انا بجد سعيد بكل التعليقات
انا هحكيلكم بقي .. بالنسبة لموضوع الممثلين .. انا هقولكم بالنسبة للموضوع ده رغم إني مكسوف منه بصراحة .. أصل دول مش ممثلين و مش صحابي حتي ! بصراحة دول ناس انا وقفتهم من الشارع و طلبت منهم يشاركوني في الفيديو !
الموضوع إن انا كنت مأجر كاميرا و شوية حاجات عشان أعمل مشروع تبع مادة في الجامعة .. و كنت متفق مع صحابي من اللي ليهم في التمثيل يجوا مع صحاب تانيين ييجوا بعربياتهم و واخد تصريح تصوير في الجامعة من 9 لواحدة .
اللي حصل إني كنت متفق مع 25 ممثل .. و 12 عربية .. جالي 3 ممثلين و عربيتين !! و اللي قافل موبايله .. و اللي مبيردش .. و اللي بيخلي والدته تقولي ده نايم !! و سلملي عالصحوبية !! مع إني أكدت عليهم بالكامل 3 مرات خلال الأسبوع الأخير و مرة قبل يوم التصوير و كله قاللي تمام، بس زي ما تقولوا كسلوا لأن كان التصوير يوم الأجازة و كسلوا ييجوا أكتوبر .. مع إن فيه ناس ساكنة جنب الجامعة !!
المهم لقيت نفسي الساعة 12 و لسة مصورتش حاجة .. فصورت مشهد اللي بيزبطوا دول و انا بصوره اللواء اللي ماسك أمن الجامعة قام نازل طاردني و قاللي تصريحك خلص، و ده كان معناه إني هسقط و مش هتخرج السنة دي أولاَ .. و إن راح عليا فلوس المعدات ثانياَ .. فا قمت طالع في الشارع إتفقت مع تاكسيين أصور بيهم .. و لميت شوية ناس معدية .. و صورت في الشارع بدون تصريح و كان زماني مقبوض عليا .. و طبعاَ كتبت مواقف جديدة لأن بتوع الحاجات القديمة مش موجودين و مفيش مكان .. مكنش فيه موقف في السكريبت الأصلي غير بتاع اللي بيزبطوا .. الباقي إتكتب ساعتها و كان قدامنا واحد بتاع أدوات صحية قمت واخد منه التواليت ده .. و طبعاَ لأن الناس دي معندهاش خلفية مكانوش مجمعين أوي .
و خلصت تصوير قمت طالع علي مكتب المونتاج و قلت أخليه Semi report لأن اللي صورته ميكفيش .. وقفت عند قهوة في السكة عملت اللقاءات دي .. و حتي التعليق الصوتي مكنش فيه وقت أروح ستوديو أسجله سجلته عالكاميرا .. قعدت منتجت شوية بس معجبنيش و المونتير كان بطئ و مش بيعمل اللي انا عايزه بالزبط قمت ماشي و رحت مكتب تاني معرفة بس بعيد شوية .. و قعدت معاه شغالين من 10 مساء لحد 7 الصبح .. خلصت قمت حاطه علي dvd و رايح مسلمه في الجامعة .
عامة انا طلعت من المشروع ده بمواقف و دروس كتير و أولها إعرف صاحبك و علم عليه !
و هو بصراحة مش معمول بمزاج و مش زي ما انا كنت عايز .. بس الحمد لله إنها جت علي قد كدة و الموضوع إتلم !
بالنسبة للكلاكسات انا كنت قاصد أجيب كلاكسات مش ساوند تراك عشان الزحمة مزعجة و الناس إيديها عالكلاكس علي طول حتي لو الطريق واقف أو الإشارة حمرا ! بس هي كانت عايزة توطي شوية فعلاَ .
شكراَ لكل من شاهد الفيديو و قال تعليق .
كنت قول يا عم انك عندك مشكلة فى المونتاج و التصوير ..
اصل الحوار ده حصل مع اختى السنى اللى فاتت برده و كنا فى نفس المشكلة .. ولكن الحمد لله كله اتظبط . و انا اللى نزلت صورت لها التقارير :) .
و بالنسبة للصحوبية دى فاحمد ربنا ان اصحابك مبلغوش عنك . هو بقي فى صحاب اصلا فى البلد دى :) .
الفكرة حلوة جدآ
و أعتقد لولا ان الظروف مكنتش كويسة معاك كان هيبقى أفضل بكتيير
إلى الأمام و ربنا يوفقك
اعرف صاحبك و علم عليه
دا ياما الواحد علم