فى ذكري 6 / 1 السداسية التاريخية - لو كنت نسيت أفكرك حبيبي

عرض للطباعة

16-05-2009, 07:20 PM
AshTurbo

فى ذكري 6 / 1 السداسية التاريخية - لو كنت نسيت أفكرك حبيبي

http://img188.imageshack.us/img188/9927/el6.jpg

كل عام وأنتم بخير ، كل عام وكل أهلاوى بخير فاليوم السبت 16/5/2009 يوافق الذكرى السابعة للمباراة التاريخية بين الأهلى والزمالك والتى اقيمت 16/5/2002 و إنتهت بهزيمة مذلة للفريق الأبيض بستة أهداف مقابل هدف واحد أو باللغة العامية إنتهت بنصف دستة " مشّكلة " فى مباراة قاد الأهلى فيها الساحر الأسطورى مانويل جوزيه .

حدث فى مثل هذا اليوم :

المباراة : الزمالك × الأهلى " القمة رقم 89 "
الموسم : 2001/2002 " الدور الثانى "
الأسبوع : الـ 22
التاريخ : 16/5/2002 الساعة الثامنة والنصف مساءاً
المكان : أستاد القاهرة
النتيجة : 1\6
المدير الفنى للأهلى : مانويل جوزيه " البرتغال "
المدير الفنى للزمالك : أتوفيستر " ألمانيا "
الحكم : الايطالي كوزيمو بلاجينينو
الأهداف : رضا شحاتة فى الدقيقة ( 5 ) وإبراهيم سعيد فى الدقيقة (19) خالد بيبو 4 أهداف فى الدقيقة ( 29 ) و ( 64 ) و ( 72 ) و (90 ) بينما احرز حسام حسن هدف الزمالك اليتيم فى الدقيقة ( 25 )

بيبو وبشير :
هو أشهر هتاف كروى فى مصر صنعه المذيع اللامع " مدحت شلبى " الذى علق على مباراة الفريقين فى التيلفزيون المصرى وهى اللعبة التى راوغ فيها بيبو " الجبار " بشير " المسكين " واحرز الهدف الرابع الذى أجهز على أمال الزمالكوية فى تعديل النتيجة .

لاعبى الأهلى الحاليين الذين شاركوا فى مباراة الستة :
وائل جمعة – شادى محمد – جيلبرتو – أحمد بلال والثنائى الأخير كانت أول مباراة قمة يشاركوا فيها هى مباراة الستة.

لاعبى الزمالك الحاليين الذين شاركوا فى مباراة الستة :
عبد الحيلم علي – جمال حمزة – محمد أبو العلا – محمد عبد المنصف والطريف أن الأخير كانت مباراة الستة هى أول مباراة قمة يلعبها .

أبطال مباراة الستة أين هم الأن؟!

خالد بيبو : بدأ العمل الإعلامى عقب اعتزاله الكرة فى نادى بتروجيت واللاعب يقدم برنامج " أهلاوى " على قناة " مودرن سبورت 2 " .

بشير التابعى : اختفى فى ظروف غامضة !

إبراهيم سعيد : " فى البيت " ويتضرع إلى الله لكى يفوز السيد مرتضى منصور فى إنتخابات الزمالك حتى يعود إلى كرة القدم من جديد .

جمال حمزة : " فى البيت " ويتضرع إلى الله لكى لا يفوز السيد مرتضى منصور فى إنتخابات الزمالك حتى يعود إلى كرة القدم من جديد مع السيد ممدوح عباس .

رضا شحاتة : يلعب فى فريق " الجونة " الصاعد حديثاً إلى الدورى الممتاز .

حسام حسن : المدير الفنى لفريق المصرية للإتصالات المهدد بالهبوط إلى دورى الدرجة الثانية هذا الموسم .

إبراهيم حسن : مدير الكرة لفريق المصرية للإتصالات من المدرجات .

خالد الغندور :مقدم برنامج " الرياضة اليوم " ومازالت ذكريات مباراة الستة تطارده فى برنامجه غم أنه لم يشارك فى المباراة وتابعها من على دكة البدلاء.

رضا سيكا : رأيته مرة على قناة النيل الإخبارية يؤكد أن هزيمة الستة كانت مؤامرة من لاعبى الزمالك .

أتوفيستر : مازال يتحدى الطبيعة فى أفريقيا

أحمد رمزى : ساعة يروح وساعة يجى

مانويل جوزيه : عقب مواسم إعجازية وبطولات وإنجازات قرر الرحيل عن الأهلى لتدريب المنتخب الأنجولى .

الأهلى : أول الدورى

الزمالك : سادس الدورى

الحقوق محفوظة لصاحب الموضوع

إعداد : محمد يسرى مرشد

فيديو الستة واحد (سيداتي آنساتي سادتي السلام عليكم ورحمة الله وبركاته والهدف الأول للنادي الأهلي في الدقيقة أربعة ) :shine[1]: :colsmil:

http://www.youtube.com/watch?v=aCP7F...layer_embedded

بيبو وبشير بيبو والجون غناء مدحت شلبي :36_3_10[1]:

http://www.youtube.com/watch?v=2IVX5...layer_embedded
16-05-2009, 09:16 PM
badblood

انا كنت في الاستاد يوميها
خرجت مع الجامعة مع اصحابي متجهين للأستاد عند البوابة تهونا من بعض من كتر الزحمة
وبعد الجون الرابع جمهور الزمالك ساب المدرجات واحتل الجمهور الاهلي باقي المدرجات لك ان تتخيل 80 الف تي شيرت احمر في المدرجات
وبعد الجون الخامس الاستاد كله كان بيقول العب يازمالك واتكتبت في الجرايد (اول مرة جمهور الاهلي يشجع الزمالك)
وتعالى نعد بقى 1......2.......3 ........4 ......... 5............ 6
16-05-2009, 09:46 PM
Ahmed Eraqy

لأ برافو عليكو قربنا نوصل

الخطوة الجاية بقا نطلع القمر و نعمل المفاعل النووى
16-05-2009, 10:21 PM
SHNORY

اقتباس:

المشاركة الأصلية كتبت بواسطة ahmedabdfat

لأ برافو عليكو قربنا نوصل

الخطوة الجاية بقا نطلع القمر و نعمل المفاعل النووى

واضح انك دقه قديمه يا باشا مفاعل نووي ايه وقمر ايه
تقول للناس عندنا كام مفاعل في مصر يقولولك الله اعلم ولو كان واحد فيهم لقي خبر عن مفاعل نووي في جرنان ملفوف بيه ساندويتش ممكن يرد عليك ويقولك عندنا مفاعل واحد
انما بقي دلوقتي لغه العصر هي الكوره
تلاقي طفل مكملش 10 سنين واقف يناصح راجل بشنب عنده 40 سنه ويقوله لما فلان دخل في فلان الجول الفلاني
وساعه الحرب كله مستخبي تحت السرير وساعه الماتش كله سايب شغله وقاعد علي القهوه
فبناء عليه تقرر ان مقياس تقدم الامم موجود في جزم شويه لعيبه وكفايه لحد كده بلاش اكمل شرح
وعجبي
16-05-2009, 11:35 PM
Karim_Monir

بصراحة موضوع مالوش اي لازمة غير اثارة الزعل بين بعض الاعضاء
16-05-2009, 11:39 PM
AshTurbo

أخواني الأفاضل على عيني وراسي بس مينفعش أننا نصادر على آراء الناس بالطريقة دي بحجة الغيرة والحرص على مصلحة البلد .. البلد على عيننا وعلى راسنا قولاً وفعلاً وكل واحد في أيده حاجة يعملها للبلد بيعملها ومش بيتأخر كلننا وطنيين وبنحب بلدنا فياريت محدش يزايد على حد .
16-05-2009, 11:50 PM
AshTurbo

اقتباس:

بصراحة موضوع مالوش اي لازمة غير اثارة الزعل بين بعض الاعضاء

الأعضاء ممكن تزعل من أي موضوع وأي رأي وأي وجهة نظر مختلفة دة شيء أنا مش متحكم فيه ودة شيء راجع للأعضاء عن نفسي مأختلفتش مع حد ومحرضتش على شيء مشين ولا قولت نتعارك دي رياضة وتنافس وفيها مشاكسة ومناكفة طالما بروح رياضية وكلنا أخوات هنا ... فيها أيه لم زمالكاوي يناكف أهلاوي ولا أهلاوي يشاكس زمالكاوي طالما من غير تجريح ولا ألفاظ خارجة وفي حدود ونطاق الأدب والأحترام وأنا لو لقيت موضوع ملوش لازمة مش هأدخل أقول ملوش لازمة هتجاهله وخلاص يا أما هعلق عليه بأسلوب كويس خالي من الأساءة لصاحب الموضوع .
17-05-2009, 12:17 AM
badblood

اقتباس:

المشاركة الأصلية كتبت بواسطة AhmedAbdFat

لأ برافو عليكو قربنا نوصل

الخطوة الجاية بقا نطلع القمر و نعمل المفاعل النووى

اعتقد كلامك موجه للحكومة
مش لينا
او هات فلوس واحنا نعمل مكوك فضاء ونغزوا الكون :ma(30):
17-05-2009, 12:36 AM
badblood

مدام دخلنا في المفاعلات النووية يبقى خد عندك
اخر احصائية للوكالة الدوليه للطاقة الذرية ان في العالم كله في 400 مفاعل نووي
امريكا بس فيها 100
ياترى مصر فين من على الخريطة النووية (عجبي)
مصر فيها 504 عالم في المجال ده
عارف بيقبض كام او اليوم بيتحسب بكام 9 جنية وبدل وجبة في اليوم
17-05-2009, 02:34 AM
mahmoud_magdy

مبروووووووووووووك للاهلي على السته
عادي يعني
دي كوره
17-05-2009, 04:08 PM
Karim_Monir

اقتباس:

المشاركة الأصلية كتبت بواسطة AshTurbo

الأعضاء ممكن تزعل من أي موضوع وأي رأي وأي وجهة نظر مختلفة دة شيء أنا مش متحكم فيه ودة شيء راجع للأعضاء عن نفسي مأختلفتش مع حد ومحرضتش على شيء مشين ولا قولت نتعارك دي رياضة وتنافس وفيها مشاكسة ومناكفة طالما بروح رياضية وكلنا أخوات هنا ... فيها أيه لم زمالكاوي يناكف أهلاوي ولا أهلاوي يشاكس زمالكاوي طالما من غير تجريح ولا ألفاظ خارجة وفي حدود ونطاق الأدب والأحترام وأنا لو لقيت موضوع ملوش لازمة مش هأدخل أقول ملوش لازمة هتجاهله وخلاص يا أما هعلق عليه بأسلوب كويس خالي من الأساءة لصاحب الموضوع .

يعني حضرتك شايف ان ماتش من 5 سنين يستاهل نعمل عليه موضوع وذكرى
ماشي ده رايك وانت حر فيه ماليش حق حجر عليه
!!!!!!!!!!!!!!!!!!!!!!!!!!!!!!!!!!!
اما عن فيها ايه اهلاوى يشاكس زملكاوي مش هاقولك غير انك بس جديد معانا
وما شوفتش مدابح هنا بسبب التشجيع الكروى
وكان من نتايجة انذارات وتحذيرات ووقف دائم كمان

لازم نتعلم من التاريخ عشان نصنع المستقبل:w6266d
17-05-2009, 04:33 PM
Islam Amer

http://up.qatarw.com/get-5-2009-072ikgwd.jpg
17-05-2009, 11:06 PM
aif

اقتباس:

المشاركة الأصلية كتبت بواسطة AshTurbo

الأعضاء ممكن تزعل من أي موضوع وأي رأي وأي وجهة نظر مختلفة دة شيء أنا مش متحكم فيه ودة شيء راجع للأعضاء عن نفسي مأختلفتش مع حد ومحرضتش على شيء مشين ولا قولت نتعارك دي رياضة وتنافس وفيها مشاكسة ومناكفة طالما بروح رياضية وكلنا أخوات هنا ... فيها أيه لم زمالكاوي يناكف أهلاوي ولا أهلاوي يشاكس زمالكاوي طالما من غير تجريح ولا ألفاظ خارجة وفي حدود ونطاق الأدب والأحترام وأنا لو لقيت موضوع ملوش لازمة مش هأدخل أقول ملوش لازمة هتجاهله وخلاص يا أما هعلق عليه بأسلوب كويس خالي من الأساءة لصاحب الموضوع .

ايه يعني لما ناس تزعل منك وناس تتخانق مع بعض وناس تشتم بعض .... مش مهم طبعا
ايه يعني المهم هو التريقة والروشنة ....
وناس ترد بموضوع مضاد وناس تاخد انذارات وناس تتوقف وناس تحرق دم ناس وناس تخسر اصدقاءها
مش مهم
المهم تكون انت مبسوط
برافو

:k49::k49::k49::k49::k49::k49::k49::k49::k49::k49:
17-05-2009, 11:13 PM
human

اقتباس:

المشاركة الأصلية كتبت بواسطة aif

ايه يعني لما ناس تزعل منك وناس تتخانق مع بعض وناس تشتم بعض .... مش مهم طبعا
ايه يعني المهم هو التريقة والروشنة ....
وناس ترد بموضوع مضاد وناس تاخد انذارات وناس تتوقف وناس تحرق دم ناس وناس تخسر اصدقاءها
مش مهم
المهم تكون انت مبسوط
برافو

:k49::k49::k49::k49::k49::k49::k49::k49::k49::k49:

مش هزعلك يا صاحبى

ايه الشطاره ديه؟
انت نسيت ان بعديها لا شوفتوا دورى ولا كاس والاخ بيبو ماسمعناش عنه تانى ولا حتى فى طبق اليوم

على العموم كويس ان انت حافظ عشان هينزلوه فى تعبير تانيه ثانوى
17-05-2009, 11:22 PM
ahmedfawzy14

اقتباس:

على العموم كويس ان انت حافظ عشان هينزلوه فى تعبير تانيه ثانوى

:coool: :coool::coool::coool:

:beatdeadhorse5:
17-05-2009, 11:25 PM
Karim_Monir

اقتباس:

المشاركة الأصلية كتبت بواسطة aif

وناس تتوقف وناس تحرق دم ناس وناس تخسر اصدقاءها

اه والله ناس صعبت عليا لما خسرنهاهم واتوقفو نهائي
وناس خسرت صداقات بجد
ولا هايستفيدو دورى
ولا كاس
17-05-2009, 11:32 PM
AshTurbo

اقتباس:

ايه يعني لما ناس تزعل منك وناس تتخانق مع بعض وناس تشتم بعض .... مش مهم طبعا
ايه يعني المهم هو التريقة والروشنة ....
وناس ترد بموضوع مضاد وناس تاخد انذارات وناس تتوقف وناس تحرق دم ناس وناس تخسر اصدقاءها
مش مهم
المهم تكون انت مبسوط
برافو

والناس تزعل مني ليه أصلاً هو أنا كلمت حد بطريقة وحشة ولا قولت كلمة وحشة في حق حد ؟؟

وبعدين أتريق أروشن دة شيئ ميخصش حد طالما لا جيت جنب حد ولا أسأت لحد دة إذا كنت بتريق ولا بروشن من أساسه .

واللي عاوز يرد بموضوع بعشرة بألف ولا مايردش أصلاً هو حر كل واحد حر في تصرفاته وفي نفس الوقت مسؤول عن التصرفات دي .

واللي يأخد أنذار واللي يحرق دمة واللي يخسر صاحبة هو السبب في كدة مش موضوعي السبب وإلا كانوا بقى لغوا حاجة أسمها كورة وأستادات وبرامج رياضية بحجة أن حضراتكم بتتخنقوا وخلقكوا ضيق وبتخسروا صحابكم عشان الكورة .

اقتباس:

المهم تكون انت مبسوط
برافو

وما أتبصطش ليه فريقي وبشجعه وبحبه فيها أيه دي ولا أنتم هتحرموا علينا الضحك والأنبساط .
17-05-2009, 11:37 PM
AshTurbo

بصراحة يا جماعة لم أتوقع أن تكون الردود بالشكل دة يعني أحنا ناضجيين بما فيه الكفاية أننا نتحكم في نفسنا وفي كلامنا ومنزعلش من بعض ولو كنت أعرف أن الموضوع والردود هتبقى بالصورة دي مكنتش عملت الموضوع ولا فكرت في كدة من أساسه للأسف .
17-05-2009, 11:38 PM
aif

اقتباس:

المشاركة الأصلية كتبت بواسطة ashturbo

والناس تزعل مني ليه أصلاً هو أنا كلمت حد بطريقة وحشة ولا قولت كلمة وحشة في حق حد ؟؟

وبعدين أتريق أروشن دة شيئ ميخصش حد طالما لا جيت جنب حد ولا أسأت لحد دة إذا كنت بتريق ولا بروشن من أساسه .

واللي عاوز يرد بموضوع بعشرة بألف ولا مايردش أصلاً هو حر كل واحد حر في تصرفاته وفي نفس الوقت مسؤول عن التصرفات دي .

واللي يأخد أنذار واللي يحرق دمة واللي يخسر صاحبة هو السبب في كدة مش موضوعي السبب وإلا كانوا بقى لغوا حاجة أسمها كورة وأستادات وبرامج رياضية بحجة أن حضراتكم بتتخنقوا وخلقكوا ضيق وبتخسروا صحابكم عشان الكورة .

وما أتبصطش ليه فريقي وبشجعه وبحبه فيها أيه دي ولا أنتم هتحرموا علينا الضحك والأنبساط .

ياسيدي روشن واتريق زي ما انت عاوز
كلامك صح 100% وعين العقل والصواب
وعلشان كدة باقولك برافو
17-05-2009, 11:41 PM
AshTurbo

اقتباس:

ياسيدي روشن واتريق زي ما انت عاوز
كلامك صح 100% وعين العقل والصواب
وعلشان كدة باقولك برافو

حضرتك نورت الموضوع وتحياتي لك .
18-05-2009, 12:38 AM
aif

اقتباس:

المشاركة الأصلية كتبت بواسطة ashturbo

حضرتك نورت الموضوع وتحياتي لك .

وعليكم السلام ورحمة الله وبركاته
18-05-2009, 02:20 AM
Terrible_DaRsH

من العادى اننا نشوف اهلاوى فرحان بانتصارات فريقه ..

لكن من الصعب انك تلاقى مشجع اخر فاهم يعنى ايه رياضة و يعنى ايه روح رياضية فى المكسب و الخسارة ..

طول ما محدش بيتقبل الهزيمة و يمتص غضبه هنفضل نشاكل فى بعضينا ..
18-05-2009, 03:36 PM
aif

اقتباس:

المشاركة الأصلية كتبت بواسطة ashturbo

والناس تزعل مني ليه أصلاً هو أنا كلمت حد بطريقة وحشة ولا قولت كلمة وحشة في حق حد ؟؟

.

عزيزي الاستاذ محمد صاحب الموضوع
شوفت مشاركاتي كانت مستفزة قد ايه ؟؟؟؟؟
اولا انا آسف جدا اني ضايقتك و كلامي استفزك وسببلك مضايقة
لكن ....
انا فقط حبيت ابرهن لحضرتك انه ممكن استفزاز الآخرين ومضايقتهم بدون ما تقول حاجة غلط ...
زي انا ما عملت بالظبط ...
انا كل اللي قلته مافيهوش كلمة وحشة ولا لفظ غلط ولا تلميح نابي ... لكن كلامي ضايقك طبعا .... ورد حضرتك واضح ...
قبل كدة اتعمل مواضيع اقل استفزازا من موضوعك بكتير ... من اهلاوية وزمالكاوية وغيرهم .... وممكن ترجع للمنتدي الاجتماعي .... كلها تقريبا انتهت بخناق وانزارات ووقف وللأسف ناس كتير خسرو بعض بهذا السبب الذي لا يستحق والموضيع كلها تقريبا مقفولة
الكلام عام .... وانا دايما مش باحاول اشارك في هذه المواضيع لأني مقتنع تماما بان اكتر اسباب الخناق والعصبية والزعل ... هي الكورة
واحنا للأسف ماعندناش اي ثقافة رياضية لأي نادي او لعبة او فريق بدون النيل من الآخرين
سواء الاهلي او الزمالك او حتى المنتخب الوطني ....
لازم نتعرض للخصم كأثبات اننا كويسين .... زي زمان ايام الجاهلية ... كان المنتصر لازم يسبي نساء المهزوم كاثبات انه انتصر
انا كلامي دة من منطلق حبي للزملاء وانت منهم طبعا وحرصي على عدم حدوث مشاكل تؤثر على العلاقة بينا زي ما حصل مرات ومرات قبل كدة ....

اقتباس:

المشاركة الأصلية كتبت بواسطة terrible_darsh

من العادى اننا نشوف اهلاوى فرحان بانتصارات فريقه ..

لكن من الصعب انك تلاقى مشجع اخر فاهم يعنى ايه رياضة و يعنى ايه روح رياضية فى المكسب و الخسارة ..

طول ما محدش بيتقبل الهزيمة و يمتص غضبه هنفضل نشاكل فى بعضينا ..

يا درش اللي يفرح يفرح وده حقه ..... لكن يجب عدم استفزاز الآخرين واحترام مشاعرهم ....
هو ما ينفعش نفرح من غير مانجيب سيرة المنافسين .....
شوف المواضيع اللي فاتت انتهت ازاي
.....

ياريت نراعي شعور بعض ونخاف على زعل بعض اكتر من كدة ... احنا بنقضي في المكان دة اكتر من اللي بنقضيه مع اهلنا
....
ودي آخر مرة اكتب اي كلمة في اي موضوع يتعلق بالكورة وقرفها
.....
تقبلو تحياتي
تم غلق الموضوع
مشرف القسم 3