عرض للطباعة
المقارنة المرة دي ضرورية جداً أنا أودامي التيدا فل اوبشن بلس ب-١٢٤ ألف و عليها car kit هدية بس في نفس الوقت أنا عجباني جداً ال-new cerato sx
محتار بين الاتنين دي ياباني و عربية محترمة طبعاً بس شكلها مش أد كدة و التانية صحيح كوري بس شكلها تحفة و كماليات كتير
أنا محتار جداً و ياريت مساعدتكم خصوصاً إن فرق الفلوس مش كبير
هيا المقارنه عنيفه ليه؟
عموما النيو سيراتو افضل بدون منازع
هي عنيفة عشان في ناس كتير مش حاتوافئ على رأيك دة بسهولةاقتباس:
المشاركة الأصلية كتبت بواسطة ZXR
بس إنت يا باشا له شايف إن new cerato أفضل بلا منازع
بص يا سيدي التيدا من العربيات المحترمة بس مش واخدة حقها في مص اوي ....ليه ممكن التوكيل وومكن علشان قطع غيارها ووممكن علشان بعض الناس شايفينها غالية شوية وده سبب مقنع لان التوكيل مركز في الصني وعايز يعملها رواج وومكن برده مش مقنعة علشان شكلها تقليدي و نسبيا مش حلو بس هي عربية ياباني محترمة وواسعة وقويةبالنسبة للسيراتو شكل جديد وقوة وثبات عالي وكماليات كثيرة وعوامل امان ممتازة واهم من ذالك التوكيل محترم جدا جدا واعتقد الفترة القادمة اعادة البيع للسيراتو هتكون افضل الا لو نيسان فجرت مفاجئة الامر في الاخر ليك ممكن تروح تجرب وتحكم وربنا يوفقك
New Cerato Sx
وهى فعلا مقارنه عنيفه
عشان لو حضرتك من النوع اللى متحيز لليابانى وشايف ان الكورى مهما كان كويس ميقدرش ينافس اليابانى وكدا وكدا الكورى ده تعبان واخره سنتين واقلب
يبقى من الصعب تتقبل ان السيراتو احسن
ولو انت شايف ان الكورى اتقدم بالفعل ويقدر ينافس
وان السيراتو بالأخص عربيه ممتازه وتمنها فيها وافضل سعر مقابل اداء وكماليات
هتعرف ان السيراتو افضل واوفر
[marq="3;right;3;scroll"]التيدا عربية محترمة جداااااااا ووالهاتشباك فى راييى احسن كتير من السيدان..النيو سيراتو مقدرش اقولك عليها غير ان شكلها جميل جدا غير كدة مقدرش افيدك لانى مجربتهاش فمش حقدر افتى غير فى ناحية الشكل[/marq]
هقولك حاجه
حتى الان كل اللى اشترى النيو سيراتو بيشتكى من العفشه مقابل الثبات
لو النقطه دى بالنسبه لك مش فارقه اوى يبقى هات النيو سيراتو
تانى حاجه
لو هتدفع فى التيدا 124000 يبقى لما تفكر تشترى النيوسيراتو تشترى الهاى لاين مشsx
نيو سيراتو تكسب
كماليات جميلة بسعر معقول بالنسبة لأسعار السوق
مالة التوكيل.؟:ma(30):اقتباس:
المشاركة الأصلية كتبت بواسطة mohammedsamirabdeen
توكيل نيسان محترم جدا جدا انا جرب توكيلات كتير ..من اول الامل بتاع الادا وال byd لحد المرسيدس والتجبة من خلال معارف واصدقاء...انا عن نفسى معايا نيسان صنى..توكيلها محترم لاقصى درجة وناس فعلا كويسين..
بالنسبة للنقطة بتاعت مركزين على الصنى دى..انا مش مقتنع بيها لان اللى بيدخل الصيانة بيتعملة الازم وبيطلع فى معادة والشغل زى الفل..ولو فى عيوب بيعملوها على طول
اما بالنسبة للمقارنة...انا بحب التيدا عشان يبانى 100 فى 100. وان فاتاكك اليابانى مش هيرجع تانى:shine[1]:
نيو سيراتو ، شكل وكماليات وتوكيل محترم
ا فكرة إن في ناس كتير بتكلم عن اعتمادية الياباني و إن بعد ٥ سنين مثلن أنا حعرف الفرق بين الاتنين بس برضه أنا حاسس إن مش أوي كدة لو حافظت على العربية حتعيش كويس و لو مش ححافظ علها لو كنت حتى ألماني بردو حتتبهدل فإيه رايكو في النقطة دي بالذات
ياجماعة حد فيكوا اشترك برأية جرب النيو سيراتو عشان يحدد للراجل يشترى اية اة شكلها احسن من التيدا بس هل دة يخليها احسن من التيدا ها قوة تحملها هتبقى احسن من التيدا فى حاجة متفقين عليها ان التيدا واسعة والنيو سيراتو ضيقة شكل التابلوة اة لصالح النيو سيراتو بس مش الحاجات دية هاتخلينى افرح بالعربية واتغاضى عن الاساسيات اللى بتقوم عليها اى عربية فى الدنيا.
جربو العربية الاول وبعد كدة احكموا على تجيبوا اية مش بالشكل انا ببقى حاسس ان اللى بيجيب السيراتو بيبقى قلقان مش عارف لية وانا شاء الله بعد معرض اتوماك هجرب العربية فعلى وهتعود معايا يومين كاملين واقولكم على كل حاجة وهاقول كل حاجة عليها بمنتهى الصراحة بس مش هاعرف اجرى بيها عن 100 عشان الماتور
تيدا افضل بس هو حضرتك ليه مفكرتش غير فى العربيتين دول
التيدا عربيه محترمه جدا و قويه و واسعه اوى يعيبها شكلها مش اوى
انا جربت الاتنين وكنت فعلا بفكر في التيدا ......وفي الاخر اشتريت السيراتو الحمدلله
طبعا التيدا عربيه كويسه شكلها من بره ميشدش الواحد بس من جوه جميله وتحفه واسعه .....ادائها كويس ...عاليه في القاعده تحسسك انك راكب حاجه عاليه .......التوكيل عادي لا وحش ولا حلو ناس مبسوطه منه وفي ناش مش طايقاه
عفشتها ناشفه حاجه بسيطه .....فيه ناس علقت علي موضوع ثباتها علي السرعات العاليه وانه مش كويس ....بس انا شايفه ان ده نسبي من شخص لاخر.......
السيراتو الاوبشن فيها ممتازه العربيه ممتازه .....موتور قوي..... ثبات قوي....عوامل امان متوفره ...التابلوه والتقفيل الداخلي كويس ( مش بفخامه التيدا) في فئه الsx
العفشه ناشفه ....زي عفشه الاوكتافيا( لتوضيح الصورة).....مش للدرجه اللي تخليك مضايق الا لو كان يفرق معاك النعومه
طبعا ميزه انك حتوفر مبلغ مش قليل مع السيراتو.
توكيل جيد جدا( حتي الان)
كيا عامه كشركه .....عربياتها اعتماديه وعمرها الافتراضي عالي ولو حافظت عليها حتورثها كمان
انا كان معايا برايد وسيفيا بعد 12 سنه ....العربيتين اتباعو فبريقه بره وجوه ولاعلي سعر كمان
قطع الغيار اعتقد حتبقي لصالح السيراتو........
عامه كل الاسباب اللي فوق هي اللي شجعتني علي السيراتو......وفرت فلوسي وركبت عربيه قويه شكلها حلو كماليتها كويسه ...عوامل امان موجوده ....وشركه كوريه سمعتها في العالم كله ممتازه.....
برضه نصيحه جرب سواقه الاتنين....لان في حاجات مهما قولنا عليها ممكن تفرق معاك... وتكون مش فارقه مع غيرك
وقبل كل هذا الاستخاره......وربنا يوفقك للي تعجبك