الموضوع: رأيكم اية فى الكورولا 2009 توكيل تويوتا ايجيبت

المشاركة الأصلية كتبت بواسطة hossamalaa

يا جماعة انا عضو جديد معاكو فى المنتدى

وعايز رأيكم فى الكورولا التوكيل 2009 مش الخليجى

أتوكل على الله واشتريها أنا جربت بتاعت واحد صاحبى وما شاء الله ممتازة

علشان أكون صريح معاك انا هقولك رأى الشخصى


المنتدى هنا غير حيادى على الاطلاق
ناس هتقولك كويسة علشان بتحب اليابانى وناس هتقول لا علشان بتكره اليابانى
وناس بتحب تويوتا وناس مش بتطيق اسمها اصلاً

المعلومة الأكيدة فى المنتدى ان الكل يعرف انه فيه مشكلة فى الفتيس ما عدا ملاك العربية (على الأقل اللى انا أعرفهم شخصياً)

انا لو منك أنزل أى شارع فى مكان كويس وشوف حد معاه العربية ويكون بيركن مثلاً وأساله أخبارها اية .... واكيد أسال اكثر من واحد ,اعرف ميزتها وعيوبها من ملاكها أحسن

ياريت محدش يزعل منى ان بقول رأى الشخصى

شوف يا أخي الكريم
هيا دي طبيعة البشر
يعني مثلا لو عملت استفتاء هتلاقي الناس بتختار عربيات هما نفسهم وقت الشراء ممكن يفكروا الف مره قبل ما يختاروها
ولكن زي ما المثل بيقول هو الكلام عليه فلوس

انا رايي ان حضرتك تجرب العربيه ولو عجبتك توكل على الله واشتريها لن لحد الأن لا يوجد
ما يجعل احد ان يقول لك احذر العربيه دي
لأن العربيه فعلا محترمه ولحد الأن لا يوجد ما يبرر ان احد يقول لك لا تشتريها فعلا

الفتيس بتاعها مسألة نوع جديد وتعود ليس اتر ولا اقل
فلو الفتيس عجبك طريقته يبقى توكيل على الله
وانصحك بكثرة الأستخارة كلي ترزق الخير ان شاء الله

البشر لا يجتمعون على شىء ولولا اختلاف الأزواق لبارت السلع
وأعيب على الأخ ذكر كلمة أن المنتدى غير حيادى لأن جميع الأعضاء بما فيهم إدارة المنتدى ليس لهم أى مصلحه من أى نوع فى الترويج أو صرف الناس عن ماركه معينه وكل منهم يحاول أن يفيد الناس لكن ما يناسبك لا يناسبنى وما يناسب غيرى قد يناسبنى وقد لا يناسبنى ومن هنا وجد الخلاف خاصة مع وجود أسباب له

يعنى مثلا أنا شايف إن الكورولا غاليه جدا جدا ولا تستحق هذا السعر
طبعا هذا لا يعنى أنها سياره سيئه ولكنها غاليه وشايف برضه إن قطع غيارها غاليه جدا جدا
ممكن واحد غيرى يقول إن سعرها كويس وإن أسعار قطع غيارها معقوله
الناس كده لا تتفق

يا باشا عموم البشر مختلفين على وجود الله مش حيختلفوا على عربيه ؟؟؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة hossamalaa

شكراً لرد حضرتك

انا أول مرة أسمع عن موضوع الفتيس فى المنتدى هنا

كل اللى سألتهم معاهم العربية محدش جاب سيرت الفتيس فى حاجة مع ان عدد اللى سألتهم عدد كبير بالاضافة لناس سالتها من الشارع ومعرفهمش

انا قريت مواضيع فى المنتدى تكره اى حد فى العربية على الرغم انا سوقت العربية بنفسى ومحستش باى مشكلة فى الفتيس
انا اتخضيت لدرجة انى كلمت صديق مقرب معاه العربية وسألته على المشاكل اللى ناس قاليه عليها فى المنتدى قالى ايه اللى انت بتقوله ده لكلام ده مش صحيح وانت جربت بنفسك وفعلاً انا جربت بنفسى ومحستش باى مشكلة

انا هصلى استخارة وربنا يقدم اللى فيه الخير

هو حضرتك جربت ال mmt ولا المانيوال العادى

المانيوال العادى مفيهاش أى مشكله

لكن ال mmt هو اللى فيه الكلام

المشاركة الأصلية كتبت بواسطة hossamalaa

شكراً لرد حضرتك

انا أول مرة أسمع عن موضوع الفتيس فى المنتدى هنا

كل اللى سألتهم معاهم العربية محدش جاب سيرت الفتيس فى حاجة مع ان عدد اللى سألتهم عدد كبير بالاضافة لناس سالتها من الشارع ومعرفهمش

انا قريت مواضيع فى المنتدى تكره اى حد فى العربية على الرغم انا سوقت العربية بنفسى ومحستش باى مشكلة فى الفتيس
انا اتخضيت لدرجة انى كلمت صديق مقرب معاه العربية وسألته على المشاكل اللى ناس قاليه عليها فى المنتدى قالى ايه اللى انت بتقوله ده لكلام ده مش صحيح وانت جربت بنفسك وفعلاً انا جربت بنفسى ومحستش باى مشكلة

انا هصلى استخارة وربنا يقدم اللى فيه الخير

تاني عضو فاضل يقول نفس الكلام
فرجاء ممن ييتحدث عن الكورولا ان يتفهم ان الناس بتأخذ الكلام بمحمل ثقيل جدا وبعيد عن حقيقة العربيه

يعني اقل شئ ان احنا ننصح السائل بأنه يجرب العربيه وهو لو عجبته يبقى خلاص
لأن في ناس لما بتسأل عن العربيه وتسمع الكلام بتحس ان العربيه وحشه جدا وهذا ليس حقيقي فعلا
لأن العبارات يختلف معناها من شخص لأخر او بمعنى يختلف وصف عمل الفتيس من شخص لأخر حسب كلماته

فرجاء من اخواننا الحذر من ذلك حتى لا نبعد عن حيادنا او صدق المعلومة هنا في المنتدى

وشكرا للكل