سقف العربية اتبهدل ، رنا يجازى اللى كان السبب

**Mina W** · 28-09-2007 02:20 PM

كنت عايز استشارة ، اصلى نزلت من الشغل امبارح و لقيت شوية طوب و زلط على سقف العربية، فابتديت انظفه فؤجت بنقر فى السقف كأن نقار الخشب وقف عليها :shock: ، و ربنا يجازى اللى رماه من شباكه علشان يبهدل العربية .

العربية لونها فضى و النقر بيانة فى جنب السقف اليمين :x بس علشان العربية عاليه شوية فممكن متخدش بالك منها :? ، فهل اروح التوكيل او حد برة و اصلحها و لا ؟ :?: واحد نصحنى و قال لا علشان لو جيت يوم تبيع هيفتكروا انك قلبت بالعربية علشان رشيت السقف و ده كلام منطقى ، لكن انا مش ناوى ابيع اولا لان العربية جديدة بقالها معايا 5 شهور بس، وثانيا انا مبسوط منها فابيعها ليه، بس مش عايز ابتدى مشاوير التصليح و العربيه حتى مكملتش سنة و تمنها لسه مبردش

اختصار يا ريت حد يقولى اصلحها و لا اسيبها؟ و لو صلحت فى التوكيل و لا بره؟ :?:
ثانيا انا كنت بافكر فى التأمين بس الفلوس قصرت معايا لكن بعد الموضوع قررت انى لازم اعمله، فهل لو كنت مامن عليها كانوا هيصحلوها على حسابهم و لا؟ :?:

و شكر مقدما لكل الردود

**abo3bdolrahman** · 28-09-2007 02:26 PM

رد النقر دى على البارد و خلى بتاع الدوكو يلقطهالك لو فى خربشة و الصاج إتعرى. أما لو البوية ما اتشالتش يبقى االكمبوند و البولش ها يداريه. و قدر الله و ما شاء فعل.

**Ahmed Hassan** · 28-09-2007 02:30 PM

سيبها زي ما هيه لو مش باينه قوي... و امرك لله

SS · 29-09-2007 03:17 PM

اعتقد انها لو مش باينه اوى فالافضل تسبها زى ماهى عشان حتى لو رديته ع البارد هتحتاج تفك الفرش بتاع السقف (ع حد علمى) وبالتالى هتخلى اكيد صنايعى من العباقره اياهم يمد ايده ف العربيه وانا عن نفسى لا احبذ هذا خاصة وان عربيتك جديده... وبعدين هى لو نقره بسيطة ما اعتقدش انها تاثر ع العربيه لو حبيت تبيع ... واستنى و شوف برده رد الزملا اللى عندهم خبره هيقولوا ايه.

**casperinoo** · 29-09-2007 09:03 PM

انا عندي نفس المشكله العربيه مخبوطه خبطه بسيطه في الباب اللي ورا يمين ..فيه تطبيقه وباينه والجريده وقعت بس ...والعربيه متأمن عليها وبصراحه والدي قلي يابني سيبها العربيه لسه جديده..واهيه تاخد العين...بس فسبتها وريحت دماغي 8)

**Ahmed Samy** · 29-09-2007 09:22 PM

سيبها ياعم سيبها
هاتبوظ العربي لو عملتها عند حد مش قد كده
و هي عادي نص عربيات البلد (و عربيتي منهم) :roll: حصللهم كده
هيا حاجه تقفل بس من رأيي سيبها

**جندى مجند** · 30-09-2007 01:45 AM

بالضبط يا مينا لو الموضوع بسيط و مش باين أوى سيبها متعملش فيها حاجة دلوقتى -- بس أهم حاجة متكونش فيها تطبيقات بتؤدى لوجود برك مياه عالسقف فى المطر ... لكن لو الموضوع جامد و السقف متبهدل أوى أنا أعرف مركز سمكرة ودوكو نظيف جداً قرب أبيس اتعاملت معاه قريب جداً كان واحد قريبى بيصلح عربيته النترا 2006 عنده و بصراحة شغله و تقفيله كان ممتاز و شغله كله فى عربيات حديثة -- لو تحب تروحله تشوف رأيه ايه كلمنى عالخاص

**PAYOO** · 30-09-2007 01:59 AM

ياريت يا مينا تصور سقف العربيه عشان نبقى شايفين معاك على الطبيعه ونقدر نقولك سيبها وللا صلحها

وعلى أي حال لو بسيطه يبقى تسيبها افضل

ثانيا انا كنت بافكر فى التأمين بس الفلوس قصرت معايا لكن بعد الموضوع قررت انى لازم اعمله، فهل لو كنت مامن عليها كانوا هيصحلوها على حسابهم و لا؟

طبعا كانو هايصلحوها على حسابهم

**hazem_khidr** · 30-09-2007 06:19 AM

ياريت يا مينا تصور سقف العربيه عشان نبقى شايفين معاك على الطبيعه ونقدر نقولك سيبها وللا صلحها

وعلى أي حال لو بسيطه يبقى تسيبها افضل

+1
و من رايي لو مش باينه اوي يبقي سيبها علشان فعلا لو حاولت تصلحها لازم تفك فرش السقف كله و طبعا السمكري حيخش جوه العهربيه و حتتبهدل ف الاحسن تسيبها بتقفيله بلادها.

**eng_mkhalaf** · 30-09-2007 11:22 AM

المشاركة الأصلية كتبت بواسطة hazem_khidr

ياريت يا مينا تصور سقف العربيه عشان نبقى شايفين معاك على الطبيعه ونقدر نقولك سيبها وللا صلحها

وعلى أي حال لو بسيطه يبقى تسيبها افضل

+1
و من رايي لو مش باينه اوي يبقي سيبها علشان فعلا لو حاولت تصلحها لازم تفك فرش السقف كله و طبعا السمكري حيخش جوه العهربيه و حتتبهدل ف الاحسن تسيبها بتقفيله بلادها.

+100000000000000000000000000000000000000

الموضوع: سقف العربية اتبهدل ، رنا يجازى اللى كان السبب

LinkBack

أدوات الموضوع

عرض

سقف العربية اتبهدل ، رنا يجازى اللى كان السبب - انشر الموضوع فى :

-

-

-

-

-

المواضيع المتشابهه

شـــــــــــــــــــكر واجب للمهندس م.ممدوح اللى كان السبب انى احب الدايو

مين اللى كانت نايل موتورز السبب فى اخياره بروتون واشترى

ربنا يسامحة اللى كان السبب

ايه السبب الأساسى اللى خلاك تختار اللوجان

مين اللى كانت نايل موتورز السبب فى اخياره دايو واشترى

الكلمات الدلالية لهذا الموضوع

المفضلات

المفضلات

ضوابط المشاركة