مشكلة فى زوايا الكورولا 2007

السلام عليكم ورحمة الله وبركاته

دى اول مشاركة ليا فى المنتدى وارجو من سيادتكم المساعدة
انا امتلك كورولا 1300 موديل 2007 مانويل منذ حوالى سنتين تقريبا العربية زى الفل ولكن من حوالى شهرين بدأت الاحظ ان العربية بتحدف يمين وبعدين تطور الامر بسرعة واصبح فى صوت عالى عندما احود يمين فرحت اضبط زوايا فى بنزينة التعاون امام شيراتون القاهرة فقال لى المهندس هناك انه هايصلح العيب بتاع صريخ العجل ولكن الحدفة اليمين هتقل شوية ولكن لن يستطيع ان يمنعها وذلك لان العجلة مرحلة شوية نتيجة مطب جامد ولازم اعمل زرجينة وهو موش محبز الحل ده وبيقول حاول تمشى كده

وبعد ما مشيت بالعربية الحدفة فعلا قلت شوية بس هناك برضه حدفة وانا بصراحة عاوز احل الموضوع
تنصحونى بمحل اخر لضبط الزوايا ولا اعمل زرجينه ولا فى حل اخر

اكيد لازم هتعمل زرجينه
هو ده الحل علشان تزيل هذه الحدفة نهائيا

وانا مش شايف انها مشكلة قوي

عالعموم شوف عفشجي يكون محترم وامين وهو يقولك الحل الأمثل ان شاء الله

متشكر جدا لحضرتك

توصلت للحل اخيرا
انا قلت قبل ما اعمل زرجينة اروح مركز محترم للزوايا وتكون دى اخر مرة
ورحت مركز بريدجستون فى صلاح سالم عمارات العبور
لاقيت مركز متطور جدا وكان فاضى دخلت العربية وبالضبط فى 15 دقيقة تم ضبط الزوايا والعربية اتغيرت خالص
وكمان طلع معايا واحد من المركز عشان اجربها
بصراحة انا انصح اى واحد عنده مشكلة يروح المركز ده (على فكرة التكلفة 25 جنيه) يعنى زى اى مكان اخر تقريبا

يعني إيه زرجينة ؟؟ وإيه ضررها على العربية ؟؟

أنا بسمع الكلمة دي كتير بس مش عارف بتتعمل ازاي

اقتباس:

---

المشاركة الأصلية كتبت بواسطة abdo_eldesokey

يعني إيه زرجينة ؟؟ وإيه ضررها على العربية ؟؟

أنا بسمع الكلمة دي كتير بس مش عارف بتتعمل ازاي

---

الزرجينه دي بتتعمل لو العربيه واخده خبطه جامده من تحت من الامام
فبتخلي واحده من العجل مترحله عن مكانها الطبيعي شويه
فطبعا بيأثر على الزوايا للعربيه
الزرجينه عبارة عن انه يثبت العربيه في الارض او في اي حاجه جامده ثابته ويشد عكس الترحيله بتاعت العجله علشان يرجعها مكانها
بس هيا دي الزرجينه

-------------------
وبعدين مش هنشوفك بقه ولا ايه
انت مش بتعدي على البيت عندي
ابقى عدي يا اخي نتعرف عليك ان شاء الله

اقتباس:

---

المشاركة الأصلية كتبت بواسطة nael_abd_elhameed

توصلت للحل اخيرا
انا قلت قبل ما اعمل زرجينة اروح مركز محترم للزوايا وتكون دى اخر مرة
ورحت مركز بريدجستون فى صلاح سالم عمارات العبور
لاقيت مركز متطور جدا وكان فاضى دخلت العربية وبالضبط فى 15 دقيقة تم ضبط الزوايا والعربية اتغيرت خالص
وكمان طلع معايا واحد من المركز عشان اجربها
بصراحة انا انصح اى واحد عنده مشكلة يروح المركز ده (على فكرة التكلفة 25 جنيه) يعنى زى اى مكان اخر تقريبا

---

كنت داخل انصحك بيه

اقتباس:

---

المشاركة الأصلية كتبت بواسطة أبو عبدالله

الزرجينه دي بتتعمل لو العربيه واخده خبطه جامده من تحت من الامام
فبتخلي واحده من العجل مترحله عن مكانها الطبيعي شويه
فطبعا بيأثر على الزوايا للعربيه
الزرجينه عبارة عن انه يثبت العربيه في الارض او في اي حاجه جامده ثابته ويشد عكس الترحيله بتاعت العجله علشان يرجعها مكانها
بس هيا دي الزرجينه

-------------------
وبعدين مش هنشوفك بقه ولا ايه
انت مش بتعدي على البيت عندي
ابقى عدي يا اخي نتعرف عليك ان شاء الله

---

جزاكم الله خيرا ً يا أبو عبد الله على التوضيح

بس يا ترى إيه الضرر من الزرجينة دي ؟؟

أنا كنت بظبط زوايا للـ 128 والفنى قالى فيه عجلة عايزة زرجينة بس أنا هقص مسمار المساعد بدل ما أعمل زرجينة ، طبعا ً أنا مفهمتش أي حاجة منه

اقتباس:

---

المشاركة الأصلية كتبت بواسطة abdo_eldesokey

جزاكم الله خيرا ً يا أبو عبد الله على التوضيح

بس يا ترى إيه الضرر من الزرجينة دي ؟؟

أنا كنت بظبط زوايا للـ 128 والفنى قالى فيه عجلة عايزة زرجينة بس أنا هقص مسمار المساعد بدل ما أعمل زرجينة ، طبعا ً أنا مفهمتش أي حاجة منه

---

هو مش ضرر اد ما هو خوف من الصنايعي اللي هيعلمها
على اساس انه بيشد بدون حساب او بدون جهاز مثلا زي جهاز ظبط الشاسيه اللي بيتحكم في مقدار كل حاجه

بس اضرار مش عارف بصراحه لها اضرار

الزراجين مفيهاش أضرار لو اتعملت صح
وعشان تتعمل صح يبقى لازم يكون فيه جهاز لفرد الشاسيه وقياسات دقيقة للأبعاد الأصلية للعربيه

وأهم حاجه إنها تتعمل بدون تسخين لأن التسخين بيضعف الحديد جامد