الموضوع: عربيتك بتبطل و انت ماشى , بتتأخر فى الدوار الصبح , بترجرج منك وقت التسخين الحل

كل المشاكل اللى ليها علاقه بالبنزين و الكاربراتير فيه جزء مهم جدا فى الكرابراتير لابد من الكشف عنه و تغييره اذا لزم الأمر
هو بيك نحاس سن طويل بيركب فى الكربراتير من فوق بعد ماتشيل العمه
البيك ده هو اللى بينظم مع البيك التانى اللى ورا الكرابراتير اداء السياره على السلانسيه او و هى واقفه و دايره
اذا حصل مشكله فى البيكين دول ادائها بيكون عجيب و ضايع خالص
خلى بالك انهم اتنين
1- بيك كهربا تخين و بيتوصله كليبس كهربا من ورا الكاربراتير
2- بيك نحاس رفيع سن طويل بيركب فى الكرابراتير من فوق بعد شيل العمه

البيك النحاس ده لو مش أصلى من تاسع المستحيلات العربيه تتظبط و عن تجربه
دور على الأصلى حتى لو غالى شويه بس هو ده المفيد

طيب ازاى نعرف الأصلى
معلومه مهمه ماحدش هايقولك عليها
( البيك الأصلى لونه نحاسى غامق و تقيل شويه عن التقليد و مدموغ من الراس بتاعته من فوق )
ثمنه فى حدود من 55 الى 75 على حسب جشع التاجر
(البيك التقليد نحاس اصفر فاتح و خفيف و مافيش على راسه اى دمغه)
ثمنه من 25 الى 55 على حسب غش التاجر

بالتوفيق يا شباب

هو طبعا من حيث المبدأ و الفكره ينطبق على اى عربيه فى الدنيا بس طبعا مع اختلاف المكونات و طريقه عملها يعنى اى عربيه كاربراتير لازم فيها بيكات بتتحكم فى السلانسيه و بالتالى اذا كان فيها نفس العيب اللى بنتكلم عنه يبقى ضرورى تكشف عليهم و تشوف مشكلتهم ايه