حكم تاريخى لرفض إعادة سيارة معيبة - تغريم وكيل إسبرانزا 200 ألف جنيه

**A.Saad** · 17-05-2009 08:00 PM

المشاركة الأصلية كتبت بواسطة mohamed_elsabah1977

اللي حصل مع أبو الفتوح صعب أوي يحصل مع أي توكيل تاني زي ( منصور شيفروليه ) مثلا .
وغيره كتير صعب أوي إنه يحصل معاهم .
لازم ماننساش إننا في مصر برده ومش كل الطير اللي يتاكل لحمه .

اول الغيث قطرة

**waelwael** · 17-05-2009 08:14 PM

وكمان موقعنا ده هيساند أى شخص عايز تعويض من أى وكيل سيارات حتى لو كان منصور شفروليه أو حتى المجموعة البافارية لأن إحنا كلنا معرضين لده وأى شخص يعرف حد عنده مشاكل فى سياره جديده مع التوكيل يخليه يدخل الموقع و مجموعه الزملاء القانونين يمكن الأفادة فى ذلك

**yehia** · 17-05-2009 09:13 PM

المشاركة الأصلية كتبت بواسطة yarisawy

والله حلو الكلام ده .... بس ال 200 الف دول ميين اخدهم .. صاحب الشكوى ولا .....!!!!!!!!!!!!!!!

لو الحكم فعلا نص فى منطوقه على الغرامة .. فهى حق للدولة تدخل خزانتها باعتبارها عقوبة جنائية نص عليها القانون وهى مقابل ما تمثله الواقعة من اضرار بمصلحة المجتمع ككل.... والغرامة بتالى لا تمنع من الحكم بالتعويض المدنى "للهمام " اللى كان مشترى العربية باعتبارأنه جبر للأضرار التى لحقته

أنا سميته "همام" لأنه فعلا كده وأنا أحييه أنه ماتركش حقه وأبى إلاَ أن يلقن مثل هؤلاء درسا قاسيا

أصل كتير قوى ساقوا فيها ... وافتكروها سابت وهاصت

**Terrible_DaRsH** · 17-05-2009 11:13 PM

المشاركة الأصلية كتبت بواسطة ahmed samy

تفتكرو ده ممكن يحصل مع منصور ؟؟؟؟ أو غبور ؟؟؟

قصدك منصور بيه و غبور باشا .

**egyptianmafia** · 18-05-2009 07:42 AM

waelwael...those dealerships will not sell a defective car....guranteed. they may sell a car that has some part defective or does not work properly. But they wont produce a car that has production problems leading to the exchange of the whole car with another. Those dealerships are better than Speranza (Aboul Fottouh)

**M.Osama** · 18-05-2009 08:05 AM

شكرا علي موضوعك

بس الموضوع مكرر بتاريخ 16 مايو https://www.nilemotors.net/Nile/75629-200.html

**NaderNabil** · 18-05-2009 08:14 AM

المشاركة الأصلية كتبت بواسطة egyptianmafia

waelwael...those dealerships will not sell a defective car....guranteed. they may sell a car that has some part defective or does not work properly. But they wont produce a car that has production problems leading to the exchange of the whole car with another. Those dealerships are better than Speranza (Aboul Fottouh)

و حضرتك تفسر بإيه نيسان X-trail موديل 2008 عاملة 25000 كيلو فقط...بها مشكلة و لم يستطع الوكيل حلها بعد محاولات دامت أكثر من 4 شهور...و إنتهت في الأخر ان العربية إتغيرت تماما و بدون دفع أي شئ من صاحب العربية....(العربية دي بتاعتنا في الشغل)

صيني مش صيني...ساعات كتير بتحصل Defects و في أحسن العربيات...و بلاش أقولك في بي إم و مرسيدس كمان...الفيصل هنا هو خدمة العملاء و ما بعد البيع و الإدارة من أصحاب التوكيل...

انا رأيي ان أبو الفتوح كده إتقرص في ودانة...و الخبر ده أكيد هايساهم بشكل أو بأخر في تشوية سمعته...لكن ده هاينعكس بالإيجاب علي المستوي اللي هايقدمه للعملاء سواءالحالين أو الجدد