House Of Zombies منزل الزومبي

**nabaster** · 17-05-2009 09:24 PM

المشاركة الأصلية كتبت بواسطة ehabradwan

والله انا لي رأي تاني انا شايف انها فكرة مكررة و مافيش ابداع في الموضوع . ايه اللي انا استفادته من السبع دقايق دول

وجهات نظر معلش استحمل نقدي و ارجو اني اكون مازعلتكش

اهلا وسهلا بحضرتك الاول

ثانيا انا مرحب باي اراء حتي ولو كانت عباره عن نقد وانا شايف انه من حضرتك نقد بناء

حضرتك ممكن تكون مش واخد بالك من المجهود الي اتعمل

حضرتك بتقول انها فكرره مكرره بصراحه يمكن حضرتك شوفت عمل قبل كده بطريقة الشورت فيلم
من اداء مجموعه من الطلبه بعضهم موهوب والاخر هواه يمكن انا مشفتوش وياريت حضرتك تقولي عليه بحيس اشوف فيه الابداع الي حضرتك تقصده

وجه الاستفاده بقي ده بتاع كل واحد وكل واحد بيبص ليه من وجهة نظره

اشكرك علي مرورك الكريم وتقبل تحياتي

المشاركة الأصلية كتبت بواسطة kodak_gti

[info]ههههههههههههههههههههههههه والله ردك تحفة
اكيد البنت الزمبوقة دى بنت الزمبوق الكبير اللى رقبته اتقطعت وبتصوت عليه[/info] :b4_282:

كنت لسا مستني اعرف رايك يا كوداك

**nabaster** · 17-05-2009 09:35 PM

المشاركة الأصلية كتبت بواسطة lordnykon

اولا انا شايف ان الفيلم ده رائع من حيث انه يطاع كده مع ان التصوير كان بيتم بكاميرا واحدة و كمان متهيألى انها ديجيتال..
ثانيا المونتاج انا شايف انه كويس قوى ......
الصوت حلو قوى...فيه تأثيرات طلعة حلوة جدا ..
انا اللى مضايقنى شوية حركة البطلين بس انا عاذرهم علشان انا شايف ان المكان بتاع التصوير صعب..و ضيق كمان..
الاضاءة فى مشاهد كانت كويسة و مساهد كانت مش واضحة "الكاميرا الديجيتال محتاجة ضبط اضاءة مختلف"..
حلو جدا المشهد بتاع البطل التانى و الكاميرا بتلف حوليه ...
حلو قوى الخدع بتاعة الدم و السكينة اللى بتتحدف ..فيه مشهدين لدم بيتطاير من الزومبى واحد فعلا كويس و التانى الدم فعلا كنت حاسس انه كاتشب..
حلو قوى الفيلم بالنسبة للامكانيات.. بس المخرج محتاج سيطرة أكتر على كل حركة من حركات الممثلين و الزوبيز (لو نقدر نقول عليهم المجاميع بتوع الفيلم )
1000000000 مبروك و عقبال ما تعمل فيلم كامل بميزانية حقيقية .......

اهلا وسهلا بحضرتك
نتكلم بالنسبه للمكان هوا فعلا المكان ضيق وده كمان الي كان عامل مشكله مع المخرج

تقريبا الفيلم اخد يومين تصوير

كان وجود اكتر من 21 (الكاست بتاع الفيلم) في مكان واحد ده بيصعب العمليه اكتر

وفي الاخر الف شكر علي مرورك

المشاركة الأصلية كتبت بواسطة shnory

علي فكره دا اول فيديوا اتفرج عليه من غير ما اجري ولا ثانيه منه
بجد بجد بجد مشاء الله عليهم
امال لو معاهم كاميرتين ولا تلاته كانوا عملوا ايه
لما هما بالامكانيات الضعيفه دي عملوا الرائعه دي
فعلا الفيلم جبار
بس السكاكين كانت عاوزه شويه دم لانه مينفعش يسحب السكينه من بطنه وهي مغسوله برضه
كان المفروض تدبحوا اتنين من اصحابكم بجد وفعليا علشان تعوضوا نقص الامكانيات وتضيفوا جو الرعب
المؤثرات كانت روعه
الموسيقي والتصوير وكل حاجه كانت جامده جدا
ربنا يباركلكم ونسمع عنكم خير قريب باذن الله

استاذ شونري اهلا بيك في موضوعي المتواضع

بأذن الله ايمن هيدخل قريب يتكلم عن العمل الخاص بتاعه بس هوا حاليا في امتحانات ربنا معاه

موضوع نقتل اتنين فعلا من اصحابنا دي تسئل فيها المخرج اكيد هتتوصل معاه لفكره ولو اقنعته اوعدك هينفذ :b4_282:

**nabaster** · 18-05-2009 08:47 PM

المشاركة الأصلية كتبت بواسطة speed demon666

التصويير جامد مووووووت انا بصراحه عجبني اوييي ..... و الموسيقى جامده جدااااااااا ياريت تقولنا اسم التراك ايه
و الحركات اللي الشباب عملوها حلوه جدا .... بس النهايه هي اللي زعلتني
بالتوفيق ان شاء الله

شكرا علي الرد

وبالنسبه للتراك بتاع الفيلم ده مقطع لـ robert rodriguez واتعدل عليه بس حاليا مش متذكر اسم الفيلم