كاوتش نانكانج: ايه رأيكم فيه؟

عندى فردتين كاوتش فى عربيتى حيحتاجوا يتغيروا فى خلال شهر أو شهرين ... هو بريدجستون بوتنزا و مقاسه 185/55r15 و هو الحمد لله ممتاز و ثباته رائع لكن عمره دلوقتى 61 ألف كيلو و لسة حالته تسمح بالاستمرار لمدة طويلة لكن أنا بأفضل أغيره للإطمئنان ... آخر مرة سألت على سعره كان فوق ال 700 جنيه الفردة و فى واحد أعرفه عنده محل و ورشة كاوتش فرجنى على فردة نانكانج نفس المقاس و قاللى سعره 370 بالترصيص ففى فرق سعر محترم ... و لما دورت على النت لقيت تقييمات مشجعة جداً و من ناس كانت بتستخدم بريدجستون و تويو قبله ...

بس عايز رأيكم عن أداؤه فى الطرق المصرية ... الثبات عامل ازاى فى المنحنيات و المطر و هل الكاوتش ناشف ولا طرى و عمره كام كيلو و أداؤه فى الفرملة عامل ازاى ... و جزاكم الله خيراً

[marq="3;up;2;scroll"]
و انا كمان مش عارف هل النوع ده كويس و لا نظامه ايه؟
[/marq]

انا معايا نانكانج NS-1 مقاس 185/60/14

انا بصراحة مازلت افضل الكاوتش الGT اللى كنت مركبة قبلية و دة لمشكلة غريبة شويتين... الكاوتش دة بيتلكك انه يصفر... مع الفرامل تسمعة بيصفر... فى الملفات تسمعة بيصفر... مع السحب ساعات برضة يصفر... و فاضلة شوية و يصفر و هو واقف

انا وديت العربية ل2 بتوع زوايا و قالوا العربية زواياها مضبوطة تمام و ضغط الكاوتش مضبوط.... مش فاهم ليه النانكانج دة بيصفر كدة

MMamdouh

اقتباس:

---

المشاركة الأصلية كتبت بواسطة mmamdouh

انا معايا نانكانج ns-1 مقاس 185/60/14

انا بصراحة مازلت افضل الكاوتش الgt اللى كنت مركبة قبلية و دة لمشكلة غريبة شويتين... الكاوتش دة بيتلكك انه يصفر... مع الفرامل تسمعة بيصفر... فى الملفات تسمعة بيصفر... مع السحب ساعات برضة يصفر... و فاضلة شوية و يصفر و هو واقف

انا وديت العربية ل2 بتوع زوايا و قالوا العربية زواياها مضبوطة تمام و ضغط الكاوتش مضبوط.... مش فاهم ليه النانكانج دة بيصفر كدة

mmamdouh

---

مين الى بتتعامل معاه فى الزوايا يا استاذ محمد

مركز جولدن تايرز بشارع العشرينى - فيصل
fit & Fix ناصية عباس العقاد و النحاس
خدمة الزوايا بمحطة كالتكس المعادى
خدمة الزوايا بمحطة موبيل باب اللوق

MMamdouh

حضرتك المقاس اللى أنت مركبه تقريباً زى اللى معايا بس أنا المقاس بتاعى أعلى 5 مم يعنى 185/60 R15 و كنت جايبه من بريدجستون موديل أسمه my01 و هو أندونيسى و ليس يابانى
عيبه الوحيد صوته عالى شوية فى السرعات القليلة ( بيتقال عليه خشن ) بس فى السرعات العالية مش بسمعه ( يمكن عشان كده كده ببقى قافل الأزاز ) بس هو موديل رياضى و تماسكه مع الأرض أعلى من العادى........الفردة كانت ب 450 أو 480 من حوالى 4 شهور تقريباً.

هو النانكانج كاوتش جميل جدا مش طري اوي عمرو الافتراضي طويل بس هو زي ما الاستاذ محمد ما قال انو بيتلكك عشان يصفر ودرجة التماسك والثبات 60 % بالنسبة للبريدجات بأنواعها و70% بالنسبة للكومهو ......

شكراً لكم جميعاً للمشاركة ... يبقى كدة خلاصة الكلام انى أستمر مع بريدجستون أحسن ... حأحاول أسأل ان شاء الله على my01 لو أرخص من البوتنزا بفرق كبير يبقى أتوكل على الله و أجيبه

ياباشا البريدجستيرون مش غالى اوى زى ماحضرتك كاتب دة سعرة حوالى
دة سعرة حوالى 350 الى 400

كنت طقمت نانكانج مع الجنوط الجديده 205/60-15 .....في الأول كان الكاوتش كويس مش بطال بس بعد حوالي 18000 الف كيلو ظهرت مشكلة في العربية و هي إهتزاز الطارة ما بين سرعة 100 و 130 و قلت ده احتمال يكون ترصيص و رحت ل 3 مراكز ترصيص في بورسعيد و كلهم اجمعوا ان الكاوتش مش مظبوط وفيه "رفه" رغم عدم تعرضه لأي مطب عنيف او حادث ....خلاصة القول إن "الغالي ثمنه فيه" و إن شاء الله سوف أقوم بتغييره كمان 10 الاف كيلو ليوكوهاما ياباني الفردة ب 600 جند بس مش خسارة

اقتباس:

---

المشاركة الأصلية كتبت بواسطة fadi ezzat

ياباشا البريدجستيرون مش غالى اوى زى ماحضرتك كاتب دة سعرة حوالى
دة سعرة حوالى 350 الى 400

---

المقاس اللى عندى (185/55-15) كنت شارى الفردة بريدجستون بوتنزا أندونيسى من سنة بـ 625 جنيه و سعره حالياً أكتر من 700 بس مش فاكر كام بالضبط لكن هو فعلاً الغالى تمنه فيه و ان شاء الله حأجيب بريدجستون.

تحديث ....

اقتباس:

---

المشاركة الأصلية كتبت بواسطة جندى مجند

المقاس اللى عندى (185/55-15) كنت شارى الفردة بريدجستون بوتنزا أندونيسى من سنة بـ 625 جنيه و سعره حالياً أكتر من 700 بس مش فاكر كام بالضبط لكن هو فعلاً الغالى تمنه فيه و ان شاء الله حأجيب بريدجستون.

---

امبارح سألت فى بريدجستون لقيت عنده نوعين من المقاس دة:

Re040 يابانى سعر الفردة 667
re030 تايلندى سعر الفردة 477 (و دة نفس النوع اللى راكب فى العربية) فواضح ان الأسعار نزلت شوية (استغربت ان فى حاجة فى البلد دى سعرها بينزل) و كدة حأركب النوع دة ان شاء الله