انا عاوز اركب تكيف للبيتلز
العربية معزولة كويس
حد عنده اي فكرة عن التركيب والسعر والمكان او اى معلومات
كمان انا سمعت ان فيه تكيف بيركب على الولاعة بتاعة العربية هل الكلام ده صحيح ولو حد عند معلومة ياريت يقولنا عليها
:lol: :lol: :lol: :lol: :lol:
عرض للطباعة
انا عاوز اركب تكيف للبيتلز
العربية معزولة كويس
حد عنده اي فكرة عن التركيب والسعر والمكان او اى معلومات
كمان انا سمعت ان فيه تكيف بيركب على الولاعة بتاعة العربية هل الكلام ده صحيح ولو حد عند معلومة ياريت يقولنا عليها
:lol: :lol: :lol: :lol: :lol:
تكييف على الولاعة؟؟؟؟!!!، يا ريت لو حد يعرف عنه حاجة يقول ضرورى ده ان ماكنش خيال علمى :mrgreen:
مفيش حد عنده اى معلومات
جرب الموقع ده
http://www.iceac.com/germanproducts.html ;)
طبعا خيال علمي تكييف على ولاعة العربية
انا كان معايا 3 بيتلز ورا بعض ومن عشاقها حتى الان
وتركيب البيتلز تكييف ليها ما تبقاش اقل من 1600 عشان ما يحطش على الموتور
وبيتكلف من من 2500 الى 3000
ومكان الهواية بتاعتها بتبقي من ورا مش قدام فاهوا بيبقي ضعيف وانا لا انصح بتركيب تكييف لها لانها عملية غير مجدية وبياخد مساحة كبيرة تقريبا بيلغش شنطتها ومالوش عائد عند اعادة البيع
اللي بيشتري بيتلز مش هايدور على تكيييييف
دي نصيحتي اما عن اللي بيركبة في الحاج محمد في الحرفيين بس غالي بس احسن واحد وهو كعربائي فولكس وده بتاع الكروبة
بس محل الحرفيين احسن
انا شفت بيتلز قبل كدة راكب لها تكييف بس العملية كانت معقدة جدا
الكباس بيركب فوق الموتور على سير مع سير الدينامو بس بيحتاج تعديل فى غطاء الكبوت الخلفى علشان يساع الكباس
سربنتينة الطرد بتركب تحت العربية من الامام افقيا تحت مكان الاستبن، وربنا يكفينا بأة شر المطبات البلاعات اللى ممكن تخرم السربنتينة وتفضى الشحنة
كويل الصالون بيتحط فى الشنطة الخلفية داخل الصالون، وبصراحة مش عارف السبب خصوصا مع وجود اتساع تحت تابلوه العربية يمكن ان يتسع للكويل، بس اكيد فية سبب جوهرى لأن كل اللى شفتهم معاهم بيتلز مكيفة عاملين كدة، وشوفت واحد عامل دااكت للهواء البارد من الكويل فى الخلف وحتى امام السائق، بس بصاحة شكلها كان مسخرة
النصيحة لو عايز تكييف بيع البتلز وكمل وهات ريجاتا او 323 مكيفة، العربيتين دول ارخص حاجة فى المستعمل تشيل تكييف بدون مشاكل وبدون افتكاسات
تمنياتى للاستاذ سبعاوى ان تكون الابنة الغاليه بخير ان شاء الله وللجميع بالصحه والسعادة.
بخصوص تكييف البيتلز ال بيركبوة هواية ورا ده علشان ما يمشوش مواسير فريون بطول العربية اما عن الثلاجة ال هى سربتنينه التكييف والبيركب عليها مروحه التهويه داخل الصالون فلابد تكون بتاعة بيتلز
شفت بيتلز مقطعينها قطع غيار وكانت مكيفة تكييف عادى جدا وعموما تركيب تكييف على عربية بنظام صنايعية مصر هو شغل رائع للصنايعى وليس لمستخدم العربية الموضوع له حسابات عدد لفات الموور والكمبريسور وحجم السربنتينه والثلاجة وعدد لفات مروحة الصالون والثرموستات موضوع مش ساهل ومش هييجى بالصدفة سامحونى لتدخلى وتمنياتى بالتوفيق للجميع