الموضوع: الصيد بالفهد

الغزال دة بيتاكل يا جماعه وأسمع كمان ان طعمه لذيذ قوي

ديه اخره الفلوس من غير حساب

اولا شكرا على الصور
ثانيا
يا جماعه الموضوع كان عادي جدا في دول الخليج ويمكن لازال لا اعلم
في السعوديه (كنت مقيم هناك فتره كبيره ) مفيش ترفيه زي مصر مثلا
ممكن يطلعوا الصحرا يعدوا كام يوم وبيسموها ( كشته ) وممكن يأجروا استراحه ودي بتكون زي شاليه محاط بأسوار وفيه حمام سباحه او بيروحو على البحر او اي مصيف من المصايف اللي موجوده مش فاكر اسماء مصايف بس تقريبا يا طائف يا حائل مش فاكر اوي
والصيد عندهم ممتع ليهم يعني بيربوا صقور ويطلعوا يصطادوا والفهود وخلافه
والفروسيه والكوره
وسائل الترفيه مش موجوده بكثره ( الكلام دا زمان واكيد مازال موجود) عشان كدا كنت تلاقيهم علطول في لبنان وسوريا ومصر يعني الدول اللي بتحظى بجو كويس ومجالات ترفيه
ده شئ مش غريب دي هوايات وبيدخلو بيها مسابقات كمان في الصيد

أنا شايف إن الموضوع مش وحشى ولا حاجة

الغزال بيتصاد عادى ويتاكل ... وبيقولوا إنه من ألذ اللحوم

الجميل في الموضوع ده بقى إنه عرف يروض فهد بالطريقة دي ، وإن الفهد مسك الغزالة بس مموتهاش لحد ما صاحبه جه دبحها تبع الشرع

قتل الانسان ما أكفره
قران كريم

حديث فى ما معناه وقت الذبح او القتل فى الحرب
فى الذبح يكون بسرعه والسكين حاميه جدا
وفى القتل فى الحرب ضربه واحده فقط

اما هذا فيتعدى الانسانيه فهو فوق القسوة والعنف وسيحاسب على هذا

زعلان منك جدا يا بسكوته

الصيد بواسطة

بالكلاب أو الوحوش أو الصقور حلال وربنا حلله

المشاركة الأصلية كتبت بواسطة mohmd76

قتل الانسان ما أكفره
قران كريم

حديث فى ما معناه وقت الذبح او القتل فى الحرب
فى الذبح يكون بسرعه والسكين حاميه جدا
وفى القتل فى الحرب ضربه واحده فقط

اما هذا فيتعدى الانسانيه فهو فوق القسوة والعنف وسيحاسب على هذا

زعلان منك جدا يا بسكوته

لأ أنا أختلف معاك يا باشا

الموضوع مفهوش أي عنف ... ربنا خلق حيوانات مفترسة بتتغذى على حيوانات تانية ضعيفة

والطبيعى إن الفهود والنمور والأسود بيتغذوا على الغزلان ، وطبعا ً ربنا سبحانه وتعالى الي وضع النظام الكونى ده ، وإحنا مش هنكون أحن على الكائنات دي من ربنا ، هيا دي سنة الحياة

فكل الي حصل في الموضوع هنا إن الإنسان روض الفهد ده ، خلاه يصطاد الغزالة وبدل ما يقتلها وياكلها ويبقى لحمها حرام على الإنسان ، استنى صاحبه لحد ما جه ودبحها