ساكون معكم خطوة بخطوة ان شاء الله
تقييم ..وصف ..اختبار ..رأي .. مميزات .. عيوب ومشاكل
واتمنى من اهل الخبرة التواصل ...للحصول على نصائحهم القيمة ..والاجابة عن اي سؤال او استفسارلهم , و ستكون الاجابة عليه عن طريق التجربة العمليه وذللك لتوضيح التقييم النهائى منهم على هذة السياة ورأي ذوي الخبرة و المهندسين المتخصصين في الحكم على (شيفورليه لانوس) ..وهل بالفعل اختلفت عن (دايو لانوس )سابقا ام انها نفس السيارة مع فقط اختلاف العلامة التجارية ..................!!
لا هى هى مع اختلاف الشبكة الاماميه والكاست بس وهى هى اطمن
اطمن يا بوس السيارة هى هى وشفنى الانوس الشفر الجديدة هىهى
انا متوقع كدة بصراحة
بس المهم ميتعبناش عم منصور
طب ايه رايك يا استاذ خالد في اللون
اي لون اشيك ؟
ربنا معاك ويوفقك واختيار سليم بالنسبه للفئه السعريه ديه
بالنسبه لموضوع اللون خليك فى الفواتح
سيلفر او لبنى فاتح
الالوان الفاتحة عموما بتستحمل البهدله ومش بيبان عليها
وكمان فى الصيف بتعكس الشمس شويه
الغوامق شيك اوى خصوصا الاسود
مشكلته بفى اى خربوش صغير بيبقى باين ويقولك انا اهو وتبقى مضايق
كمان الجو فى مصر مليان تراب
لو غسلت العربيه ومشيت بيها ساعتين ولا كانك غسلتها اصلا
بالنسبه للفرق بين دايو و شيفورليه
بصراحه معنديش معلومات اكيده
عم منصور بقى ان هتتعامل معاه عشان الضمان بس
خليك نعاهم لحد صيانه ال20 الف عشان تتطمن ان العربيه تمام و 100%
وبعد كده انا لو منك هاكبر دماغى من الضمان
لأن لاقدر الله لو اىة حاجة باظت بعد كده تمنها اكيد هيبقى اقل بكتير من اللى هتدفعه طول فترة الضمان فى الصيانه
وعموما كل قطع غيارها موجوده بره التوكيل وفى منها استيراد وكلو تمام
وربنا يوفقك
ربنا يبارك فيها ويكفيك شرها ويحفظها
مبروك عليك
انا معرفش ايه الالوان اللي موجوده
بس الابيض طبعا عمله نادره والالوان الفاتحه متنساش الشمس بتبقى عامله ازاي في الصيف
وبخصوص الفرق لايوجد فرق زي ما قالو الاعضاء
اختلاف العلامه التجاريه فقط
ياباشا ربنا يجعلها وش السعد عليك ويكفيك وشرها... والف والف مبروك.. بالمناسبة العربية دى هية عربية أحلامى...اصلى انا قنوع حبتين..:ask:
انا متشكر جدا
وانا اسف جدا لطول غيابي ولكن السبب كان مشاكل في النت عندي
المهم دا عاشر يوم ليا مع شيفورليه لانوس
العربية ما شاء الله جميلة جدا وفعلا جنرال موتور زادها جمالا من حيث التصميمات وبعض التغيرات الشكلية
نخش في التفاصيل
البنى يا بوس او السماو ى طبعا انا معى واحدة سماوى 2006 اللون مريحينى وشوف انت زوقك واسف لتاخير الرد
خبرنا استلمت ولا لا وخلى بالك من الحاجات اللى بتستلمها مع العربيه من كوريك واسبن وعدة وطاسات وشيك على كل شئ فى العربيه شغاله ولا لا
معلش لسه قارئ ردك الف الف الف مبروك وربنا يديك خيرها ويكفيك شرها اخبار السى دى ايه اللى منصور حاطه حلو ولا اى كلام يا بوس ونوعه ايه والف مبروك
الف مبروك يا بوسّ:k10:اقتباس:
المشاركة الأصلية كتبت بواسطة BOSsS
فين تفاصيلك :rfds::rfds:
كلام منطقى مقنعاقتباس:
المشاركة الأصلية كتبت بواسطة s m a r t m a n
+1111111111111111111111
ايه يا باشا طمننا العربيه عامله ايه معاك
مبروك مبروك
يا بوس الف الف مبروك يعطيك خيرها ويكفيك شرها ان شاء الله
اسف للتاخير ....
اهلا بكل من اداني اهتمامو
وجزا الله خير كل من دعالي بظهر الغيب وربنا يتقبل مني ومنكم كل الدعاء
نيجي للعربية
اولا العربية زي الفل ما شاء الله
وموضوع الشكمان وصوتو دة ....فعلا بيقل شيء في شيء ودة فعلا ملحوظ بالذات كمان وانا ع الرابع او الخامس
انا يا باشا اختارت الفيراني الميتالك والحمد لله مقتنع بيه تماما وفعلا لون عملياقتباس:
المشاركة الأصلية كتبت بواسطة khalid9411
ومش بيبان في البهدلة عن غيرو من الالوان
اميناقتباس:
المشاركة الأصلية كتبت بواسطة bika_2oo4
وعقبال ما تجدد يا جميل
اقتباس:
المشاركة الأصلية كتبت بواسطة khalid9411
ولا يهمك يا صاحبي
اولا الكاسيت ما ركتو (كين وود )kenwood
وفعلا ما شاء الله صوتو تحفة والراديو بتاعو فعلا جميل نظرا للاريال الخارجي اللي سمكو مش بطال وطولو مناسب جدا
وهوا فعلا سي دي
اما من حيث شكلو فهو ما شاء الله عليه جذاب جدا وخامتو ممتازة
لما اشتريت العربية كان راكب الكاسيت بس هوا بيسلمك وش الكاسيت تركبو بنفسك عشان تبقى اول واحد حطيتو يعني مش بيبقى الوش راكب
فاوعو حد ينسى يسال عنو عشان يستلمو
الف مبروك يا باشا
ربنا يباركلك فيها ويكفيك شرها
وياترى عربيتك فول اوبشن ولا هاف ؟؟
وسعرها كام؟؟
والافضل اشتري من التوكيل ولا من المعرض؟
اصلي ناوي اشتري شيفورليه لانوس خلال اسبوع ان شاء الله ومش عارف اجيبها منين؟؟؟
وجزاك الله كل خير
الف مبروك ربنا يبارك لك فيها ويكفيك شرها وعقبال البى ام
مبروووووووك العربية
اقتباس:
المشاركة الأصلية كتبت بواسطة aymandrugs
بص يا استاذياقتباس:
المشاركة الأصلية كتبت بواسطة aymandrugs
فعلا احب اعرفك ان فعلا اختارت الشخص المناسب اللي تسالو هههههههه
بقوللك كدة عشان فعلا انا عيشت مع المعرض ومنصور وياسين فوق الشهرين عشان كنت بدور على العربية
واحب اقوللك وباختصار شديد
اولا : المعارض:
ناس وناس .. يعني ناس ممتازين وبيراعو ربنا في شغلهم وناس نصابين ولاد تيييت عشان اهم حاجة المصلحة وبس ولو عرف ينصب عليك في الفلوس كلها هيعمل كدة
سعرهم في المعرض 71 الف جنيه وممكن يبعت معاك تاني يوم الاستلام واحد كدة يكون مدقدق في المرور عشان يطلعلك الرخصة ويعلقو النمر وبردو عشان يمص دمك ... والعربية هيا هيا الي في التوكيل متخافش وبالضمان وتابعة لمنصور فعلا ودي عن تجربة
ثانيا منصور شيفورليه :
طبعا انك تجيب العربية من فروع البيع بتاعة الماركة ..دي كويسة وبتطمن جدا عشان من سابع المتستحيلات ان يكون في عملية نصب او حتى تفكير في دة
سعر التوكيل 70 الف جنيه كاملة مكملة (هتقولي ليه الفرق بتاع المعرض .. ا1000 جنيه ) !!!
هقوللك مش عارف ..ممكن يكون احتسابا للفصال مع الزبون فتنزل نص او حتي الباكو كلو وبكدة ميكونش خسران وضامن ربحو مليون المية عشان هوا اصلا كسبان حتى لو باع على 70 عشان السعر التجاري اللي هوا دافعو 69 الف و300(ودي معلومة حقيقية و من نسيبي كمان ) مش اقل من كدة
وطبعا كلامي دة كلو عن الفول اوبشن وفي الاخر هقوللك سعر الاتنين ).............
وبردو من الفروق اللي بين التوكيل والمعرض
اللون ...!
يعني مثلا لما كنت بشتري لفيت كل فروع منصور كلها حتى اللي في الفيوم ! وملاقيتش غير السود والكحلي وعشان تستنى الطلبية الجديدة ونزول الالوان المتنوعة فيها شهرين على الاقل .. بحيث اني كنت بلاقي في معارض برة الوان اكتر بكتير ممكن تلاقي معرض في 4 الوان والتوكيل مفيهوش غير اسود
وخاصة في الصيف واول الشتا عشان انت عارف طبعا معناه العربية السودا مع التراب ومع اي خربوش..فمحدش بيشتريه عشان مش كل شوية يغسل
ثالثا توكيل ياسين :
قمة في النضافة والشياكة في التعامل
ودي حقيقة فعلا انا لمستها بنفسي ..عشان انا في اخر المطاف واللي كان ربنا كاتبهولي اني اشتري من شركة ياسين للسيارات فرع مصر الجديدة
والله العظيم ودي شهادة فعلا اني استلمت العربية في نص ساعة بعد نفاذ والانتهاء من كل الاجراءات
وساعتها اي نعم محدش جابلي حاجة اشربها ههههه بس كفاية المعاملة
وسبب اني رسيت على دة هوا القدر اولا واني لاقيت اللون اللي انا عاوزو هناك
بس يا سيدي ادوني بيان كدة بكل الحاجات اللي مع العربية من وش كاسيت ومفتاحين للعربية ومفتاح وكوريك واربع طاسان للعجل ومفك حقير مسميونو (طقم عدة) بس عادي بسيطة:shyy:
وشوية بنزين فيها ميودكش مثلا من الاوضة بتاعتك للمطبخ بس عادي بقى بتبقى فرحان بقى ومش واخد بالك:khd:
وبيعرض عليك نوعين من السيارة سيارة بدون تلين (يعني ممشيتش خالص ) وانت تلين ..يا اما سيارة متلينة بمعنى انها ماشية 200 كيلو اتفتيح مستم المتور
وهوا دة اللي بقوللك علية من شياكة في التعامل حاجاتن بسيطة بس بيحسسوك بقيمة العربية و شغلهم كشركة مختلفة
ادوني العربية من غير ضمان ولما سالتهم ليه قالة لما بتطلع الرخة بتيجي بتستلمو ..اتخنقت وقلقت وقلت لنفسي هوا الحلو ميكملش ابدا .:T_thum1[1]:...بس احب اقوللك انهم والله هما اللي كلموني بعدها بتلات ايام وقالولي حضرتك خلصت الترخيص عشان تستلم الضمان؟؟؟ قولتلهم اه ..قالولو اتفضل شرفنا بكرة ع الساعة 6
وفعلا روحت واستلمتو فعلا وانا واقف بالختم وكتالوج العربية :36_3_10[1]:
بس يا سيدي .. والعربية زي الفل ماشاء الله ولو نصحتك لوجة الله فعلا انصحك بيها اكتر من الافيو كمان والاكسنت والفيرنا ..بقول دول عشان دول نفس الرينج ونفس الفئة بس والله فعلا اللانوس فعلا تكسبهم كلهم وعن تجربة لكل الماركات المذكورة
اخيرا
سعر شيفورليه لانوس...(هاف اوبشن) بور _ كاسيت شرايط _ سنتر 66,000
سعر شيفوليه لانوس...(فول اوبشن) بور_ كاسيت سي دس _ سنتر _زجاج كهربي ورا وقدام 70,000
وانصحك بالفول اوبشن لان الفرق بسيط والمتعة اكتر ..كفايه الازاز الكهربا عشان الاوكر دي متعبة جدا بالذات لما تيجي خلاص تركن او تطلع بيتك..مبتفضلش تلف عالعربية 5 مرات ولا كانك بتلعب رياضة عشان تأمن عليها
ولو عاوزتي اجي معاك يا باشا انت تؤمر والله جد ...وربنا ييسر للك الحال عشتن انا عارف ان الحوار دة يشغل حبتين
[marq="3;right;3;scroll"]
الف مبروك
[/marq]
ألف شكر للسيد BOSsS على هذا الشرح الوافى و النصائح الغالية أنا ماوى فعلا أبيع الشاهين و أشترى لانوس
ممكن تليفون و عنوان توكيل ياسين مصر الحديدة؟؟
شكرا
هل اسم التوكيل بالضبط :
المتحدون للتجاره و التوزيع - ياسين - Almotahedon for trade & distribution - yassien
القبه 7 ش السيد الميرغنى مصر الجديده
24513873 - 24513872 - 24513871 - 24526685 - 24526684
النزهه 258 حى الملتقى العربى دور الاول شقه 1 مصر الجديده
29221606 - 29221605 - 29221604 - 29221603 - 29221602
محمول 18 شارع محمد فريد مصر الجديده
0123945000 - 0129009333
مصر الجديده 15 شارع محمد فريد مصر الجديده
22415300 - 22415700 - 22414108 - 22414106 - 22415139
الف مليون مبروك و برضوا اخويا جابها و بيشكر فيها
دا الموضوع ده قديم
عموما بالتوفيق أن شاء الله
للجميع
انا بفكر اجيبها و ابيع اللى معايا يا ابو احمد ايه رايك بس انا هجيبها استعمال 2005 او 2004 ايه رأيك
ياريت تشترى لانوس
وتبقى معانا على طول
على فكره أنا كان معايا أوبل
وورتنى الويل
وأنت عارف قطع غيار الأوبل عامله أزاى
لما بتفتح بقها
أما الانوس والنوبيرا
بشوية فكه من جيبك الصغير
بتلم أى مشكله
تقدر تقول
أن الانوس أو النوبيرا
هى ال504 بتاعة القرن الواحد والعشرون
العربية عندى زى الفل و مفيهاش غير موضوع الرشاشات ده و احتمال الماف بس محدش عارف يتأكد منه غير لما اغير الرشاشات و انا مش فارق معايا بس بحس ان اللانوس مش وسع و لا ثبات و لا قوة الأوبل يمكن عشان عربيتى 2000 سى سى و ربنا المستعان و شفلى حل فى موضوع الرشاشات ده بدل ما اركب خرطوم و عليه باشبورى زى بتاع المية و العربية و انا ماشى اشد بنزين و ارش جواها شوية و خلاص
طيب ماتحل رشاشاتك ونعمل جوله فى الحرفيين
وتشوف زيها بنفس المواصفات من عربيه أستيراد
وأتفق مع البائع على أنها تحت التجربه
وأعتقد تمنهم مش حيكون كتير
بكتيره 250 ج
بس أهم شىء تشدد على البائع بموضوع تحت التجربه
وممكن تروح بالعربيه عندهم
وتحل وتقارن وتركب وأنت واقف وتجرب موضوع السلانسيه اللى مش ثابت عندك دهوبالنسبه للجزئيه دىاقتباس:
بحس ان اللانوس مش وسع و لا ثبات و لا قوة الأوبل
جرب أركب النوبيرا
وأنت تشوف الأتساع والثبات
بصراحه أوسع من الأوبل اللى كانت معايا
وأنعم بكتير
بس غالية على فى الظروف الحالية و لما سأل على رشاشات الأوبل لقيتها ب 350 جنيه و عند كذا واحد فى الحرفيين و فيصل و مدينة نصر كأنه سعرها اللى نازل عليها من بره
السلامة عليكم و رحمة الله و بركاته
مبارك عليك
والف والف مبروك
هو الكاسيت بريموت و لا عادى