انا متشكر جدا يا جماعه....كل يوم بيعدي فعلا بيثبت ان شباب منتدي nilemotors احلي شباب
عرض للطباعة
انا متشكر جدا يا جماعه....كل يوم بيعدي فعلا بيثبت ان شباب منتدي nilemotors احلي شباب
حبيت أزود على كلام الشباب معلومة بسيطة وهي أنك لو بتفكر في التربو بصراحة وبمنتهى الأمانة لسه تعديل الأجزاء والمكونات الداخلية للسيارات في أسكندرية مش واخدة حقها وبالتأكيد الحرفيين أفضل ولكن عندنا أماكن تعديل للأجزاء الخارجية من السيارة زي ما تحب وبنافس فيها القاهرة وعندنا أساتذة تركيب خد عندك فيبر - سبويلرات - جنوط - أي حاجة في الفرامل - بوجيهات - أي شغل فوانيس وأضاءة - فلاتر دي حاجات ممكن تركبها في أسكندرية وأنت مطمن تماماً أما تيربو أو سوبر تشارجر أو أي تعديلات مكونات داخلية فأعتقد الحرفيين أفضل ولو في ناس في أسكندرية ياريت أي حد من الشباب يقولي ويصححلي المعلومة وأنشاء الله تظبط عربية حلوة .
فى بردو محلين فى tuning zone & mins والمحلين ممتازين انا اتعاملت مع tuning zone وبصراحة المحل فية شوية حاجات صايعة انا جبت من عندة شوية حاجات خفيفة كدة انوار وكدة بس هو بردو غالى حبة واى شغل بيعملوا فى العربيات وعندة مكن 2000 سى سى وحاجات كتير اوى والناس الى هناك فاهمة كويس ومطلعين عربيات top فى الاسكندرية
Mines
فى العصافره متفرع من شارع 45 برده عنده حاجات شديده
بص انا عامل شغل عند اوزو ممكن ياباش تقولى كنت عامل الشغل عند اوزو بتكلفة كام
انا عايز اعمل شفة رفيعة تحت الاكصدام الامامى والخلفى وعتب وفية فبرة كدة رفيعة بتركب على الفانوس من فوق وممكن اعمل الشبكة اطار فيبر وفى الفراغ فى النص سلك فضى
معلش عايز تفصيل منك للموضوع دة عشان انا هنزل اعمل الشغل دة ان شاء اللة كمان شهر ومعنديش فكرة عنة كفاية وعشان ميتعملش عليا شغل ويكون جميل منك ومش هنسهولك
في ناس تمام في المطار كمان على أيدك اليمين بعد ماتعدي من قدام المطار في سور طويل في فتحات ممكن تسأل فين الناس اللي بيعملوا فيبر شغلهم عالي ونظيف وبالنسبة للسعر أنا هقولك أنا عملت شغل عندهم بكام وأنت تحكم كنت عامل عتب فيبر ب 400 جنيه حاجة فخمة وشغل 100% شوف بردوا الأسعار وقارن يعني خدلك يوم لف على بتوع الفيبر وأعرف أحسن سعر وأنظف شغل والفرق أنت أولى بيه تحطه في حاجة تانية وربنا يوفقك .
شكرا يا باشا على التوضيح
وال400 كان سعر العتب بس ولا كنت عامل حاجة تانية بس انت لو كنت عامل العتب بس يبقى ممكن الحاجات الى عايزها تعمل حوالى من 1500:1000 بس فية حاجة انت الى بتختار شكل الفورمة ولا عندهم فرم معينة يعنى لو معايا شكل فورمة معينة هيأدر يعملها ولا هختار من الى عندة وشكرا يا باشا