عاوز اعرف كل مميزات وعيوب البيجو 407 وايه الفرق بين الماتور الديزل والبنزين وياريت لو حد عنده العربيه الفخمه دي يرد عليا؟:_Alshmokh22[1]:
عرض للطباعة
عاوز اعرف كل مميزات وعيوب البيجو 407 وايه الفرق بين الماتور الديزل والبنزين وياريت لو حد عنده العربيه الفخمه دي يرد عليا؟:_Alshmokh22[1]:
إيه يا جماعه محدش عنده رد؟
بص يا سيدي الفرق بيمن الموتور الديزل و الموتور النزين في في السعر شاسع
حيث ان الموتور الديزل السياره تباع في مصر بسعر 185 الف
1600 سي سي ديزل 110 حصان و عزم 240 نيوتن
و بتكنولجيا hdi الشهيره المتميزه بها بيجو فقط في العالم كله
اما البنزين
فهي
2000 سي سي 135 حصان 230 نيوتن و السعر يقترب من ال 270 الف
و الكماليات كثيره جدا جدا
انا متشكر يا نور باشا وكنت عاوز اعرف البينزين ليه قطع غيار ولا لا ؟ اصل انا سمعت انه موش بينزل مصر
لا يا باشا ملوش قطع غيار في مصر بس بتيجي بالكلب بس بيني و بينك الديزل احسن تعالا نحسبها بالعقل وحده وحده ماشي
1- الديزل 1600 يعني ضريبه اقل من ال 2000
2- الديزل 1600 يعني اتهلاك اقل للوقود عن ال 2000
3- الديزل ال 1600 يعني عزم اعلي من ال 2000 سي سي و اعلي من اي عربيه 1600بنزين في مصر
4- اليزل سعر لتر السولار 1.10 قرش اما ال البنزين فسعر النزين ال 92 هو 1.85 قرش معا فرق الاستهلاك طبعا
و بصراحه كده الناس في مصر بتتكسف انها ركبه عربيه ديزل يعني طيب ايه المشكله يعني لو جيت قارنتها بحاجه هتلاقيها بتتقارب بعربيات فخمه جدا و ممكن تتفوق عليها كمان
زي الباسات و المرسيدس c180 و bmw 318 i و سكودا اكتافيا و اوبل كورسا
يعني عربيه قمه الفخامه جدا
و المستقبل في السولار مش في البنزين و الدليل
ان دلوقتي كل اوربا بتتجه لاستخدام السولار بسبب بدا قله وجود البنزين
و ال 2 فيهم نفس الكماليات معا فروقات بسيطه لصالح ال 2000 سي سي
و ربنا يوفق
انا لا أمانع فى إنى أشترى سيارة تعمل بالديزل
بس السؤال اللى مش لاقيلوا إجابة!!!!
هل الديزل اللى مصر يصلح لسيارة حديثة و حساسة زى البيجو 407؟
حتي الآن....لم أري سيارة بيجو 407 ديزل بدون دخنة هباب طالعة من الشكمان...ولا العشش الترامكو
حاجة تقرف يعني...أبقي دافع الشئ الفلاني في العربية و في الأخر الناس تقعد تتريق عليا من الهباب اللي خارج منها و ألوث البيئة كمان!
ده غير طبعا ان العمر الإفتراضي للموتور هايقل
هي حاجه تحير واللي انا بستغربله السوق المصري ليه اتجهات غريبه يعني مثلا تلاقي عربيه فخمه جدا وللاسف ساقطه في السوق لان محدش بيطلبها وعربيه تانيه زباله وللاسف تلاقيها ناجحه والطلب عليها كل يوم بيزيد واكبر دليل علي كده السيارات الهيونداي انا عمري ما اعترفت بيها ولا هعترف بس اي عربيه جديده بتزل من الهيونداي تلاقي عليها الطلب ومنتشره في شوارعنا دا طبعا لان شعبنا الكريم بيحب الاعلانات ههههههههههههههههههههههههه هههههههه
انا موش بحب غير الماركات اللي هي بدات من اوائل التسعينات زي الفورد والبيجو حبيبت قلبي والفيات وطبعا مرسيدس
ولو عاوزين نعرف مين احسن ناس تختار وتركب وتفهم في العربيات هما موش بعيد عننا دول جمبنا اخواتنا في قارة اسيا رغم انهم معندهومشي نسبة تعليم وثقافه زيينا الا انهم متحضرين جدا وبيركبم ماركات احنا عمرنا ماشوفنها ولا يمكن سمعنا عنها حتي ومطلوبه جدا في سوقهم زي الكاديلاك اللي مالهاشي توكبل في مصر اصلا وانا في راي دي افخم عربيه في العالم وافخم كمان من المرسيدس والبي ام اللي طالعنلي الناس بيهم السما في مصر والله شعبنا غلبان لو شاف البوجاتي ولا اللامبورجيني هتجلوا صدمه من العجل اللي احنا بنركبه وانا اسف لرايي اللي يمكن البعض يزعل مني فيه بس دا عن تجربه احنا اعدنا في سلطنة عمان حوالي 5سنين وكانت من اشهر الماركات الموجوده هنا هي الكاديلاك والبيجو والتيوتا بس موش الكورولا لا الكامري والكرونا والكريسيدا وشكرا
اه قبل ما انسي احب اشكر نور باشا علي معلوماته الجميله بس فيه جمله انا موش فاهما في كلامه (بتيجي بالكلب) ياريت يصححهالي ومشكوووووووووووور يا باشا
( بتيجي بالطلب )
مش بتيجي بالكلب
بس هي ال ( ك ) جنب ال( ط )
اسف يا باشا علي الغلطه هي فعلا بتيجي بالطلب
و تعلا نتكل شويه عن الذيزل في مصر
هو فعلا الديزل في مصر وحش بس مش كله
يعني مثلا مهو فيه بنزينه فيها بنزين نضيف و بنزينه تانيه فيها بنزين مضرووب
كل حاجه فيها الكويس و الوحش و كله برده من نفس المنبع بس فرق اضفات و تنقيه و حجات تانيه
و بالنسبه للسولار النضيف
لوقتي عندنا في مصر انضف سولار تاخدو من بنزينات شل و وطنيه و وطنيه قريب جدا هتبقي هي الكل في الكل
و احنا كلنا عرفين انها تبع الجيش يعني اوامار و تعليمات و شغل عالي جدا
و بالنسبه لو انت خايف فعلا من الديزل
عندك ال 308 بنزين ال 120 حصان الموتور المصنع بالتعاون معا بي ام دبليو
و فيها امكانيات رهيبه جدا
و يا باشا لا شكر علي واجب احنا اخوات و اسف علي الخطا الكتابي مره اخري
انا أتفق معاك يا نور إن أكيد فيه ديزل نضيف فى مصر
بس نسبته قد إيه؟
يعنى من كل كام محطة هتلاقى واحدة بتبيع ديزل يصلح للسيارات الحديثة؟
و برضه انا معاك ان فيه محطات بتغش البنزين
بس فى الآخر مش بتغشه بالصورة اللى تخلى عربية تطلع دخان من ورا و يبقى شكلها يكسف
و برضه هتلاقى بسهولة محطات مضمونة
انا مش عايز أعقد الأخ اللى بيسأل عن ال407 فى العربية
بس قبل ما تشتريها إتأكد كويس من المحطات المحترمة اللى تقدر تحط من عندها و انت مطمن
و فى الآخر العربية تحفة بكل المقاييس
يا جماعة العربية دي مش هتمشي لان السولار في مصر زبالة الزبالة عشان كده الموتور هيحتاج صيانة تقريبا علطول لما السولار يزبطوا ممكن ساعتها تسال هي ليه مش ماشية
انا متشكر جدا يا نور باشا ويا tripleعلي التصحيح وياريت الموضوع ما يتقفلشي ولسه النقاش مستمر ديزل ولا بنزين؟؟؟؟؟؟؟؟
طيب انا ليا سوال و ياريت الكل يوافق عليه
اجيب عربيه ملهاش قطع يغار في بلدنا ولا اجيب عربيه ليها قطع غيار حتي لو هتتغير كل فتره ؟
و ثانيا
العربيه مش هيحصلها حاجه من الديزل غير الدخنه السودا الورا و مبتبقاش قويه كمان و ثالثا لو حصلت اي مشكاه هتبقي تنضيف رشاشات الديزل مش اكتر
و لا محاله من دخول سيارات ركوب تعمل بلديزل في مصر لان خلاص البنزين بدا يبقي علي مفيش و اسعاره بقيت عاليه
و المناسبه في اضافات بتتباع لتحسين اوكتين البنزين و السولار و حجات من دي
ف ده برده مش هيخلي التاثير عالي يعني
و الاكتر و الاكتر ان استهلاك الوقود في ال ديزل 350 كام في الصفيحه
و 260 كم داخل البلد في الصفيحه فا عيزين ايه تاني والله لو مايه يبقي ببلاش
و الكل هيقول يا نور انت متحيز للديزل ليه ارجع و اقول
1- الاستهلاك المثالي للو قود
2-توافر قطع الغيار
3- ضريبه اقل من ال 2000 سي سي
4- من اقوب المواتير الصنعهتا بيجو في الديزل يعني كل خبرتها في الموتور ده
و اعتقد دي كفايه جدا ولا ايه رايكم
و برده لو فعلا مش هتقدر توفرلها الديزل الكويس او الاضافات المساعده
يبقي احسن حال ال 308
يا جماعه أنا متهيألي أن الشركه عامله حساب حاجه زي دي
وأكيد فيه فلتر زي فلتر البنزين ينضف السولار قبل ما يدخل علي الموتور و يتحرق
دا اكيد وممكن كمان يكون مختلف عن بتاع البنزين بحيث ينقيه كويس ياريت لو حد يقدر يتاكد من الموضوع ده او الاحسن يسالنا احد ملاك ال407
واحد أعرفه هنا لما نزل مصر صاحبه جه خده من المطار بعربيه 407 diesel وسفرم بيها اسكندريه .
طول السكة الكمبيوتر كتبله رسالة "water in engine "
الكلام ده من كم شهر . أحسن حاجه عشان تتأكد أسأل حد معه العربيه دي .
أنا عارف إن كل المرسيدس اللي نزل diesel من سنتين كان كل شهر في التوكيل عطلان
عشان تسال احد ملاك ال 407 لازم تعمل زياره حاطفه للتوكيل
و شوف اصحاب ال 407 و تتكلم معاهم و تشوف رائهم
و مناسبه الديزل و النزين ما مفيش عربيه كامله
و كله بيعطل بس البعطل في العربيات العاليه دي هي الحساسات مش حاجه داخل الموتور