تغريم شركة «أبوالفتوح» للسيارات ٢٠٠ ألف جنيه بسبب «عيوب» سيارة

تغريم شركة «أبوالفتوح» للسيارات ٢٠٠ ألف جنيه بسبب «عيوب» سيارة

كتب أحمد شلبى ١٧/ ٥/ ٢٠٠٩غرمت المحكمة الاقتصادية حسن حسام أبوالفتوح، رئيس مجلس إدارة شركة «دايو موتورز إيجيبت»، ونبيل يواقيم عبدالمسيح، مدير عام الجودة والإنتاج بالشركة، مائة ألف جنيه لكل منهما، لثبوت وجود عيوب فى إحدى السيارات من إنتاج الشركة.
كان أحد المواطنين قد تقدم بشكوى إلى جهاز حماية المستهلك، بشرائه سيارة إسبرانزا من الشركة، واكتشف عقب استخدامها وجود عيوب فى التكييف وأماكن الدواسات و«تخبيط» فى العفشة، ورغم قيامه بالصيانة للسيارة بمركز خدمة الشركة أكثر من مرة، فإن العيوب لا تزال موجودة.
وقال جهاز حماية المستهلك إنه قام بالتأكد من صحة الشكوى من خلال إحالة السيارة لمركز الاستشارات الهندسية بكلية الهندسة، بجامعة عين شمس، والذى أكد أن السيارة تحتاج لتغيير لأن العيوب الموجودة بها غير مقبولة، وأن السيارة غير سليمة وتقع مسؤولية العيوب على الشركة المصنعة.

المصدر ايه ؟؟؟
للمصداقيه

يا ريت مصدر الخبر
وبجد لو صح ، يبقى عمار يا مصر ، ويبقى انتصار للمستهلك

http://www.almasry-alyoum.com/articl...6&IssueID=1408

[warning]This is what you get when you buy a chinese car[/warning]

[warning]This is what you get when you buy a chinese car[/warning]

[warning]This is what you get when you buy a chinese car[/warning]




:majd(4)::beatdeadhorse5:

السلام عليكم ورحمة الله وبركاته

والله كنت خلاص إقتنعت بالإسبرانزا 100% وكنت حاجيبها خلال أيام قليلة عالزيرو

وكنت كل ما أشوف حد بيشتكي منها احاول أعمل نفسي مش شايف وأقول ...صدفة ....حظ

ولكن الصراحة الموضوع فيما يبدو أكبر من كده

ومش معني كده إن السيارة دي وحشة 100% ولكن الواضح إن نسبة الإنتاج التي بها عيوب صناعة كتيرة وخطيرة
يعني فرص أني أقع في واحدة منهم كبيرة

والأهم واللي لفت نظري جدا دور التوكيل الإحتكاري لقطع الغيار المبالغ في ثمنها والمقصورة عليه فقط وده للأسف غباء شديد منه لأنه كده بيدمر نفسه وإسمه قبل ما يبدأ يعني بالإجبار لازم تجيب من التوكيل وبأسعار أضعاف الطبيعي في الياباني مثلا وطبعا مش كل الحجات بس في حجات حيوية جدا وحاجة تانية كمان مهمة أوي اوي وهي مدد الصيانة الدورية المفروضة معدلها أكثر من اللازم وتكلفتها عالية جدا جدا علي العربية دي زي ما شفت من كتير من الأعضاء اللي شرحوا ده ودي حاجة لا يمكن إغفالها لأن ده حمل شديد علي المشتري ولصالح التوكيل طبعا ولأن معايا لانسر ومش بادفع كده خالص.

وبعدين سمعت من أكثر من واحد بيشتكوا من مشاكل حيوية والتوكيل بيتنصل من تحملها

لذلك الحكم اللي صدر السبت من المحكمة الإقتصادية كان هو الفيصل لي بأن أخد قرار بإلغاء فكرة الإسبرانزا نهائيا بعد ما كنت خلاص مش متخيل إني ممكن أعيش من غيرها

ولأني عملت إستخارة أكثر من مرة وبعد ماكنت حاموت علي الإسبرانزا بقيت مش عاوزها

وفضلت أجيب أي حاجة ولو مستعمل 2005 أو 2004 حتي مش مهم أوي شوية كماليات زيادة

أنا مافيش بيني وبين مالكي إسبرانزا أي عداء بالعكس .. إنماباقول ده لأني ببساطة إتخيلت نفسي مكان أي واحد وقع في مطب عيوب الصناعة ومش عارف ياخد حقه ... صراحة ممكن أموت فيها

تقبلوا شكري ومعذرة للإطالة ومعذرة لكل من معه إسبرانزا شغالة تمام معاه وبدون مشاكل وربنا يباركله فيها ويغنيه عن أي مشاكل

انت بتتكلم عن وجهة نظرك واختيارك

ومش من حق أى حد انه يحجر على رأيك بأى حال

ممكن نختلف ولكن هذا لا يفسد للود قضية

تقبل مرورى وتحياتى

بالمناسبة بعد الحكم اعتقد ان ابو الفتوح حيراجع نفسة فى نظام جودة السيارة المنتجة لان السكة اتفتحت لاى واحد من مالكى السيارة وبها مشاكل لجهاز حماية المستهلك
وبالعكس انا ممكن اجيب سيارة اسبيرانزا بعد اللى حصل لان قرصة الودن دى حتخليهم يرجعوا نفسهم
وخلينا ننتظر الاخبار قريبا

دى كدة ملاك الاسبرانزا حيبقوا اغنيا""""""""

على فكره
الخبر ده في مصلحة كل مالكي الاسبيرانزا
لأن بعد كده الواحد ح يدخل عليهم في التوكيل وهو فاتح صدره ع الآخر
الخبر ده حلو مش وحش ابدا
بالعكس ، حسسني ان بلدنا لسه بخير وممكن يبقى فيها حماية مستهلك بحق وحقيقي
اما اخونا اللي عدل رأيه عن شراء الاسبيرانزا ، فده قراره ، واكيد هو ادري بمصلحته
انا واحد من الناس جبت اسبيرانزا بعد 7 شهور من البحث والتمحيص ، والحمد لله مبسوط منها جدا لحد دلوقت ، وبرضه صليت استخاره ودخلت المنتديات واخد رأي الناس ، وكلامك ده بيؤكد المقوله الشهيره
( لولا اختلاف الأذواق لبارت السلع )
انا بفكر ارفع قضيه على ابو الفتوح واقبض 200 باكو ، واجيب بيهم 4 عربيات 113 ، وارفع 4 قضايا ، وهكذا
كده ممكن ابقى ملياردير في كام سنه ؟؟ :):):)

انا شايف انه مش مقياس لو نظرنا شويه للشوارع حتلاقيها مليانه اسبرانزا

انا معيا اسبرانزا 2009 و جميلة مفيش فية شكوة واحدة والله جميلة ايميلي evramandbavly@yahoo.com للستفسار عن اي حاجة

السلام عليكم اخوانى مين قال ان اسبير انزا دى عر بيه دى مش ع ربيه
دى عامله زى الموبايل الصينى الجديد فيه كل حاجه تتمناها فى الموبايل بس مين اللى صنعه مين اليد المنتجه الاصيله ..الصين تديك الحاجه وبتقولك دى عمرها كذا انا كان معايا اسبير انزا قال ايه كل 5000كيلو اروح التوكيل ليه عشان يلصم الع ربيه يا جماعه العر بيه بتتفكك قبل كل 5000كيلو عشان كد ا بيقولك تعالى عشان نخليهالك تمشى كمان 5000كيلو يا جماعه انا كنت بخاف وانا سايقها دى مش ع ربيه عملت بيها 15000كيلو وبعتها وخسر ت 21000جنيه ور وحت وديتها للى اشتراها قدام بيته.....حسبى الله ونعم الوكيل فيك يا ابو الفتوح ويارب ماتخرج من السجن تانى

ابو الفتوح خرج من السجن على العموم........دعوتك ما استجبش لها
وبعدين موديلات اسبيرانزا الجديدة 2008 و 2009 حلوة ومبقاش فيها مشاكل كتيرة

عليه البيئه و التكيف و الكاسيت مشاكل متكرره
اسعار الصيانات الدوريه غاليه
قطع الغيار غير معمره
عربيه مش بتاعت شغل
غير ان التوكيل زحمه ومقرف و لما تروح فيه هتستني العربيه 7 او 8 ساعات
التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك
الفرع الرئيسي مفوش حجز يعني تروح من الفجر علشان تحجز دور بدري
صيانه ال 30 الف هتكلف 1700 جنيه
صندوق البيئه ثمنه 1200 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو