اقتباس:
المشاركة الأصلية كتبت بواسطة nile_storm
مش انا عملت حادثه النهارده l
قدر الله و ماشاء فعل
بس بجد الحادثه دي علي الرغم من صغرها و انها مخلفتش اضرار ماديه و جسمانيه الحمد لله لكن فتحت عيني علي حاجات كتير
ابدا موضوع بالحمد و الشكر لله سبحانه و تعالي انه طلعني بخير من الموضوع ده و ان الانسانه المسكينه الي صدمتها محصلهاش حاجه
النهارده الصبح و انا ماشي في الطريق ذاهب للكليه كعادتي و تشاء الظروف المره دي اني اكون ماشي علي سرعه معقوله " الحمد لله " و اذ بي امامي آنسه في حدود العشرينات تعبر الشارع شئ عادي الغريب انها لما رأت العربيه تسمرت في مكانها "عقلي مازال لا يهتم للوضع "
يدي علي اله التنبيه و الاخري تنحرف بالسياره جهه اليسار للتفادي مستفيدا من خلو الشارع تقريبا من السيارات و اذ بها تنفك فجأه من حاله التسمر لتندفع هي الاخري جهه اليسار عكست الاتجاه سريعا و اذا بها ايضا تعكس الاتجاه
شعرت انه لا محاله من الاصطدام سرعه العربيه مازالت متوسطه و المسافه تقل
دارت بعقلي الاف الاحتمالات
دار بلساني ان اصيح بها ابتعدي
و دار به ايضا ان اسبها لتصرفها الغريب من عبور الشارع من مكان غير مخصص للعبور اساسا " الاتيكيت اتنسي تماما في اللحظه دي "
قدمي تكاد تكسر دواسه الفرامل
يدي لا تعرف الي ايه تتجه بالسياره اليمين ام اليسار تنتظر ان يسعفها عقلي بالرد
و عقلي بانتظار شئ الهي ان يلهمه الصواب
اشعر كاني الذي علي وشك ان اصُدم و ليس اصدم
عقلي يدور فيها كشخص مالذي اربكها هكذا مالذي يحدث
و يدور فيما يحدث اذا صدمتها مستشفي محضر و خلافه
ماذا يحدث اذا حدث لها شئ قضيه و مشاكل و سجن
ماذا يحدث اذا ماتت
مستقبلي حياتي بل حياتها هي اساسا كمان
كل ده متوقف علي اربع عجلات هوا و عجله قياده
دار في عقلي موضوع قراته هنا من يومين عن كيف تتفادي اخطاء الغير
و الله بدون مبالغه كل ده في ثواني خرج الي ذهني
امتد يدي في اليه لتنحرف لاقصي اليمين لتصطدم بالعربيه " هي و ليس انا " اثناء اندفاعها لليمين "
لحظه صمت اعقبها فرملات كثيره من سيارات تاتي مسرعه و اذكر منهم سياره لادا كانت تقريبا ماشيه بالعرض من شده الفرمله
انزل رجلي لا تستطيع النهوض فعلا من الرعب و كالعاده فجأه الارض تنكشف عن الناس ليتجمعو حول الحادث
استعددت نفسيا لكلمات المعتاده من عينه " حاسب , مش تاخد بالك , هي حياه الناس لعبه حرام عليكو , ايه التهور ده , هو ابوك جابلك عربيه تدوس بيها علي خلق الله و كده "
لكن الحمد لله كانو ناس قمه في الاحترام احتووا الموضوع و تاكدنا جميعا من سلامتها و عدم وجود اي كسور عرضت عليها التوصيل لاي مستشفي او عياده او اي مكان تريده رفضت و الناس طمأنتني و قالولي اتفضل انت يا دكتور " الظاهر خدو بالهم من بادج العربيه " مفيش حاجه و حصل خير
حمدت الله علي رحمته بها و بي
التي لولاها لكانت هي في مستشفي او في مشرحه حتي و كنت انا في القسم الان
اثقلت دماغكم بخواطري اعتذر مره اخري بس مبحسش بالراحه الا لما اتكلم يمكن كلامي ده يفيد حد يوم من الايام و ربنا مايوريكم اي شر
احنا ماشيين علي حبه عجل فيه هوا لا تفرق فيه كوري من صيني من الماني من مريخي حتي
فالحذر اخواني
و اوعي تنسوا فضل ربنا عليكو و ستره عليك
هو الرحمن الرحيم
اللهم لا اله الا انت سبحانك اني كنت من الظالمين
الحمد الله ان البنت بخير وحضرتيك بخير فعلا احنا مشيين علي هواء ونفسي كل الناس البتسوق جديد تفهم كده وبلاش السرعه والغرز ولاكلام ده مره تانيه حمدالله علي سلامته يا دكتور
اقتباس:
المشاركة الأصلية كتبت بواسطة ahmedcar
لا الله الا الله الحمد لله على كل شيى و الله يا محمد كل اللى انت فكرت فيه و مشهد الحادث هو هو بالظبط اللى طلع فى دماغى و انا فى الحادث بتاعى بردوا عمال اقول قبل ما اخبط الراجل ياترى هايعيش طيب لو مات يبقى روحت فى داهيه
نفس المشهد فعلا اجيله يمين يجليى يمن اجيله شمال يجيلى شمال الحمد لله على كل شيى
حمد الله علي سلامتك يا احمد يا بني طب قولي ولا طمني عليك