ما هو افضل زيت موتور للهوندا, خصوصا الموديلات القديمة( 92 -97) ؟؟؟
عرض للطباعة
ما هو افضل زيت موتور للهوندا, خصوصا الموديلات القديمة( 92 -97) ؟؟؟
الزيت بيختلف على حسب كفاءة الماتور ودرجة احكامة يعنى لو الماتور حالتة اقل من 70% يبقى لازم زيت درجتة لزوجتة عالية لحد مايتم اصلاحة سواء بعمرة او نصف عمرة,لو الماتور حالتة فوق 70% يبقى هاتجيب زيت معدنى درجتة لزوجتة متوسطة ولو الماتور نظيف وحالتة ممتازة يبقى ممكن تختار مابين زيوت تخليقية او نصف تخليقية ودية بتحافظ على الماتور اكتر وبتهدى صوتة وتخلى استجابتة اعلى واسرع بس فى حالة لو الماتور نظيف غير كدة هتلاقى الزيت بيتاكل بسرعة
وانضف زيت تجيبة دلوقتى هية زيوت شيل جميلة جدا وبقت احسن من موبيل بكتير ,وبردة ناس بيشكروا فى وطنية وتوتال وامارات مصر بس انا مجربتهمش انا بقولك على انا بجربة وانا بستخدم زيت شيل الترا وبغيرة كل 7000 كيلو او كل 6 شهور لان ماتعودش الزيت يقعد اكتر من كدة فى الماتور عشان مايتفاعلش مع مكوناتة وتسبب مشاكل
وممكن تعمل بحث عن مواضيع الزيت هتلاقيها كتير قوى هنا فى المنتدى لانها مهمة جدا
الف شكر على المعلومات القيمة و على تعاون حضرتك, افادكم الله و جاك خير
عن نفسى بستخدم شيل الأصفر وبغيرة على 3000 كم وهو ماشى كويس معايا الحمد لله
طب ممكن اعرف من حضراتكم ايه نوع عربياتكم و ايه نوع المواتير اللى فيهم, انا لسه جديد فى الهوندا ولسه بدور على حد يساعدنى اظبطها كويس ( ميكانيكا و عفشة و كده) ربنا يكرمكم و يجازيكم خيرا
انا معايا سيفك sir ودية لازم ليها زيت درجتة لزوجتة خفيفة عشان يتحمل الحرارة الناتجة من الماتور ومايخفش بسرعة
اسف زيت ذات درجة لزوجة عالية عشان تبقى موجودة على اجزاء المحرك اطول فترة ممكنة
انا يا باشا ساكن فى المقطم, بس مفيش مشاكل اروح الحرفيين بس لحد بيفهم و اسعارة حنينة اهم حاجة, ميكانيكى و عفشجى, و ميرسى كتير لحضرتك
اشهر واحد فى الحرفين هو مسعد
بس يا ريت لو حد اتعامل مع حد تانى ولاقاه كويس يقولنا........