الموضوع: طنبورة الكرنك

أعتقد أن موضوعك مش محتاج الليله دى كلها ......[gdwl]والمشكله عندك منحصره فى تلف وردة المسافه الداخليه أوالخارجيه ( اللى قبل وبعد ترس الكرنك ).......أو محتاج تغيير خابور تركيب الترس على الكرنك ...[/gdwl].لأن تلف أى عنصر من دول حيعملك حركه جانبيه للترس على الكرنك الى حدما .......وبالطبع حينعكس هذا على طنبورة ترس الكرنك الخارجيه فى صورة رفه نتيجة تعرض الترس لحركه جانبيه مع دوران الكرنك........................

المشاركة الأصلية كتبت بواسطة samirayad

أعتقد أن موضوعك مش محتاج الليله دى كلها ......[gdwl]والمشكله عندك منحصره فى تلف وردة المسافه الداخليه أوالخارجيه ( اللى قبل وبعد ترس الكرنك ).......أو محتاج تغيير خابور تركيب الترس على الكرنك ...[/gdwl].لأن تلف أى عنصر من دول حيعملك حركه جانبيه للترس على الكرنك الى حدما .......وبالطبع حينعكس هذا على طنبورة ترس الكرنك الخارجيه فى صورة رفه نتيجة تعرض الترس لحركه جانبيه مع دوران الكرنك........................

واضح ان المشكلة كانت صعبه ومحدش متخيلها

انا قلت بردة اقولكم انا عملت اية للافادة

جبت طنبورة كرنك استيراد ب 150 ج
ترس كرنك و الوردة بتاعته ب 180 ج من منفذ بيع التوكيل فى جسر السويس
مسمار كرنك ب 50 ج بس انا مغيرتوش لان الميكانيكى قالى كويس

وغيرت كله و لاخظت ان لسة فى رفه صغيرة اوى اوى
ودة طبيعى فى العربيه دى
وادينى ماشى و بجرب بس شكلها كدة خير ان شاء الله

اية رايكم؟

مسمار كرنك ب 50 ج بس انا مغيرتوش لان الميكانيكى قالى كويس

تقصد الخابور اللى بيركب على عمود الكرنك والترس بيتركب عليه بكلمة المسمار دى

المشاركة الأصلية كتبت بواسطة samirayad

ياباشا الله يخليك ......أصلها مش بالنوع (لأن الفكره تقريبا واحده ).......وبنفكر مع الزملاء لعل فكرتنا تصيب .....

انا عندى الطانبوره الى راكب عليها سير التكيف والباور والدينامو فيها رفه خفيفه واحياناً سير التكيف بيولتوش فيها على خفيف هل فى خطوره والزاى اتأكد ان الرفه دى مش نتيجه بوش فى الطانبوره او الخابور يعنى لو اتفكت بيبان ان فى بوش لو موجود

انا عندى الطانبوره الى راكب عليها سير التكيف والباور والدينامو فيها رفه خفيفه

شوف يا أخى : كده حيكون عند حضرتك 3 طنابير بيلف عليهم سير واحد علشان يشغلهم زى النوبيرا عندى...................

_ وأى طنبوره علشان تدور الجزء اللى راكبه عليه زى طنبورة الدينامو مثلا ....بتكون راكبه على عمود الدينامو بخابور ( والخابور ده هو اللى بيأخذ الحمل اللى جاى للطنبوره وبيوديه لعمود الدينامو علشان يدور قلب الدينامو ).....ده تسلسل نقل الحركه (طنبوره_خابور _ العنصر اللى حدوره الطنبوره ).....

_ علشان كده لازم تحدد الأول أى واحده اللى فيها الرفه ......علشان تبدأ التعامل معاها ......

واحياناً سير التكيف بيولتوش فيها على خفيف هل فى خطوره

..فى الغالب حيكون اللى بيلطش فيها السير هى اللى فيها الرفه .....لأنها مش على نفس أستقامة الأثنين التانيين .....وبيحصل عليها بوش خفيف لبره وهى دايره مع المجموعه ( يعنى التلاته مع بعض ).............

والزاى اتأكد ان الرفه دى مش نتيجه بوش فى الطانبوره او الخابور يعنى لو اتفكت بيبان ان فى بوش لو موجود

جينا بقه للكلام الدقيق....................

_ بعد تحديد الطنبوره اللى فيها الرفه.........

1- حنزل السير من على المجموعه.....

2-حنحاول نحرك الطنبوره المعنيه للخارج والداخل بأيدينا (باليدين لبره وجوده ) وأكيد حنلاقيها بتيجى وتروح معانا ......

_ هنا بقه حنعرف أن العيب من الخابور نفسه أو مجرى الخابور داخل تجويف الطنبوره (وعلى حسب العيب بيتم تغيير الجزء التالف ....الخابور أو الطنبوره ) وفى الغالب بيكون الخابور ......

_ طيب ....لو كانت الطنبوره بتشتغل على رومان بلى (وحصل بوش وأحنا بنحركها لبره وجوه ) فى الغالب بيكون العيب من البلى .......................

_ ولو ليك أستفسار تانى .....أنا تحت أمرك (بس حدد مكان العيب بالضبط وحفكر مع حضرتك بدون شك )....على قدر أستطاعتى

المشاركة الأصلية كتبت بواسطة samirayad

تقصد الخابور اللى بيركب على عمود الكرنك والترس بيتركب عليه بكلمة المسمار دى

ايوة بالظبط
بس المسمار بيمسك الطنبورة و الترس مع الكرنك نفسة
وكل كام يوم بروح اقرط عليه الاقيه زى ما هو مبيحلش
بس الرفة لسة موجودة

تفتكر كدة الوضع اامن؟