عاوز كوريك....

**karmouty918** · 17-05-2009 12:49 PM

يا جماعة عاوز اجيب كوريك تمساح..اللي موجود في شارع دمشق كله صيني و ب 100 جنيه .. ياريت لو حد يعرف يدلني .

**ZALABANY** · 17-05-2009 01:15 PM

كل اللي في السوق صيني ولفيت التوفيقية كلها مافيش غير صيني

**karmouty918** · 17-05-2009 02:58 PM

طيب يعني اجيب الصيني ؟ اصلي بقلق اوي من الحاجات الصيني دي و حاسس كدة انه مش هايستحمل و اخرة رفعتين و يفييص..

**karmouty918** · 17-05-2009 03:01 PM

معلش كنت عاوز اعرف السعر كمان علشان حاسس ان 100 كتير عليه؟؟

**ZALABANY** · 17-05-2009 03:09 PM

بص يا باشا هو الكوريك التمساحه الصيني كويس وشغال عامة في منه مقاسين الصغير وده سعره 85 جنيه والكبير وده سعره 125 جنيه في التوفيقية وما تدفعش اكتر من كده في الاتنين

**karmouty918** · 17-05-2009 04:28 PM

طيب معلش هاتقل عليك ..هو ايه الفرق بينهم يعني اجيب دة او دة مش فارقه؟ ولا في فرق في العمر بتاعو؟
و شكرا يا باشا للافادة

**haysam2000** · 17-05-2009 06:13 PM

المشاركة الأصلية كتبت بواسطة karmouty918

طيب معلش هاتقل عليك ..هو ايه الفرق بينهم يعني اجيب دة او دة مش فارقه؟ ولا في فرق في العمر بتاعو؟
و شكرا يا باشا للافادة

الفرق فى الوزن يا باشا
فى الأغلب الصغير واحد و نص طن و الكبير اتنين و نص طن و عاده بيستخدم للسيدان بس انا جبتو و انا معايا هاتشباك علشان اضمن انه يستحمل انه يعيش مش اكترو جربه عند الراجل علشان انا جربت واحد و طلع مش بيكمل الرفعه للأخر
اتمنى انى اكون افدتك

**ZALABANY** · 18-05-2009 08:23 AM

المشاركة الأصلية كتبت بواسطة karmouty918

طيب معلش هاتقل عليك ..هو ايه الفرق بينهم يعني اجيب دة او دة مش فارقه؟ ولا في فرق في العمر بتاعو؟
و شكرا يا باشا للافادة

على فكرة هاتلاقي الاتنين مكتوب عليهم 2 طن بس الصغير لو عربيتك واطيه والكبير ده بيستخدم في الغالب للعربيات العاليه عن الأرض أو اللي حجمها كبير شويه لأنه بيبقى أرسى على الأرض أنا على فكره اشتريت الكبير لأني حسيته افضل مع عربيتي وهي تمبرا بس هو مشكلته في حجمه بياخد مكان شويه في الشنطه لكن الاتنين شغالين زي الفل