الموضوع: الكشف عن صفقة بين الحكومة المصرية والبهائيين لاستخراج بطاقات هوية

الموضوع لا يمكن إختصاره لبيان هوية
على العكس أنا لا أفضل أساسا كتابة الديانة فى البطاقة ومناقشته من هذه الزاوية مناقشة غير كافية

الموضوع فى حقيقته إعتراف بحرية تحريف الأديان وحرية إختراع الأديان وحرية إدعاء الوحى وتقنين ذلك ومحاربة من ينكر ذلك
وهذا ما يرفضه من ينظر للموضوع بعمق


----------------------------
وأرجو ألا يساء فهم تعليقى السابق الذى أدعو فيه للرجوع للنصوص الدينية وعدم الاكتفاء بوجهات النظر الشخصية

المشاركة الأصلية كتبت بواسطة sab3aawy

تعليقين بسيطين مش قادى اعدى على الموضوع من غير ما اقولهم برغم امنتاعى عن كتابة اى شئ فى الجتماعى من فترة طويلة

1- الدستور المصرى يعترف بثلاثة ديانات هى الاسلام والمسيحية واليهودية، وبرضه الدستور المصرى يقوم على حريه العقيدة، يبقى لدينا حل بسيط جدا لا يخالف الدستور ولا يضع بيانات مضللة فى البطاقة الشخصية (احنا هنا بنتكلم عن بطاقة هوية ، يعنى مسألة مدنية دستورية بحته) ، يعنى ايه المشكلة ان يكون المصرى امامه اربعة خيارات لخانة الديناة فى البطاقة وهى: مسلم او مسيحى او يهودى او تترك الخانة فارغة، لانه اذا كانة خانة الديانة فى البطاقة هدفها ان اعرف الانتماء العقائدى للشحص اللى قدامى يبقى ليه اشوف فيها بيان كاذب، واحد مكتوب فى بطاقته انه مسلم او مسيحى وهو لا مسلم ولا مسيحى يبقى ليه اقرا فى بطاقته بيان مضلل وكاذب، اما اذا كانت خانة الدين لا تعبر فى الواقع عن انتماءات الكثير من المصرين لأن ياما ناس مكتوب فى بطاقتها اديان وهى ابعد ما تكون عنها والدين فى القلب لا البطاقة، يبقى احنا ليه واجعين قلبنا على بيان لا يعبر عن واقع الحال فى كثير من الحالات، لا ارى من الحصافة فى شئ الاصرار على نسب ناس الى فئة ليسو منها ولن يكونوا منها

2-مسألة حد الردة، لن اخوض اصلا فى تفاصيلها ووجوبية تنفيذها حتى لا افتح على نفسى ابواب جهنم، لكن حد الردة-حتى لو فرضنا انه واجب التنفيذ-لا ينطبق على هؤلاء، لأنه-على فرض وجوبيته-ينطبق على من بدل دينه، وهؤلاء لم يبدلوا دينهم لكنهم ولدوا ليجدوا انفسهم بهائيين مثلما ولدت انا وانت لنجد انفسنا مسلمين ومسييحين، وكون الحكومة من البداية اعطت لهم الجنسية المصرية فهذا يعنى انهم (مؤتمنون) لأن بطاقة الهوية المصرية هى بمثابة عهد بين الحكومة وبين من يحملها بأنه مؤتمن فى مصر له ما لأهلها وعليه ما عليهم، اما حقهم علينا كمسليمن فهو ان نؤمنهم ، وفى نفس الوقت ندعوهم للاسلام،فاذا قبلوا دعوتنا فبها ونعمت، واذا لم يقبلوها فهذا لا يخل بالمعاهدة التى تحفظ عليهم امنهم وحقوقهم والمتمثلة فى الهوية المصرية،

3- متى يحق لنا ان نواجههم، اذا اخلوا بشروط العهد اللى بيننا وبينهم-والمتمثل فى الجنسية المصرية- يعنى عملوا لخدمة اى عدو او لاثارة القلاقل او لقلب النظام ...الخ، او اذا تجاوزوا حدودهم فى حق مقدساتنا او سعوا لاستقطاب اى افراد من المنتمين لدياناتنا. لكن طول ما ده محصلش وطول ما هم ما اخلوش بالتزامات الجنسية المصرية يبقى بيننا وبينهم عهد ملزم لا نستطيع التراجع فيه ، وإلا مكانوش خدو الجنسية المصرية من الأول من يوم مولدهم ، لو البلد مش عايزة البهائيين يبقى نعلن انه من الآن فصاعدا اللى هيتولد بعد الاعلان ده عليه الاختيار عند بلوغ السن القانونية بين الديانة البهائية والجنسية المصرية، فيما معناه ان النظام لن يتعاهد مع افراد جدد، لكن لايجوز تطبيق هذا بأثر رجعى لأنه يعتبر اخلالا منا بالعهود وهو ما نعيبه بشدة على شعوب اخرى ندرجها فى قائمة الاعداء

المشاركة الأصلية كتبت بواسطة dr_ahmed_abdelghany

الموضوع لا يمكن إختصاره لبيان هوية
على العكس أنا لا أفضل أساسا كتابة الديانة فى البطاقة ومناقشته من هذه الزاوية مناقشة غير كافية

الموضوع فى حقيقته إعتراف بحرية تحريف الأديان وحرية إختراع الأديان وحرية إدعاء الوحى وتقنين ذلك ومحاربة من ينكر ذلك
وهذا ما يرفضه من ينظر للموضوع بعمق


----------------------------
وأرجو ألا يساء فهم تعليقى السابق الذى أدعو فيه للرجوع للنصوص الدينية وعدم الاكتفاء بوجهات النظر الشخصية

استاذ سبعاوي اسمحلي اختلف معاك في الرأي وده مايمنعش احترامي ليك وتقديري لمجهوداتك وخبرتك الفنية العالية جداً
لكن بالنسبة للموضوع ده احنا مانقبل انه يعيش وسطينا ناس بألفوا دين من دماغهم ما انزل الله به من سلطان واحنا لو سمحنا بكده ممكن تلاقي الصبح واحد الشيطان لعب في دماغه وقال لك انا هعبد اي حاجة بئا ونسمع عن حاجات غريبة ويطالب بحقه الدستوري في المواطنة - اي حق البلد دي سكانها مسلمين ومسيحين ويهود وغير كده عمرها ماسكنت اي واحد له ديانه تانية ان صح التعبير باسم (ديانه)لانها افتكاسة مش ديانة وخصوصاً البهائية لانهم بيتشبهوا نفسهم بالمسلمين يعني مثلا مش البوذيين ولا المجوس واضح طقوسهم ومافيهاش حاجة قريبة من المسلمين - لكن الزفت البهائيين بيقولوا ان هما مسلمين
وانا مع حضرتك ان المفروض ماتتحطش خانة الديانة في البطاقة الا اذا اعتبرنا انها بتتحط لاسباب امنية

على فكرة يا جماعة الناس اللى بتقول إن فكرنا المتخلف فى عدم تقبلنا للرأى الآخر هو سبب تخلفنا عموما عن العالم المتقدم تقرا الموقف اللى جاى: فى نهاية التمانينات إدعى أحد المواطنين الأمريكان إنه نبى و بدأ بدعوة الناس لدين جديد ما ذكرش تفاصيله فى الخبر و حوكم و أعدم من قبل الحكومة الأمريكية.
يمكن ناس ماتصدقش الخبر لأنى للأسف ما بقاش عندى دليل عليه لأنها كانت من صحيفة أمريكية قديمة جابها والدى بنفسه و هو راجع من بعثة هناك و كان بيتسلى فيها مش جايبها مخصوص للخبر ده من الأساس بس هو اللى لفت انتباهه و عمرنا ما قدرنا ننساه.
ده جزاء اللى يدعى النبوة فى دولة يقال عنها إنها كافرة برأى الناس فما بالكم بدولة مسلمة.
و الناس اللى قالت من حقهم اديهم حق المواطنة اللى طالبينه بكرة نلاقى عندنا مجوس و بوذيين و غيره ناس كارهة دينها و بتغير.
ناس عايزة تهرب من فرائض أو عادات و أوامر دين معين فيغيروا دينهم مادام الموضوع سهل و مافيهوش مشكلة و كلنا شايفين إن فى الدين الواحد ناس بتغير مذهبها بمزاجها عشان تقدر تاخد حق مدنى ممنوع فى مذهبه

انا شايفه ان تمييز الملحد عن المسلم والمسيحي واجب وده في مصلحتنا سواء مسلمين اومسيحين
اكبر اهانه لهم ترك الخانة فارغه زي دماغهم وعقديدتهم الفاضية
مش كدة افضل من انه يتكتب في الديانه مسلم او مسيحي ونختلط بيهم وياثروا على عقيدة النشيء ويدخلوا بيوتنا ويتزوجوا بناتنا وهنا الكارثة الحقيقية

المشاركة الأصلية كتبت بواسطة dr_ahmed_abdelghany

طالما لا توجد قاعدة مدنية أو قانونية لمحاربة الكفر والزندقة فسنسمع الكثير من محكمى العقل والمنطق فقط دون الرجوع للنصوص الدينية

الموضوع من وجهة النظر الاسلامية واضح جدا

طبعا واضح جدا جدا

دبح دبح ياعم الحاج! مش كده؟

على فكره هى دى نفس وجهة نظر جورج بوش برضه, وسبحان الله, كان برضه متدين قوى, بس هو بقى كان بيخلص

دا انتوا خليتونا مسخرة العالم ياشيخ

مين العالم اللي حضرتك بتتكلم عنهم دول !!!
ياريت كان في تطبيق للشريعة الاسلامية بجد في كل حاجة مش بس في الردة مكنش بقه حالنا كدة