السلام عليكم يا اخواني
اخيكم من الاسكندرية و اريد الذهاب بأذن الله الي شرم يا ريت تساعدوني بوصف تفصيلي لكيفية الذهاب و يا ريت كمان المسافة بتاعة كل طريق و شاكر جدا لاهتمامكم
عرض للطباعة
السلام عليكم يا اخواني
اخيكم من الاسكندرية و اريد الذهاب بأذن الله الي شرم يا ريت تساعدوني بوصف تفصيلي لكيفية الذهاب و يا ريت كمان المسافة بتاعة كل طريق و شاكر جدا لاهتمامكم
لو طالع بدري (6ص) أفضل القاهرة الزراعي (إختصارا للوقت و المسافة)
تطلع الدائري و تكمل مش فاكر المسافة بالضبط مش أقل من 15 كم
حتلاقي العلامات الإرشادية لطريق السويس
بعد ما تمسك طريق السويس و بعد ما تعدي كارتة دخول (قبل مدينة السويس ) تلاقي (u) تيرن شمال
لف منه في أول يمين لغاية النفق
إجمالي المسافة بالطريقة دي حوالي (700)كم لغاية شرم
خللي بالك في منحنيات مفاجئة في مطالع و منازل قبل شرم بمسافة كبيرة
معلوماتي بناءا على نفس المشوار سنة 2006
شكرا ليك يا خالد علي الافادة
هو الوصف كده مظبوط بس فيه أصلاحات في الطريق قبل النفق (نفق الشهيد أحمد حمدي) و بعد النفق فياريت تخلي بالك و بلاش تجري
كذلك و انت علي الدائري خلي بالك ان منزل طريق السويس مافيش عليه علامات أو لوحة لكن هتلاقي لوحة مكتوب عليها "ألماظة" تسيب المنزل ده و تهدي و تاخد يمينك علشان تنزل المنزل اللي بعديها هو ده المخرج الي طريق السويس
و توصل بالسلامة ان شاء الله
الله يجازيكم خير يا جماعة
انا كمان ناوى على نفس المشوار من اسكندرية
بس كنت عاوز استشارتكم فى تجهيز العربية للسفر المشوار ده؟
و ربنا يخليكم
كل اللي مطلوب منك تتأكد من الاتي:
1- ضغط الاطارات يكون مظبوط و التأكد من حالة الاستبن
2- التأكد من تمام عدة العربية (الكوريك - مفتاح العجل)
3- التأكد من مستوي السوائل (مياه التبريد - مياه المساحات - زيت الموتور - زيت الباور - زيت الفرامل)
4- التأكد من عمل مساحات الزجاج الامامي بكفاءة
5- التأكد من أنوار العربية و خاصة النور الامامي و العالي
6- التأكد من حالة التكييف (علشان الجو حر و الطريق طويل و كله شمس)
7- ياريت لو تغسل أو تنفض سربنتينة التبريد (الردياتير) قبل المشوار ده و بعده
ممكن تاخد معاك الحاجات التالية علي سبيل الاحتياط:
1- زجاجة مياه (في حالة حدوث نقص لاقدر الله في مياه التبريد أو المساحات)
2- ممكن تأخد جركن زيت ( لتر )
3- خلي معاك كشاف نور قوي علشان لو أضطريت ترجع بالليل
و أخيرا ... أمشي علي مهلك و ماتزودش عن سرعة الطريق ... و توصل بالسلامة أن شاء الله
الله يجازيكم خير يا شباب