وتقولي الدورية الراكبه فين ؟؟؟!!!!
ماشي بقلب في الاجتماعي
لقيت موضوع مصطفى ده
http://www.nilemotors.net/Nile/showthread.php?t=75688
فكرني بما حدث يوم الجمعة الماضية بسؤاله عن الدوريات الراكبه
كنت في زيارة لاشخاص في حي عريق من اعرق احياء القاهرة وازحمهم (شبرا)
وقامت خناقة بين فرد وعائلة انثى بحجة المعاكسة
الولد اتضرب علقة محترمة
اهلة ماسكتوش جمعو اهلهم وفجأة تحول الحي الى ترسانه بدون مبالغة
صناديق البيبسي تكدست امام البيت
بتتطوح من البلكونات والضحايا بالكوم
سنج وسواطير ومختلف انواع الاسلحة البيضاء والشوم
منظر ماشوفتوش من زمان بس ماكنش بالوقاحة دي
من اول الخناقة خفت على عربيتي نزلت ركنتها برة الشارع
الخناقة تطورت وشوفت عربيات بتتبهدل بدون اي ذنب لاصحابها سوى انهم ركنو تحت بيوتهم
نزلت جري اشب العربية وديتها بعيد قوي
الموضوع وصل لايقاف اكتر من 4 شوارع متتالية وتغيير مسارت اتوبيسات نقل عام
الاتصال بالنجدة بقى حدث ولا حرج
اول مرة البيه بيحطك على الانتظار
وياخد البلاغ وحاضر جايين
الازايز بتتحدف والتقطيع شغال ولا كانك في فيلم دموى
ومفيش فايدة
ده احنا لو بنحارب اسرائيل ماكنش هايبقي فيه الغل ده
تتصل تاني بالنجدة
ايون عارفين وخدنا اكتر من بلاغ وجاري التعامل
جاري ايه ده القسم مايبعدش اكتر من 5 دقايق مشي ودقيقتين بالعربية
القسم مش نقطة
بلاغ تاني من المستشار فلان الفلاني
الصوت يتعدل ويا فندم الدورية اتحركت فعلا
تيجي الدورية مش عارفة تدخل من الضرب اللي شغال
تخيلو يعملوا ايه
يجيبو ميكروباص بتاع واحد ماشي يحطو فيه شوية عساكر ويدخلو بيه ارض المعركة
قصدى الشارع اللي فيه الضرب
لمو شوية ناس
وبالليل
يقوم الضرب التاني
وتاني يقوم نفس الحكاية لغاية ما تتحل ودي
واللي بيتخانقو دول جيران من اكتر من 20 سنة بدون عداوات سابقة
ولا عزاء للامان في مصر