حد يعرفمخالفة الفامية كام وياترى فورية و الا ادخل فحص و الا اية
عرض للطباعة
حد يعرفمخالفة الفامية كام وياترى فورية و الا ادخل فحص و الا اية
لازم فحص
لسه دافعها 37 جنيه على ما اتزكر و 30 تأمين وا في الحدود دي
مافيهاش مخالفة تصالح (اللى هي مخالفة فورية). الرخصة بتتسحب ولازم تشيل الفيميه عشان العربية تعمل فحص فني وتسترد ساعتها الرخصة مع غرامة مالية (معرفش كام!).
نحياتي.
انا دفعت 50 جنيه فوري وخلاني شلت الفاميه وانا واقف قدامه حسبي الله وتعم الوكيل
هووووووفففف
الشاطر يطلعلى المادة بتاعته من القانون والأخص الناس اللى اتخلفت قبل كدة
انا الضابط قالى يا اسحب الرخص يا تشيل الفاميه
شيلته قدامه و خدت الرخص و مشيت و مدفعتش حاجه
بس حوار الفاميه ده ضباط و ضباط
يعنى فى اللى يخليك تدفع و تشيل قدامه و فى اللى يخليك تدفع و يمشيك و فى اللى يسحب الرخص و يدخلك فحص
مش عارف بقى ايه اللى المفروض صح
انت و حظك فى الضابط
لو ظابط جدع ممكن يكتبهالك ستاير ويدفعك فوري 50 جنيه وخلاص
انما لو فاميه لازم سحب وفحص
يعنى القانون اية ياجدعان عشان نعرف نتكلم معاهم
لو حاجب للرؤية
يعني يبص مايشوفش من القزاز
لا اعتقد ال01 مخالف طبعا
انا مركبه عالازاز الي ورا بس محدش بيشوفو طبعا
بس وقفت في كماين كتير و محدش اتكلم
اعتقد لو حتي 00 حيوقفوك والله اعلم
الواضح ان محدش عارف مادة القانون بتاعته
تصدقوا .. أنا راجعت تعديلات قانون المرور ومش لاقى ذكر الموضوع ده ؟؟
على فكرة الستاير معلهاش مخالفة والدليل
أولا مش مذكور حاجة عنها فى القانون
ثانيا كان فى لقاء بمدير أمن القاهرة فى برنامج البيت بيتك .. وكان فى سؤال عنها وقال .. ليست مخالفة
ثالثا .. انا كنت مركب ستائر على البابين الخلفيين والبربريز الخلفى .. ودخلت على لجنة مرورية .. وأمين الشرطة طلب الرخص .. وقالى أركن على جنب
ركنت ونزلت للظابط .. قالى الستاير .. رديت وقلت له الستائر غير مخالفة وغير مذكورة بالقانون
رد عليا .. وقالى أصل فى ناس بتستخدمها أستخدام خاطئ .. قلت له .. انا مليش دعوة بالناس
أعطانى الرخص من غير أى مخالفات .. ومشيت
هيا ياجماعة حظوووووووووظ
حسب الظاابط انا وقفني بردو قبل كدة قاالي شيلوا واداني الرخص ومشييت
وفي مرة تانية دفعني 50 جنيو ومشااني من غير ماايشيلو
فبتكوون حظووظ
انا كنت مركب فاميه سوبر دارك واعدت بيه سنه محدش كلمنى ولما وقفونى الظابط كان هبدفعنى 50 جنيه قلتله معيش فلوس المهم ف الاخر خد 20 بس ومشيت من غير ما اشيله ولا حاجه
قشطه يا رجاله عيشو حياتكو
انا فعلا مش لاقي ماده في القانون بخصوص الفاميه
ولا بخصوص اي ستيكر على العربيه
.
او يمكن انا مش بقيت بقرا كويس
اتفضل حضرتك
http://www.nilemotors.net/Nile/81504-a.html
انا برضو دورت أكتر من مرة وملاقيتش أى حاجة عن الفامية ولا الستائر
يمكن فى قانون تاني غير بتاعنا مش عارف !
عموما انا مفيم الخلفي والهوايات والشماسة درجة تقيلة
ولما ملاقيتش حاجة نص فى القانون فيمت باقي العربية بس درجة خفيفة شوية
الفامية أكبر ميزة فية انة بيخلي الناس تحترم نفسها زي ميكون اللى مفيم دة ابن رئيس الجمهورية مثلا ، حتي فى اللجان لو داخل عليهم بثقة وفاتح الأزاز شوية غالبا مش بيوقفوني أصلا
بس لسة لحد الأن محدش علق علية
وربنا يكفينا غلاستهم
شكرا يادكتور جدا
الف شكر ليكم كلكم على المعلومات وطرح التجارب