-
مشكلة في العربية
السلام عليكم يا جماعة
كل سنة و انتو طيبين
انا عندي مشكلة صغيرة كدا في العربية و ارجو انكو تلاقولي حل ان شاء الله:w6266d
من اول ما جبت العربية من 3 شهور كانت كويسة جدا و المشكلة ظهرت بعد ما اخدت حفرة جامدة علي طريق الرحاب...
المهم العربية الدركسيون بتاعها بقا مايل سنة لليمين " مش متسنتر فالنص" و لما اجيبه فالنص العربية بتحود شوية للشمال فا لازم امسكه و هوا مايل عشان العربية تبقا فالنص بالظبط
بس العربية عالسرعات العالية ثباتها متاثرش و مفيش رجة ولا حاجة بس طبعا الموضوع يضايق خاصة انك مش بتبقا مرتاح فوق 120 كم
يا تري ايه دا و هل هذا فعلا زوايا و خلاص؟؟ ولا ترصيص ؟؟ و ايه الفرق؟؟
و اعملهم فين؟؟
الف شكر يا جماعة
-
لا ياباشا كدة زوايا
واللة اعلم
-
مش أكتر من ضبط زوايا إن شاء الله بس برضه رصص الأول و إبقى طمنّا عليك
أعتقد أرابكوم اللي قرب سيتي ستارز ناس كويسه
-
أرابكو معندهمش زوايا على حسب معلوماتى يا خالد بك.........بس عندهم ترصيص.
ممكن تظبط زوايا و إن شاء الله الموضوع يظبط معاك
ممكن تتعامل مع بريدجستون.....كويسين .
بس لو حد قالك نعمل زرجينة متعملش....الزرجينة لو أتعملت غلط ممكن يبوظلط المساعد
-
طيب لصاحب الموضوع انت المشكلة ديه في الشاهين ولا في البروتون
لو الشاهين ممكن لو المطب كان جامد اوي يكون اخر العجلة شوية
و كدة محتاج زرجينة او هلالة مقص و ده بتعمل عند بتاع الزوايا
و عندك في الاسماعيلية محطة الشروق الي على اول الصحراوي كويس
لو الموضوع في البروتون يبقي المفروض تكشف زوايا و لو الموضوع متظبطتش من تيش الاسكاترا عند بتاع الزوايا برده
يبقي انت ممكن تكون محتاج زرجينة و المفروض تشوف حد بيعمل شغل سمكرة كمبيوتر في الحرفيين في مصر
و لو نوع العربية غير الي انت كاتبة يبقي معلش انا طولت عليك :)
-
الف شكر يا جدعان ليكو
هيا المشكلة في البروتون
بس ليا سؤال : هوا موضوع ظبط الزوايا دا لازم بيانات العربية تبقا عالكمبيوتر ولا الموضوع اسهل من كدا؟؟
-
Content Relevant URLs by
vBSEO 3.6.0 PL2