سؤال هام وعاجل

**zoz95** · 17-05-2009 07:59 PM

سؤال لو المخرج التانى من الموبينة بخرج شرارة اقل من الباقى هل كدة معنا انها بايظة وهل ممكن يكون دة السبب فى عدم ضبط متور العربية (تحس انها شبة متلتة و لما تكبس بنزين و انت واقف او ماشى تاخد وقت عقبال ما المتور يتقبل البنزين حتى لو دايس على اخر الدواسة بس بصورة مفاجاة وطبعا خنقة جامدة )
العربية لانوس 1 مو 2000 اوروبى ( عرفت انها اوربى و انا فى الحرفين بركب كمبروسور تكيف بالصدفة )
طلمبة البنزين مركبها استيراد امبارح تمنها 200ج من الحرفين الجعفرى
العربية معمولها صيانة كاملة ما عدا شداد الكتينة و السير و طرمبة المياة
العربية عاملة 185000
بستخدم بنزين 92 دائما
وانا فى الحرفين امبارح اللى خلانى اغير الطلمبة ان محمد عسكر قالى انة فك الراجع بتاع البنزين و ساعتها العربية كانت حرير بس لما ركبت الطلمبة الجديدة العيب زى ماهو بس انا كان بيتهيئلى لانى بصراحة تعبت

**samirayad** · 17-05-2009 08:36 PM

سؤال لو المخرج التانى من الموبينة بخرج شرارة اقل من الباقى هل كدة معنا انها بايظة

لا مش شرط .....لأن ممكن يكون سلك البوجيه الخاص بهذا المخرج هواللى بايظ ومبيوديش شراره كويسه للبوجيه بتاعه..............

وهل ممكن يكون دة السبب فى عدم ضبط متور العربية

نعم

**zoz95** · 17-05-2009 11:24 PM

سلك البوجيات جديد بس المشكلة ان سلك البوجيهات القديم كانت المشكلة فى نفس السلك كان سايح من ناحية البوجية وغيرتة وغيرت البوجيهات ngk 21 سن سابت و الرشاش اللى فوق البوجية دة لما بشيل الجاك بتاعة تاثيرة ضعيف و اوقات بدون تاثير و البوجية رقم واحد من ناحية الموبينة بيطلع مهبب

فك الراجع بتاع البنزين و ساعتها العربية كانت حرير بس لما ركبت الطلمبة الجديدة العيب زى ماهو بس انا كان بيتهيئلى لانى بصراحة تعبت

**samirayad** · 17-05-2009 11:34 PM

يعنى البوجيه اللى عند البوبينا بيهبب.....والمخرج رقم 2 من البوبينا وأنت نازل من فوق ضعيف ( خللى بالك ده اللى بيودى للبوجيه اللى فى آخر المكنه جنب الكاتينه )..................تمام كده......ولو الوصف زى مابقولك يبقى البوبينا ضعيفه ( وبالذات ملفها الثانوى العلوى من فوق )

**samirayad** · 17-05-2009 11:59 PM

لا معلش ...أنا راجعت نفسى تانى ......والمخرج رقم 2 بتاع البوبينا .....هو اللى بيودى للبوجيه اللى عند البوبينا...........وجب التنويه من جانبى ............وبرضه مازال أحتمال البوبينا ضعيفه قائم.........لأن بصراحه أنت لخفنتنى .......والمفروض كل واحد مننا يبقى عارف كل مخرج من البوبينا خاص بأى بوجيه