الصنى 118 حصان خدعه ام حقيقة

**badr20590** · 18-05-2009 10:14 AM

المشاركة الأصلية كتبت بواسطة amir

انا ليا رأي تاني
سيبك بقي من العك ده كله و هاتلك عربيه بجد
ميركوري او لامبورجيني او فيراري
انا مش مصدق الكلام المكتوب ده او بالاصح مش قادر استوعبه
السرعات دي و الكلام ده كله بيجيبلك فلوس مثلا؟
اصل لازم الواحد يكون مستفيد باللي بيعمله
و بكلامك ده فانت بتقصف عمر كل حاجه معاك في العربيه سواء الصني او غيرها
مش هتكلم عن سلامتك بس لأنها اكيد بتهمك بالمقام الاول لكن اخبار سلامه المشاه و راكبي العربيات في شوارع ربنا ايه؟
بجد انا بحزن لما الاقي حد بيفكر بالاسلوب ده
اكيد انت ليك كل الحريه في حياتك بس اعذرني مش علي حساب باقي الناس
اتمني انك تعمل بحث في المنتدي هنا علي كلمتين هما حوادث السرعه و شوف الصور بتاعت الحوادث بيبقي شكلها عامل ازاي
و لو فاضي اكتر روح اي مستشفي عام و اقعد جنب الاستقبال شوف كده بعنيك مصابي حوادث السيارات بييجو شكلهم عامل ازاي" و مش هتكلم عن اشكال المتوفيين"
اتق الله في نفسك و الناس
مش تعالي عليك او اي حاجه دي نصيحتي ليك تاخدها او ماتخدهاش دي حاجه ترجعلك
راعي ربنا في نعمه العربيه اللي كتير من الناس بتتمناها و هم واقفين في الشمس الحارقه علي محطات الاوتوبيس او راكبين عيله كامله علي موتوسيكل
راعي ربنا في نفسك و صحتك و حياتك و اهلك
و ارجو انك تتقبل كلامي بصدر رحب
و شكرا

انا مقدر قلق حضرتك بس السرعات دى مش بتيجى الا مره واحده و للتجربه بس انما لا فى غرز ولا كلام من ده و لازم طريق فاضى شكرا

**badr20590** · 18-05-2009 10:16 AM

المشاركة الأصلية كتبت بواسطة Hosam_Optrawy

بص يا استاذ انا طبعا مش هاقدر اتكلم عن الصنى زى ملاكها
بس انا قريت فى الموضوع المثبت للاستاذ سبعاوى ان القدره الحقيقيه للموتور 108 مش 118
ومع احترامى للصنى
موتور الالنترا ال 121 حصان اللى حضرتك صرفت عنها نظر عشان كورى
احسن من 100 موتور صنى

100X108= 10800 كده حطلع من البوجاتى

**badr20590** · 18-05-2009 10:23 AM

عندى سؤال تانى عن ثبات الصنى

بحس انى لما بكون ماشى على 120 و اعدى جنب عربيه عالية تريلا انها بتحدف بعيد عنها مش عارف ده عندى بس ولا ايه

**bmya** · 18-05-2009 06:10 PM

بص ياباشا انا من رأيي ان احسن حاجه في الصني موتورها موتور محترم جدا وصوته جميل قوي تحس انه قوي
بس ماينفعش تقارن بين سحب نوبيرا مانوال وسحب عربيه اتوماتيك اكيد المنافسه في صالح النوبيرا المانوال لكن لو ركبتها اتوماتيك هتعرف قيمه الصني التوماتيك
ماينفعش تقارن بيين موتور النترا تكنولوجيا حديثه cvvt بموتور الصني اللي هو تكنولوجيا 2003 اكيد النترا تكسب
بالنسبه لثبات الصني فهي عربيه تقيله بس انا مش بحس انها ثابته مش عارف ليه يعني بحس ان الدركسيون مش ثابت وراسي كده لاء اقل زلطه تحركه ولازم لو هتجري تمسكه بايدك الاثنين مع اني بسوق السيريون وهي اخف بكتيير وبمشي بيها 160 وبكون سايب الدركسيون وعمره ما يتحرك بس ده تقريبا عشان السيريون باور كهربه وهو ميزه جامده جدااااااااااااااااااااااا ا والمفروض كله ينزل كهربه اصلا
حاجه كمان ربنا يباركلك في العربيه وفوكك من الجري احسن لان مصر وطرق مصر وعربيات مصر وسواقييييييييين مصر ملهمش في السواقه ومينفعش تجري اصلا وانت مطمن وربنا يسترها معانا

**sab3aawy** · 19-05-2009 09:04 AM

يعنى انت بتقارن متور لسة خارج من التليين وعلى جير بوكس اوتوماتيك بموتور بقدرة حصانية مقاربة جدا للموتور الاول لكن طول عمره بيجرى وعلى جير بوكس مانيوال وزعلان ان فيه فرق بسيط بينهم لصالح الموتور المانيوال؟

طب اقول ايه؟

مش
هقول لك غير لو جتلك فرصة تجرب نوبيرا اوتوماتيك انت بنفسك هتبعت للادارة تطلب منها انها تمسح الموضوع ده

**badr20590** · 19-05-2009 01:22 PM

المشاركة الأصلية كتبت بواسطة sab3aawy

يعنى انت بتقارن متور لسة خارج من التليين وعلى جير بوكس اوتوماتيك بموتور بقدرة حصانية مقاربة جدا للموتور الاول لكن طول عمره بيجرى وعلى جير بوكس مانيوال وزعلان ان فيه فرق بسيط بينهم لصالح الموتور المانيوال؟

طب اقول ايه؟

مش
هقول لك غير لو جتلك فرصة تجرب نوبيرا اوتوماتيك انت بنفسك هتبعت للادارة تطلب منها انها تمسح الموضوع ده

يا باشمهندس باين من عنوانى انى بسال على موضوع ال118 حصان يبقى فين التقراب بينهم ده

حضرتك قلت انى اصبر عليه وهوه حيوصل لقدرته النهائية بعد 5 او 10 الاف وانا فعلا حسيت الموضوع ده امبارح مع لانسر بوما مركب فلتر اسبور وطلعت منه

و بالنسبة للنويرا الاوتوماتيك مش عارف ممكن اقدر اجربها دلوقتى بس اللى قدامى اوبترا اوتوماتيك ايه رايك اجربها ولا حتكون مختلفة عنها

**kemoelord** · 20-05-2009 02:35 PM

هو يا جماعه ايه زرار ال o/d ده وموجود فين في الصني لان انا ركبتها يمكن ما اخدت بالي منه ,,,
وثانيا : هي الالنترا 121 HP ده اكيييييييد وثالثا الصني ال HP تبعها 118 فعلا لان فيه واحد عامل موضوع عن الصني ال 2009 الي طبعا محركها مش فارق عن 2008 او 2007 حتى وجايب صورة المعلومات تبعتها الي بتنزل معاها

**badr20590** · 20-05-2009 03:17 PM

المشاركة الأصلية كتبت بواسطة kemoelord

هو يا جماعه ايه زرار ال o/d ده وموجود فين في الصني لان انا ركبتها يمكن ما اخدت بالي منه ,,,
وثانيا : هي الالنترا 121 HP ده اكيييييييد وثالثا الصني ال HP تبعها 118 فعلا لان فيه واحد عامل موضوع عن الصني ال 2009 الي طبعا محركها مش فارق عن 2008 او 2007 حتى وجايب صورة المعلومات تبعتها الي بتنزل معاها

زرار الo/d موجود فى الفتيس الاوتوماتيك تحت الزرار اللى بتغير بيه من P to D,R,,N و بيخلى العربيه ماتنقلش غير لما الغيار يجيب اخره وده لما تعوز تاخد غرزه

و بالنسبة ل 121 و 118 ده كلام للموتور قبل ما يتحط للعربيه قبل النقص بتاع الات الجر و غيره يعنى فى الصنى بتوصل حسب ما يقال الى 108 حصان

**Abdo_Eldesokey** · 20-05-2009 03:39 PM

أنا بجد استفدت من الموضوع ده جدا ً ...

أنا كنت أعرف إن العربيات لتقضية المشاوير والسفر وكده

لكن عرفتلها استخدام جديد وهو الشد مع العربيات التانية ، وما أعظم هذه الفائدة