الموضوع: الصنى 118 حصان خدعه ام حقيقة

المشاركة الأصلية كتبت بواسطة badr20590

يا باشمهندس باين من عنوانى انى بسال على موضوع ال118 حصان يبقى فين التقراب بينهم ده

حضرتك قلت انى اصبر عليه وهوه حيوصل لقدرته النهائية بعد 5 او 10 الاف وانا فعلا حسيت الموضوع ده امبارح مع لانسر بوما مركب فلتر اسبور وطلعت منه

و بالنسبة للنويرا الاوتوماتيك مش عارف ممكن اقدر اجربها دلوقتى بس اللى قدامى اوبترا اوتوماتيك ايه رايك اجربها ولا حتكون مختلفة عنها

يعنى انت شايف ان 106 بعيدة بعد السماء عن الأرض عن 118 ، وشايف انك لما هتصبر شوية على محرك اوتوماتيك هتاخد منه زى ما بتاخد من محرك مانيوال حتى لو كان اقل منه شوية فى القردرة الحصانية(بلاش مقارب لحسن الكلمة زعلتك)

5 آلاف ايه وعشرتلاف ايه اللى هتصبرهم علشان تطلع من محرك على جير اوتوماتيك نفس اللى بيطلع من جير مانيوال، والله لو صبرت مليون كيلو حتى مش هتاخد منها زى مانيوال ، هو اصلا المقارنة من اساسها غلط ولو انت كنت قلت من مشاركتك الاولى ان النوبيرا مانيوال كانت اجابة كلامك هتكون فى كلمة ونص: لا تقارن اوتوماتيك بمانيوال

هو محدش قال لك قبل ما تشترى ان الاتوماتيك مش معمول للشد والجرى والتغريز؟ وان التسارع بتاعه والكونترول علي العربية عمرها ما هيكون زى المانيوال؟ وان مهما كان الجير الأوتوماتيك دقيق ففيه جزء من عزم المحرك بيضيع فى التورك كونفيرتر ؟لو كنت سألت ومحدش قاللك يبقى متاخدش رأى الناس اللى انت سألتها دى تانى . ولو مكنتش سألت فلا تلومن الا نفسك


رقم ال 118 او ال106 او ايا كان هو رقم قدرة المحرك مقاسة عند عمود الحدافة قبل الدخول الى الجير بوكس، وبالتالى عادى جدا انك لما تكون مركب جير بوكس اوتوماتيكى على موتور 118 حصان فممكن الى يكون طالعلك بعد الجيربوكس اقل من اللى طالع بعد جير بوكس مانيوال راكب على موتور 106 لأن الفقد فى جير بوكس اوتوماتيكى بيكون اكتر بكتير من الفقد فى الجيربوكس المانيوال ، وده السبب ان زيت الجير الأوتوماتيك بيحتاج لتبريد لأن كل الفقد فى الطاقة فى الجير الأوتوماتيكى بيتحول لحرارة تسخن الزيت ولذلك يلزم تبريده فى سربنيتة خاصة به بداخل او امام الردياتير، لكن عمرنا ما سمعنا عن زيت جير مانيوال له سربنتينة تبريد

اية يا جماعة انا حاسس انى فى حلبة سباق ...شد وغرز وحرق و 175 ..براحة دحنا ماشيين على عجل..

على العموم انا معايا نيسان 2008 بتاعت والدى ونوبيرا 2008 برضة...بس الاتنين مانيول

عايز اقول ان الاول والتانى بتاع الصنى يقتل بتاع النوبيرا جامد..العربية بتستجيب بسرعة جدا فى الاول والتانى اما التالت والرابع فهو اقل من النوبيرا فى التسارع

لو جينا لنقطة الثبات ...الصنى تقيلة ومش بتخوف بس على السرعات العلية ...الهواء بيحركها...بعكس النوبيرا (لازقة فى الارض فعلا عشان واطية)

على فكرة ...بالنسبة لنقطة العربية مجابتش اكتر من 175..فى عضو معانا هنا جاب 190 على ما اتذكر واحطط الصورة فى موضوع (اعلى سرعة لنيسان صنى)

وربنا يسطر طريقنا

اية المقارنة الغريبة دى ..بيجو 95 وصنى 2009..