للأسف غيرت كارتة الكنترول يونيت فى العربية

**zocor742** · 17-05-2009 09:47 PM

انا بفكر اجيب كيس شفاف واغطى الكارتة او اجيب الأسترتش الحافظ للمأكولات و اغلفة لحد بعد الفيشة بشوية لحد السلك الى طالع من العربية لحوض الماتور وهيحافظ عليها من المية والرطوبة لو ليها سبب فى كدة بردو الاحتياط واجب

**samirayad** · 17-05-2009 09:50 PM

مفيش مشاكل .....وفكره حلوه للحفاظ على الكارته الجديده

**zocor742** · 17-05-2009 10:06 PM

ان شاء الله اخد بكرة الاستريتش وانزل اغلف الكارتة واحكمها جيدا بس تفتكر ياباش مهندس ممكن يسخن الكارتة ولا اصلا مش بتسخن وشكرا جدا لحضرتك واسف صدعتك شوية

**samirayad** · 17-05-2009 10:50 PM

ان شاء الله اخد بكرة الاستريتش وانزل اغلف الكارتة واحكمها جيدا بس تفتكر ياباش مهندس ممكن يسخن الكارتة

أأقولك ......خلينا فى الأمان وملوش لازمه موضوع غطاها ده .....لأن ممكن برضه تكون المكونات الألكترونيه بتفقد حراره بالأشعاع ( والكيس ممكن يكتمها ) فملوش لازمه ......وكويس أنك فكرتنى بموضوع السخونه ده .....لأنها على طول بيكون واصل لها كهرباء ( وهو اللى بأقولك عليه دلوقتى من باب سد زرائع الشك باليقين ) وربنا يسترها معانا ومعاك

وشكرا جدا لحضرتك واسف صدعتك شوية

يا أخى متقولش الكلام ده ......وأنا مبسوط أنى بأتناقش معاك ........وكلنا بنستفيد ........وواضح أنك بتفكر فى نتائج كل حاجه وده كويس ..0..لأن ده فعلا طبعى

**zocor742** · 17-05-2009 11:09 PM

ربنا يكرمك ودة عشمى فيك بردو وهبقى افكر فى فكرة ممكن احكم الغطاء الفبر ب سيليكون عند الفروقات ممكن تدى نتيجة كويسة بردة اجيب مسدس شمع واجيب انبوبة سيليكون واملاء الفراغات بسليكون بس على خفيف مجرد انى احكم الفرق بين قطعتين الفبر

**samirayad** · 17-05-2009 11:19 PM

ربنا ييسر لنا ولك الحال

**waleedrahmy** · 18-05-2009 10:31 AM

بلاش حكاية التغليف بالبلاستيك دي

**Khalid_Mostafa** · 18-05-2009 10:49 AM

المشاركة الأصلية كتبت بواسطة zocor742

الميكانيكى بتاعى فين وانت ضهرك للساعة ومتجة لجاردينيا عند فتح اللة فين سنترال مصطفى كامل قبلية واحد بتاع كاوتش تدخل مدخل مساكن عثمان وتاخد شمال فى يمين فى يمين تانى فطوالى لحد اخر الشارع اول ما تلف حتلاقى ميكانيكى هو دة هتلاقى معلق يافطة عليها ميتسوبيشى ودايو وعلامة لمبة التشيك وهو بصراحة ممتاز ممتاز ممتاز والصنايعية الى عندة فهمين الشغل كويس ومش بتاع حوارات واشتغالات ومش مغلاوانى لو عايزنى اعرفك عالية فى اى وقت تحت امرك

انا اعرفه ....انت وصلت لسامح..اهلاً بيك...هو علي فكره واد اخلاق و بيفهم كويس وعلي فكره من افضل الناس الي بتشتغل في الدايو و الماتيز بالتحديد والكوري بشكل عام

وبالنسبه للعربية ، انا اعتقد ان النوبيرا عزلها بشكل عام مش حلو ..لأن اخويا برضه مره الضفيره ولعت منه عشان غسل الماتور