المعروض كثير جدا سواء 2008 او2009 وبجد القدرة الشرائية قلت والاسعار ستنخفض قليلا خلال الصيف واما التخفيضات الكبيرة ستكون بعد اجازة العيد و حتى نهاية العام على الاقل ومعنى التخفيض الكبير الف يورو على السيارات الصغيرة وانت طالع .
عرض للطباعة
المعروض كثير جدا سواء 2008 او2009 وبجد القدرة الشرائية قلت والاسعار ستنخفض قليلا خلال الصيف واما التخفيضات الكبيرة ستكون بعد اجازة العيد و حتى نهاية العام على الاقل ومعنى التخفيض الكبير الف يورو على السيارات الصغيرة وانت طالع .
ياجماعه ما كل اجرايد والمحررين عمالين يتكلموا
سيبوا اللى يتكلم يتكلم احنا اللى بنشترى واحنا اللى حاسين بلسوق اكتر من اى حد
يا جماعة ما الكلام بالعقل إذه كان و السوق نايم محدش نزل سعر غير تقريبا حاجات بسيطة جدا تقريبا لاتذكر يبقي أزاي بقي لما يجي الصيف اللي السوق المفروض بيتحرك فية الأسعار هتنزل؟؟؟ ممكن ---ممكن يكون في عروض احسن من الحالية بس بنفس الأسعار .. و بعدين من الأخر اكتر ناس خسرت هي اللي باعت مستعمل سعرها نزل و الزيرو زي ما هو
أنا مع الأعضاء اللى قالوا إن ده مجرد ترويج لمعرض أوتوماك و اللى أصلا بتبقى فى عروض كويسة خاصة على الموديلات الجديدة بصرف النظر عن ظروف السوق أما الانخفاض اللى بيحلم بيه الناس فاعتقادى الشخصى إنه لا جاى و لا الدولة هتسمح بيه أصلا
عموما أنا آخر اللى سمعته من مدير عام شركة دايهاتسو إن الأسعار ممكن تنزل بس بشكل عادى جدا خلال الفترة اللى جاية مش بشكل مبالغ فيه و إن فى احتمال إن موديلات 2010 الأوروبى تنزل نسبيا فإذا قربت من الموديلات الآسيوية سعريا أعتقد إنها لازم هتأثر عليها.
ده كلام منطقى و عقلانى و من مدير عام شركة سيارات يابانية معروفة لا صحفى و لا بتاع مبيعات و أنا عن نفسى مصدقه نسبيا
الواقع بيقول ان التخفيضات الجمركيه كل سنه 10% من قيمه الجمرك على العربيات الاوروبيه هيخللى العربيات الاوروبيه الغاليه زى الاسترا والميجان مثلا بعد 3 سنين تنافس عربيات زى السيراتوا !!فلازم و كلاء العربيات الكوريه و اليابانيه ينزلوا من اسعار عربياتهم و يقللوا من هامش ارباحهم كل سنه حفاظا على حجم مبيعاتهم
انا شايف انه هيولع بس بدون شراء
مش ده المحرر اللى بيكتب فى اخبار السيارات
ده مرة كان كاتب مقالة عن معاناة الغلابة المساكين اللى بيحجزوا المرسيدس المجمعة فى مصر
انا لما ابتديت اقرأ المقالة كنت فاكره بيهزر لقيته بيتكلم بجد و قد ايه هما مساكين ان هايستنوها لما تنزل و ان منهم اللى لما بيبعت السواق يحجز و السواق بيتدلع شوية فيتأخر الحجز شهر مثلا ، ياعينى على الغلابة...و كلام كأنه بيتكلم عن معاناة المطحونين و المقهورين فى العالم كله ...
انا لا يمكن اصدقه ابدااااااا
و بعدين فى الصيف بيحاولوا يبيعوا الموجود فى السوق قبل موديلات السنة الجديدة ما تهل و لكن عمرى ما سمعت عن او شفت تخفيضات بجد ، كله كلام و لعب عيال ، الف ولا الفين تخفيض و يقول لك فرصة عظيمة ...
و للأسف و عن تجربة كثير من التجار الجشع بيعمى عيونهم و لما السوق يكون نايم بدل ما يخفض السعر علشان يبيع تلاقيه يرفعه !!! قال ايه علشان لما يبيع يعوض جزء من قلة المبيعات بسبب الركود ... شوفتوا النظرية ... شوفتوا العقلية العلمية المعملية الفذة ؟؟؟
عموما اهو الصيف داخل و هانشوف ...
اذا خرج العيب من اهل العيب ميبقاش عيب و خالد اباظة دة ابو العيب و الكلام الفارغ و المدفوع الاجر كل كلامة دة ترويج لمعرض او تو ماك و صدقونى لو ثبتنا شوية على موقف معارضة الشراء و الصيف دة عدى اللى كل التجار و الوكلاء بيحلموا و بيمنوا نفسهم بية و قربنا من اخر السنة و موديلات 2010 نزلت و قرب تنفيذ اول جزء من التخفيض الجمركى على الاوروبى هنشوف تخفيضات و عروض و اسعار مكناش نحلم نشوفها بس الفكرة كلها ان الصيف دة بالذات يعدى من غير ما معدلات الشراء تزيد علشان كدة عاوزين نعمل حملة لتنشيط حملة خلوها تصدى و اى حد لة قريب او صديق راجع من برة ينصحة بتاجيل قرار شراء الزيرو لاول السنة او شراء مستعمل لان عودة العاملين بالخارج هية احد اسباب نشاط حركة المبيعات الصيفية و لو ان السنة دى غير كل سنة كتير من العائدين من الخارج عائدين نهائيا بسبب الاستغناء عنهم....
يا رب
اتمنى
اولا خالد اباظه اكتر واحد بيعمل البحر طحينه لاى توكيل بيحبه وبيطلع القطط الفطسانه فى اى توكيل بيكره مصالح وكل الجرايد والمجلات الخاصه بالعربيات مش اكتر من اعلانات مدفوعه ومافيش اى حد محايد وبيقول راى بدون مصلحه
والاهم بقى اننا فى مصر مش عارفين ايه اللى هيحصل اخر الاسبوع علشان حتى نقدر نخطط لبكره بس يبقى هو مشاء الله عرف لشهرين ثلاثه
صدقونى الاسعار عامله تعلى عندنا بس وبره نازله جرى